93
अरू ह्रेंमैं नेरो पृथ्बीए फिर याहवेहजी ग्याल्स लमुँ
1 याहवेहजी ग्याल्स लमुँ! म्रुँइ खिब् धों तबै क्वें खीजी खिम्,
फगि खिसि भों खब् धोंले याहवेह बेल्ले शक्ति मुँब मुँ।
पृथ्बीए तें बेल्ले भोंब् मुँ, च खोंयोंइ छाइ-छुइ तरिब् आरे।
2 ओ याहवेह, क्हि टिबै राजगद्दि स्योंम् ओंनोंन् भोंन्ले थेंइमुँ,
क्हि ओंसों ओंनोंन् मुँल।
3 ओ याहवेह, मा ङ्युँइमैं प्ल्हों खइमुँ,
चए भेल्कमैं बेल्ले ओरइमुँ,
चए थेबै भेल्कमैं प्ल्हों खइमुँ।
4 दिलेया चए कै भन्दा,
थेबै मा ङ्युँइए भोंबै भेल्कमैं भन्दै या,
ताँन् भन्दा क्होंवाइ टिबै याहवेह बेल्ले भोंब मुँ।
5 क्हिजी पिंबै ठिमैं ताँनइ भर लल् खाँब मुँ।
ओ याहवेह, क्हिए धिं खोंयोंन् बिलै पबित्र मुँ।