10
Le Noachoskre čhave
1 Kala hine o rodokmeňi le Noachoskre čhavengre: le Šemoskre, le Chamoskre the le Jafetoskre. Pal e potopa lenge uľile čhave.
Le Jafetoskre potomki
2 O čhave le Jafetoskre sas o Gomer, o Magog, o Madaj, o Javan, o Tubal, o Mešech the o Tiras. 3 O čhave le Gomeroskre sas o Aškenaz, o Rifat the o Togarmah. 4 O čhave le Javanoskre sas o Elišah, o Taršiš, o Kitana the o Dodana. 5 Kala manuša dživenas paš o brehos le moroskro the pro ostrovi andre peskre phuva a sas rozďelimen pal peskre kmeňi the narodi a dojekhes sas peskri čhib.
Le Chamoskre potomki
6 O čhave le Chamoskre sas o Kuš, o Micrajim* 10,6 Oda hin o Egipt., o Put the o Kanaan. 7 O čhave le Kušoskre sas o Sebas, o Chavilah, o Sabtas, o Raemah the o Sabtechas. Le Raemoskre čhave sas o Šeba the o Dedan.
8 Le Kušoske uľiľa čhavo o Nimrod, savestar ačhiľa zoralo maribnaskro murš pre phuv. 9 Ov sas anglo Del zoralo lovcos, vašoda pes vakerelas: „Mi kerel tutar o RAJ ajso baro lovcos sar o Nimrod!“ 10 Ešebna fori leskre kraľišagostar sas o Babilon, o Erech, o Akad the o Kalne andre phuv Šinar. 11 Odarik geľa andre phuv Ašur a ode ačhaďa o foros Ninive, o Rechobot-Ir the o Kelach. 12 Avke ačhaďa the o Resen maškar o foros Ninive the o baro foros Kelach.
13 O Micrajim sas dad le Ludenge, le Anamenge, le Lehabenge, le Naftuchenge, 14 le Patrusenge the le Kasluchenge, savendar hine o Filišťinci the o Kaftora.
15 O ešebno čhavo le Kanaanoskro sas o Sidon a paľis o Chet. 16 O Kanaan sas o dad le Jebusejenge, le Amorejčanenge, le Girgašejenge, 17 le Chivijenge, le Arkijenge, le Sinejenge, 18 le Arvadejenge, le Cemarejenge the le Chamatajenge.
Paľis pes rozďelinde o kanaaňika kmeňi. 19 E kanaaňiko phuv chudelas le Sidonostar ko Gerar dži ke Gaza, ke Sodoma, ke Gomora, ke Adma the ko Cebojim, dži ke Laša.
20 Kala hine le Chamoskre čhave pal peskre kmeňi, čhiba, phuva the narodi.
Le Šemoskre potomki
21 O Šem sas o phureder phral le Jafetoskro. The le Šemoske uľile čhave a ov sas dad le Eberiskre† 10,21 Abo: le Hebrejiskre kmeňenge.
22 O čhave le Šemoskre sas o Elam, o Ašur, o Arpachšad, o Lud the o Aram. 23 Le Aramoskre čhave sas o Uc, o Chul, o Geter the o Maš‡ 10,23 Abo: Mešech. 24 Le Arpachšadoske uľiľa o Šelach a le Šelachoske uľiľa o Eber. 25 Le Eberiske uľile duj čhave: Jekheske diňa nav Paleg, bo sar ov dživelas, o manuša pre phuv pes rozďelinde, a leskre phraleske diňa nav Joktan. 26 Le Joktanoske uľile o Almodad, o Šelef, o Chacarmavet, o Jerach 27 o Hadoram, o Uzal, o Diklah, 28 o Obal, o Abimael, o Šebah, 29 o Ofir, o Chavilah the o Jobab. Kala savore hine le Joktanoskre čhave.
30 Lengre thana, kaj bešenas, chudenas la Mešatar dži ko Sefar paš e verchengri phuv pro vichodos.
31 Kala hine le Šemoskre čhave pal peskre kmeňi, čhiba the narodi, save bešenas andre peskre phuva.
32 Kala hine o rodokmeňi le Noachoskre čhavengre pal peskre kmeňi the narodi. Pal e potopa pes kale dženendar rozširinde savore narodi pal caľi phuv.