1 ታ ኢሻቶ! ታ ኢንቴኮ ፆሳ ፁራ ቆንጪሳና ቢዳይ ታስ ዱና ቃራቴꬂ ዎይኮ ኤራ ዳሮይ ዲዛ ጊሽ ጊዴና። 2 ታ ኢንቴ ጊዶን ዲዛ ዎዴ ካቄቲዳ ዬሱስ ኪርስቶሳፔ ኣቲን ሃራ ኤሮንታ ማላ ታ ባጋራ ሙርታዲስ። 3 ታ ኢንቴኮ ዳሮ ዳቡራን፥ ያሻቴꬃኒኔ ዳሮ ኮኮራሼ ባዲስ። 4 ታ ቃላይኔ ሳባኮይካ ኣያና ዎልቃ ቆንጪሴꬃንፔ ኣቲን ጪሞኒኔ ኤራ ዳሮን ጊዴና። 5 ሄሲካ ኢንቴ ኣማኖይ ፆሳ ዎልቃንፔ ኣቲን ኣሳ ጪንጫቴꬃ ቦላ ፃጶንታ ማላ ሃኒዴስ።

6 ኑ ካሃ ኩንꬂዳ ኣሳታ ኣቻን ኤራ ሃሳያ ሃሳዮስ፤ ጊዶ ኣቲን ሃይሳ ሃ ኣላሜዛ ኤራቴꬅ ጊዴና፤ ዎይኮ ꬋያና ዲዛ ሃ ኣላሜዛ ሃሪዛይታ ኤራቴꬅ ጊዴና። 7 ጊዶ ኣቲን ኑ ሃሳዪዛይ ካሴ ቆቴቲ ዲዛ ፆሳ ፁራ ኤራቴꬃ፤ ሄ ኤራቴꬃይ ፆሲ ዳሮ ዎዴፔ ካሴ ኑና ቦንቾስ ካሴቲዲ ዉርሲ ዎꬂዳይሳ። 8 ሃ ኣላሜዛ ሃሪዛይታፔ ኦኒካ ሃ ኤራቴꬃ ኤሪቤና፤ ኤሪዳኮ ኢስቲ ቦንቾ ጎዳ ካቄቴና። 9 ጊዶ ኣቲን ጌሻ ማፃፋን

13 ኑ ዮቲዛይ ሃይሳ፤ ኑ ኣሳፔ ታማሪዳ ቃላ ጊዶንታ ኣያናፔ ታማሪዳ ቃላ ሃሳዮስ። ኣያና ቱማቴꬃካ ኑ ቆንጪሲዛይ ኣያና ቃላና። 14 ፆሳ ኣያናይ ኢዛን ባይንዳ ኣሲ ፆሳ ኣያናፔ ጊዲዳዝ ኤካናስ ዳንዳዬና፤ ጋሶይካ ሄሳ ማላ ዮዖይ ኢዛስ ኤያቴꬃ፤ ኢዚ ባሲ ኣያናን ፓጬቲዛዴ ጊዲዳ ጊሽ ኢዚ ኤራናስ ዳንዳዬና። 15 ፆሳ ኣያናይ ኢዛን ዲዛዴይ ቃስ ዉርሲካ ፓጬስ ኣቲን ባሲ ኦናንካ ፓጬቴና። 16 ሄሲካ