19
ዬሱሳኔ ዛኪዮሳ
1 ዬሱሲ ሂኒ ኢያርኮ ካታማ ጌሊዴ፥ ሄዋና ኣꬊ ዴዔ። 2 ሱንꬃይ ዛኪዮሳ ጌቴቲያ ኢቲ ዱሬ ቢታኒ ሄዋን ዴዔ። ኢካ ቃራፂያዋንቱሲ ካፑዋ። 3 ዛኪዮሲ ዬሱሳ ጌቴቲያዌ ሃቃዌንቶ ቤዓናው ኮዪሺን ቃንꬃ ጊዴዳዋ ዲራው፥ ኣሳ ጮራቴꬃፔ ዴንዶዋን ቤዓናው ዳንዳዪቤና። 4 ዬሱሲ ሄ ኦጊያና ኣꬊያ ዲራው፥ ሲንꬃው ኣꬊዴ ኢቲ ቦዒያ ቦላ ኬሴዳ።
5 ዬሱሲ ሄ ሳዓ ጋኪዴ፥ ꬎቁ ጊ ፑዴ ፄሊዴ፥ «ዛኪዮሳ፥ ሃቼ ኔ ጎሌን ፔሻናው ቤሲያ ዲራው ኤሌ ዎꬋ» ያጌዳ። 6 ኢካ ኤሌሊ ቦዒያፔ ዎꬊዴ፥ ናሼቻን ዬሱሳ ሞኬዳ። 7 ሄዋን ዴዒያ ኣሳ ኡባይ ሃዋ ቤዒዴ፥ «ሃዌ ናጋራንቻ ጎሌን ጌሊዴ ኢማꬃ ጊዲዴ ሾቤታና ሃኔ» ጊዴ ኡባቱካ ዙዙንꬃ ዶሜዲኖ።
8 ዛኪዮሲካ ቃሲ ኤቂዴ ጎዳ፥ «ጎዳው፥ ሲሚ ታው ዴዒያዋ ኡባፔ ባጋ ሂዬሳቶ ኢማና፤ ኦፔኔካ ዎርዱዋን ኣኬዳዋ ጊዶፔ፥ ኦይዱ ዳኩዋ ኡዳዴ ዛራና» ያጌዳ።
9 ዬሱሲካ ዛኪዮሳው ኦዲዴ፥ «ኔኒካ ኣብራሃሞ ሼሻ ጊዲያ ዲራው፥ ሃቼ ኣቶቴꬃይ ሃ ጎሌ ኣሳው ዬዳ። 10 ኣያው ጎፔ፥ ኣሳ ናዓይ ባዬዳዋ ኮያናዉኔ ኣሻናው ዬዳ» ያጌዳ። ማት 18፡11
ታሙ ቆማቱዋ ሌሚሱዋ
(ማት 25፡14-30)
11 ኣሳይ ሃዋ ሲሲዴ ዴዒሺን ዬሱሲ፥ ሂኒ ዬሩሳላሜ ማቶ ዲራዉኔ ኡንቱንቶ ፆሳ ካዉቴꬃይ ሃዒካ ቆንጪያዋ ማላቶ ዲራው ሌሚሱዋ ኦዴዳ። ማት 25፡14-30 12 ሃዋዳን ያጊ ዶሜዳ፤ «ኢቲ ዎልቃማ ቢታኒ ባሬው ካዉቴꬃ ቦንቹዋ ኣኪዴ ሲማናው፥ ሂኒ ሃኮ ጋዲያ ቤዳ። 13 ባሬ ቆማቱዋ ጊዶፔ ታሙዋ ፄሲዴ፥ ኡንቱንቶ ታሙ ሚና * ሚና፡ ሚና ጌቴቲያዌ፥ ግሪኬ ቃላን ‹ሚናስ› ጊያዋ። ሃዋ ቢሌꬃይ፥ ሄዎዴ ዴዒያ ኦሳንቻ ኣሳው ኢሜቲያ ሄዙ ኣጌና ዲርጉዋ። ጌቴቲያ ሚሻ ኢሞዋሺን፥ ‹ታኒ ሲማዴ ያና ጋካናው፥ ሃሚሻን ዛሊዒሺቴ› ያጌዳ።
14 «ሺን ኣ ጋዲያ ኣሳይ ኣ ኢፆ ዲራው፥ ‹ሃ ቢታኒ ኑ ቦላ ካዉታናዳን ኑኒ ኮዮኮ› ያጊዴ፥ ጉዬና ኢ ዴዒያሳ ኣሳ ኪቴዲኖ። 15 ጊዶፔ ኣቲን፥ ሃ ቢታኒ ካቴ ጊዲዴ ሂኒ ባሬ ጋዴ ሲሜዳ። ሄ ቆማቱ ሁጲያን ሁጲያን ኢ ኢሞ ሚሻን ዛሊዒዴ ኣይ ኬና ዎꬊሴዲኖንቶ ኤራናው ፄሲሴዳ።
16 «ኮይሮ ቆማይ ሺቂዴ፥ ‹ጎዳው፥ ኔኒ ታው ኢሜዳ ታሙ ሚና ዎꬊያ ታሙዋ ዴማዲ› ያጌዳ። 17 ኣ ጎዳይ ኣ፥ ‹ሃያናሾ! ኔኒ ሎዖ ቆማ፤ ኔኒ ጉꬃ ዬዉዋን ኣማኔቴዳዋ ጊዳዴ ቤቶ ዲራው፥ ታሙ ካታማቱዋ ቦላን ማታይ ኔው ኢሜቴዳ› ያጌዳ።
18 «ላዔꬂያዌካ ሺቂዴ፥ ‹ጎዳው፥ ኔኒ ታው ኢሜዳ ኢቼሹ ሚና ጌቴቲያ ሚሻይ ኢቼሹዋ ዎꬌዳ› ያጌዳ። 19 ኣ ጎዳይካ ኣ፥ ‹ኔው ኢቼሹ ካታማቱዋ ቦላን ማታይ ኢሜቴዳ› ያጌዳ። 20 ሃራ ሄዜንꬂያ ቆማይ ሺቂዴ፥ ‹ጎዳው፥ ጩርቃን ፃፃ ዎꬄዳ ኔ ሚሻ ሃዋ ቤዓ። 21 ኣያው ጎፔ፥ ኔኒ ዎꬃቤናሳፔ ኣኪያዋ፤ ዜራቤናዋ ቆይጪያ ሜቄꬂ ባይና ኣሳ ጊዲያ ዲራው፥ ኔው ያያዲ› ያጌዳ።
22 «ጎዳይካ፥ ‹ሃ ኢታ ቆማይ፤ ኔኒ ሃሳዮ ቃላን ኔ ቦላ ታኒ ፒርዳና። ዎꬃቤናዋ ኣኪያዋ፥ ዜራቤናዋ ቆይጪያ ሜቄꬂ ባይና ኣሳ ጊዲያዋ ኤሮፔ፥ 23 ታኒ ያዴ ታ ሚሻ ዎꬊያና ኣካና ማላ፥ ኣዪሲ ዎꬊሲያዋንቶ ኢማቤይኪ?› ያጌዳ።
24 «ጎዳይካ፥ ሄዋን ኤቆዋንታ፥ ‹ሃ ሚሻ ኣፔ ዎꬂ ኣኪዴ ታሙ ሚናይ ዴዒያዎ ኢሚቴ› ያጌዳ። 25 ኡንቱንቱካ፥ ‹ጎዳው፥ ኣው ታሙ ሚናይ ዴዔ› ያጌዲኖ።
26 «ኢካ፥ ‹ታኒ ሂንቴንቶ ኦዲያዌ፥ ዴዒያዎ ኡባው ጉጄታናዋ፤ ባይናዋፔ ቃሲ ሄ ዴዒያዌካ ኣኬታናዋ። ማት 13፡12፤ ማር 4፡25፤ ሉቅ 8፡18 27 ዬዉዋን ቃሲ ታኒ ኡንቱንቱ ቦላን ካዉቴናዳን ኮዬዳ ታ ሞርካቱዋ ታኮ ኣሂዴ ታ ሲንꬃን ሹኪቴ› ጌዳ» ያጌዳ።
ዬሱሲ ዳሮ ቦንቹዋን ዬሩሳላሜ ጌሌዳ
(ማት 21፡1-11፤ ማር 11፡1-11፤ ዮህ 12-19)
28 ዬሱሲ ሃዋ ጎዋፔ ካላ ሂኒ ዬሩሳላሜ ኬሳናው ባሬና ካሊያዋንቱፔ ሲንꬃቲዴ ቤዳ። 29 ዴብሬ ዛይቴ ጌቴቲያ ዴሪያ ማታን ዴዒያ ሂኒ ቤቴፋጌን ቢታኒያ ጌቴቲያ ሄራ ካታማቱዋኮ ሺቄዳ ዎዴ ባሬና ካሊያዋንቱፔ ላዓቱዋ፥ 30 «ሂንቴንቱፔ ሲንꬃን ዴዒያ ቄሪ ካታማቱዋ ቢቴ፤ ያ ሂንቴንቱ ጌሊያ ዎዴ፥ ኦኒኔ ቢሮ ኡቲቤና ሃሬ ማራይ ቃሼቲ ኡቴዳዋ ዴማኒታ፤ ኣ ቢሊዴ ሃ ኣኪ ዪቴ። 31 ኦኒኔ ሂንቴንታ፥ ‹ሃዋ ኣያው ቢሊቴ?› ጊዴ ኦቾፔ፥ ‹ኢ ባሬ ጎዳው † ጎዳው፡ ሃዋን ጎዳው ጌቴቶዌ፥ ሃሬ ማራ ጎዳፔሺን፥ ፆሳ ጊዴና። ኮሺያ ዲራሳ› ያጊቴ» ያጌዳ።
32 ኪቴቴዳዋንቱካ ቢዴ፥ ዬሱሲ ኡንቱንቶ ኦዶዋዳን ሃኒና ዴሜዲኖ። 33 ኡንቱንቱ ሃሬ ማራ ቢሊያ ዎዴ ቤዒዴ ሃሪያ ጎዳይ፥ «ሃሬ ማራ ኣያው ቢሊቴ?» ያጌዳ። 34 ኡንቱንቱካ፥ «ጎዳው ሃዌ ኮሼ» ያጊዴ፥ 35 ሃሬ ማራ ዬሱሳኮ ኣሄዲኖ፤ ባሬንቱ ማዩዋ ኣ ቦላን ዎꬂዴ ዬሱሳ ሃሪያ ቶጊሴዲኖ። 36 ኣሳይካ ዬሱሲ ቢያ ኦጊያ ቦላ ባሬንቱ ማዩዋ ሂፄዲኖ። ‡ ማዩዋ ሂፄዲኖ፡ ሃዋ ጉሳይ፥ ኣዪሁዳ ኣሳ ዎጋን፥ ኤሬቴዳኔ ቦንቼቲያ ኣሳው ኡዴቲያ ኢማꬃ ሞካ ዎጋ።
37 ኢ ዴብሬ ዛይቴ ጌቴቲያ ዴሪያ ዱጌꬃ ኣፊያ ኦጊያ ማቴዳ ዎዴ፥ ዳሮ ጮራ ጊዴዳ ኣ ካሊያዋንቱ ቤዔዳ ፆሳይ ኦꬄዳ ማላታው ኡባው ናሼቲዴ፥ ባሬንቱ ኮሻ ꬎቁ ኦꬂዴ፥
38 «ጎዳ ሱንꬃን ዪያ ካቲ ኣንጄቴዳዋ፤
ሳሉዋን ሳሮታይ ጊዶ።
ቃሲ ኪሊ ꬎቃ ሳሉዋን
ዴዒያ ፆሳይ ቦንቼቶ»
ያጌዲኖ። ማዝ 118፡26
39 ኣሳ ጋርሳን ዴዒያ ኢቲ ኢቲ ፓሪሳዋቱ ዬሱሳ፥ «ታማርሲያዎ፥ ኔና ካሊያዋንታ ጮዑ ኦꬃሪኪ» ያጌዲኖ። 40 ኢካ ዛሪዴ፥ «ታኒ ሂንቴንቶ ኦዳይ፥ ኡንቱንቱ ጮዑ ጎፔ፥ ሹቻይካ ዋሳናዋ» ያጌዳ። 41 ዬሱሲ ዬሩሳላሜ ማቴዳ ዎዴ፥ ካታማቶ ቤዒዴ፥ ዬኪዴ፥ 42 «ኔ ሳሮታው ጊዲያዋ ኔኒ ሃቼ ኤራዲንቶ ሎዓ፤ ሺን ሃዒ ሄዌ ኔ ኣይፊያፔ ጌሜዳ። 43 ኣያው ጎፔ፥ ኔ ቦላ ያና ዎዲ ዴዔ፤ ሄ ዎዴ ኔና ኢፂያዋንቱ ኔ ዩሹዋን ዲርሳ ዲሪዴ፥ ያፔኔ ሃፔኔ ዶዲዴ፥ ኔና ኡንዔꬂያ ዎዲ ያናዋ። 44 ኔናኔ ኔ ዲርሳ ጋርሳን ዴዒያ ኔ ኣሳ ሜንꬄሬꬃና። ፆሳይ ኔና ቤዓናው ዬዳ ዎዲያ ኔኒ ኤራቤና ዲራው፥ ኔና ኢፂያዋንቱ ሹቻ ኡባ ኢቱዋ ኢቱዋ ቦላፔ ዴንꬂዴ ላላናዋ» ያጌዳ።
ዬሱሲ ጌሻ ጎሊያን ዛሊዒያዋንታ ዬዴርሴዳ
(ማት 21፡12-17፤ ማር 11፡15-19፤ ዮህ 2፡13-22)
45 ሃዋፔ ካላ ዬሱሲ ጌሻ ጎሊያ ጌሊዴ፥ ዛሊዒያዋንታ ሄዋፔ ኬሴዳ። 46 ዬሱሲ ዛሪዴ፥ « ‹ታ ጎሊ ፆሳ ዎሲያ ጎሊያ ጊዳናዋ› ጌቴቲዴ ፆሳ ቃላን ፃፌቴዳ። ሺን ሂንቴንቱ ኣ ፓኑዋ ጎንጎሉዋ ኦꬄዲታ» ያጌዳ። ኢሳ 56፡7፤ ኤርም 7፡11 47 ዬሱሲ ኡባ ዎዴ ጌሻ ጎሊያን ታማሪሲ ዴዒሺን፥ ቄሳቱዋ ካፓቱ፥ ሙሴ ሂጊያ ታማሪሲያዋንቱኔ ኣሳ ኣዪሲያዋንቱ ኣ ዎꬋናው ኮዪኖ። ሉቅ 21፡37 48 ሺን ኣሳይ ኡባይ ኣ ሃሳያፔ ኢቱኔ ኣቴናን ሲሲ ኡቶ ዲራው፥ ኣ ዎꬊያ ኦጊያ ኡንቱንቱ ꬋዬዲኖ።
19:10 ማት 18፡11
19:11 ማት 25፡14-30
*19:13 ሚና፡ ሚና ጌቴቲያዌ፥ ግሪኬ ቃላን ‹ሚናስ› ጊያዋ። ሃዋ ቢሌꬃይ፥ ሄዎዴ ዴዒያ ኦሳንቻ ኣሳው ኢሜቲያ ሄዙ ኣጌና ዲርጉዋ።
19:26 ማት 13፡12፤ ማር 4፡25፤ ሉቅ 8፡18
†19:31 ጎዳው፡ ሃዋን ጎዳው ጌቴቶዌ፥ ሃሬ ማራ ጎዳፔሺን፥ ፆሳ ጊዴና።
‡19:36 ማዩዋ ሂፄዲኖ፡ ሃዋ ጉሳይ፥ ኣዪሁዳ ኣሳ ዎጋን፥ ኤሬቴዳኔ ቦንቼቲያ ኣሳው ኡዴቲያ ኢማꬃ ሞካ ዎጋ።
19:38 ማዝ 118፡26
19:46 ኢሳ 56፡7፤ ኤርም 7፡11
19:47 ሉቅ 21፡37