9
1 Iya go anerose ainimaina ina síula iuwe, utuna tayamo agite; utunayana boi yábana osasaina goi bogina isou ima poyapoya goi. Masi‡ Masi: Ame nakona dimoni idi kasa. Isileli tubunao sinuwonúwana bego masiyana moe dimoni idi deri nakae. Amoko goi sikaaiyaka ana kadókana takínona ana maliyalina (Nuw 11:7). gagaina toina poyapoya goi ikaaiyaka go, ana ki Yaubada ikabi utunayana ivini, tauna mana tagona masiyana ikatupáeve. 2 Tuwo ki ikabi masiyana ikatupáeve, e tobuna goi aubowo gagaina isowóduwo ituko ina limou neta taagabudi aubowoina nakae.† Tat 19:18. Tauna aubowo ivakaigaga, nakae níyala be poyapoya ana madabokina sikamamaníwana. 3 Niga aubowoyana goi tatabole sisowóduwo sima poyapoya goi go, Yaubada togaga gániva ina togaga nakae bogina ivinidi.† Tat 10:1-20; Iyl 1:2—2:11. 4 Ivinidi ikavava, ilatuwokoidi idigo kana,
‘Limou, alova be nakae kaga vakalakalaoina taabu kobuugoyāidi, go sem avatauwa neta guna katukatuyana dabana goi geya, e amo tomotayadi mami tagona kobugoyaidi.’† Isi 9:4.
5 Kana,
‘Go geya atagonemita bego kokaumatedi, go sem atagonemi tukówana ainima goi koyogedegededimo.’
Adi gedagedayadi moe gániva neta tomota siikanidi nakae. 6 Tuwo amo tukowanayadi goi tomota idi kámasa ana kenao bei silusale go, geya sibabaneyeta. Nakae latuwodi toina sikámasa go, geya itoboinedita.† Iyb 3:21; Yer 8:3.
7 Tatabole adi kaigigita nakae osi bogina siyokabúbuna yaviya manuna.† Iyl 2:4. Nakae bulubuludi goi dabayogigi goura esaaesaina siyatoidi go, maisidi moe tomota maisiyadi. 8 Kunudi moe maanawedi vevina kunudi maisiyadi. Saladi gagaidi be sooinidi laiyoni saladi maisiyadi.† Iyl 1:6. 9 Kasikasidi adi taboda moe kainum nakae. Panepanedi butukaodi adi taiyakeka moe osi badabadaidi madi sariyota butukaodi nakae neta siilokoina yaviya manuna.† Iyl 2:5. 10 Tataboleyadi maa yuyudi be madi gita gániva yuyudi nakae, tuwo yuyudiyadi madi togaga tukówana ainima goi tomota siyogedegededi. 11 Adi tolovina moe anerose tayamo, tauyana masi gagaina toina ana torugwáuta go, yoina moe Diyuu niyadi goi kadi, ‘Abadoni.’ Go kidi da Giriki niyadi goi kadi, ‘Apoliyoni.’‡ Abadoni be Apoliyoni adi yagoina moe tómtula.
12 Mou tayamo bogina ikavava go, konōve! Mou aiyuwo tuwaina nava simamaima amo dogoiyadi mlidi.
13 Iya go anerose ainima tayamoina ina síula iuwe, e aba kasala goura ana sakusaku aivasi goi,† Tat 30:1-3. moe Yaubada matana goi ikaaiyaka, níyana tayamo anove 14 anerose ainima tayamoinayana mana síula ilatuwoko idigo kana,
‘Anerose adi taivasi siikonidi sákala gagaina Yuparetisi goi kutaligēidi.’
15 Tuwo moitamo, itaoya ina aneroseyadi adi taivasi italigeidi. Tauyadi boi Yaubada bogina ikatubayasidi bei situyáwata amo niyalayana, amo maliyalinayana, amo tukowanayana be nakae amo talayana manuna. Italigeidi bego sina tomota badabadaidi sikaumatedi. Tomotayadi adi badabada nakae neta tomota tawotaidi boda aito, e boda tayamo sikaumatedi go, boda aiyuwo sikesa. 16 Ago aneroseyadi idi tovayaviya madi osi adi badabada anove badabadaaidi, nakae tu andedi miliyoni (200,000,000). 17 Guna kalayáusa goi osi madi totulagayaoyadi agitedi adi kaigigita ame nakae: Totulagayadi madi tabodaboda kasikasidi goi siyatoidi, maniyedi kayakayaidi yeu nakae go, maniyedi buruu go, maniyedi yaoyaoidi. Osiyadi bulubuludi moe laiyoni bulubuludi maisiyadi go, yeu sabeninimina, aubowo be poiseni mokauna tobudi goi siisowóduwo. 18 Ame dogoiyadi aito moe aba kaumata. Tobudi goi siisowóduwo, e bodayadi aito wotaidi yaidi goi boda tayamo sikámasa go, boda aiyuwo sikaaiyaka. 19 Ame moitamo. Osiyadi idi togaga moe tobudi goi be yuyudi goi sikaaiyaka. Yuyudiyadi moteta ma bulubuludi nakae, tuwo itoboinedi tomota siyogedegededi.
20 Kidi go boda aiyuwoyadi kesakesaidi aba kaumata amo goi geya sikamaseta, e toinidi nimadi ina guinuwa manuna geya situgavileta o tadigo kada, ‘Yaubada polapola siwoodugudi adi sakululu geya sikalaveyeta.’ Go dogoiyadi dimoni! Goura goi, siriba goi, kopwa goi, gurewa goi be nakae alova goi siwodugudi go, dogoiyadi geya sigitagita, geya sinowonowo, geya siiketoiya.† Sam 115:4-7, 135:15-17; Dan 5:23. 21 E idi sinapu goyogoyoidi goi geya situgavileta. Sinapuyadi moe aumata, méyava, bowou, masisi goyogoyoina be nakae vaináwana.
‡9:1 Masi: Ame nakona dimoni idi kasa. Isileli tubunao sinuwonúwana bego masiyana moe dimoni idi deri nakae. Amoko goi sikaaiyaka ana kadókana takínona ana maliyalina (Nuw 11:7).
†9:3 Tat 10:1-20; Iyl 1:2—2:11.
†9:4 Isi 9:4.
†9:6 Iyb 3:21; Yer 8:3.
†9:7 Iyl 2:4.
†9:8 Iyl 1:6.
†9:9 Iyl 2:5.
‡9:11 Abadoni be Apoliyoni adi yagoina moe tómtula.
†9:20 Sam 115:4-7, 135:15-17; Dan 5:23.