24
Yauwe ikaanasíuna Isileli tubunao yaidi tetelina
1 Yauwe ina lovina ilatuwokoima ikavava, ilatuwokoigu idigo kana,
‘Kom be Eroni, Nadavi be Abaiu e nakae Isileli tubunao adi tomoyamoyayao seventi (70) taiyao kotūko kōma yaigu. Go masigava goi kosakulūlu yau yaigu. 2 Mosese, kom amtava kūma Yau Yauwe kikigu goi. Go kidi Eroni taabu simamāima kikigu. Tomotayadi nakae, taabu situkotūko kom taiyao.’
3 E tuwo yau asou ana tomotayadi Yauwe ina livala be nakae ina lovina alatuwokoidi. Madabokidi niyadi tayamo goi sikatuvavase sidigo kadi,
‘Kaga liliuna Yauwe iidigedi nakae bei kaguinuwedi.’
4 Tuwo kaga liliuna Yauwe bogina ilatuwookoigu agini. Ikavava, amasisi vanuwo itomo, nobuyana giyaina ataoya, ana koyayana unana goi aba kasala akaudakodako. Ikavava, dídiya yawou aiyuwo avataoedi. avataoedi Didiyayadi moe Isileli tubunao adi dala yawou aiyuwo manudi. 5 Akaudakodako ikavava, tubuwau Isileli tubunao yaidi goi aetunedi sina idi yoguyoguyao vininabeso maniyedi sikabidi, sigabudi, sivakasavedi go, sikasaledi Yauwe yaina. Go bulumakau maniyedi sigabudi go, sikasaledi Yauwe yaina abivekoveko manuna. 6 Ego yoguyoguyadi ikaikaidi akabidi awotaiyuwedi nakiyana nakiyana. Nakiyana noko goi asaligogo go, nakiyana goi aba kasalayana aseuli. 7 Ikavava, Yauwe Ina Kanasíuna Bukina‡ Yauwe ina kanasíuna bukina: Ame bukiyana sinaena Yaubada ina lovina sikaaiyaka ina kanasíuna manuna (Tat 20:22—23:33). akabi, niyagu gagaina goi akatuyaivi tomota yaidi. Ikavava, liliudi sidigo kadi,
‘Kaga liliuna Yauwe iidigedi nakae bei kaguinuwedi be kakabikaonedi.’
8 E tuwo ikaikayana noko goi akabi tomota aseulidi go, adigo kagu,
‘Konōve! Ame ikaikayana goi Yauwe bogina ikanasiukoida.† Mad 26:28; Mak 14:24; Luk 22:20; 1Ko 11:25; Ibe 9:19-20, 10:29. Anasiunayana unana moe ina livala liliudi bogina ivinida, e takatótula takabikaonedi.’
9 Abóbwara ikavava, e Eroni, Nadavi, Abaiu, Isileli tubunao idi tomoyamoyayao seventi (70), yau taiyao koyayana goi katuko. 10 Katuko, e kai Isileli tubunao ima Yaubada kagite. Aena ogalaoina goi gurewa tayamo kaausaraina yoina sapaire‡ Sapaire: Ame gurewa nakae memetu maisiyana go, ana maisa gagaina. nakae ikaaiyaka go, maisina yábana buruu nakae. 11 Kidi go Isileli tubunao idi tomoyamoyayao, e Yauwe nimana geya iyosaleyeta adi láuwo manuna. Tauyana sigite go, sikáika be sinim. Ikavava, madabokima koyayana goi kasou.
12 E Yauwe ilatuwokoigu idigo kana,
‘Kutūko kūma yaigu koya yatana goi kwaiyāka, gurewa paaevaidi bei avinim. Gurewayadi goi guna Katukeda be guna lovina bogina aginidi. Kom kwabīdi tomota kuvatulukōidi.’
13-14 Tuwo guna tovaita Iyosuwa akabi go, mainao tomoyamoyayadi alatuwokoidi adigo kagu,
‘Ameko goi kotuyaosīma ana kadókana kakaluvilamna kama. Go konōve. Eroni be Kure sikaaiyaka komi taiyao. Neta tomota sikaumakimaki, e sinokoidi bei idi kaumakimakiyadi sikitototoidi.’
Alatuwokoidi ikavava, ataoya Iyosuwa taiyao kana Yaubada ina koya goi katuko. Giyaina katukokova, e Iyosuwa akalave go, yau aguta atuko. 15 Atukotuko go, gaota koya iumai. 16 Yauwe ana káeyana isou koyayana yatana ikaaiyaka. E gaotayana iumai maliyalina ana badabada ainima tayamo. Go Yauwe gaotayana sinaena maliyalina ainima aiyuwoina goi iduduwegu. 17 Ego Yauweyana ana káeyana Isileli tubunao kagite ana kaigigita yeu sabeninimina nakae koya yatana goi. 18 Yau atukotuko, e gaotayana goi asiu. Maeko goi maliyalina poti (40) be nakae sabamgo poti (40) akaaiyaka.† Atu 9:9.