9
Pamhnam ja a khyange
1 Khritaw üng, ngthu kcang ka pyenki, am ka hleiki ni, Ngmüimkhya Ngcima phäha, akdaw ja akse ksingnak thei naw pi na ksingpüi se, 2 ka khuikhanak ka pyen üng mlung üng am düt theikia natnak ka taki. 3 Ka khyange mtisa lama ka mjüea phäh kei hin Khritaw üngka naw mtai lü yüncenak ka yah vaia pi hlüei kyaw veng. 4 9:4: Ex 4:22Isarel khyangea kyakiea kyase, caea thawnak, hlüngtainak, khyütame ja Thum jah pe lü ngthumkhän* 9:4: bekhüte; avang yuknake üng vekibekhüt. a jah pawh püi. Pamhnam hjawkhahnak ja äpeinake naküt cun ami kaa kya lü; 5 ami cun nglongthangkie Hebru pupae üngka naw lawki he. Pumsa lama Khritaw cun amimi üngka naw lawki; Ani cun avan naküta khana veki, angläta mhlünmtai phyakia Pamhnama kyaki! † 9:5: avana khana jah upki Pamhnam angläta mhlünmtainak ve se!; Am ani üng avan jah uki Pamhnam, ania khana angläta mhlünmtainak ve se!Amen. 6 Cunsepi, Pamhnama ngthu cun am ngtähki tia am pyen veng. Isarela mjükphyüie naküt, Isarel kcanga kya päihkiea am kya; 7 9:7: Gen 21:12Abrahama mjükphyüia ami kyaa phäha ami van Abrahama caa am kya u; “Khyütam ka ning peta mjükphyüi cun Isak üngkhyüh na yah khai” tia kyaki. 8 Acun cun, mtisa lama cae cun ‡ 9:8:hnasen he ani hmi khawia kba: hin naw a pyennak hlü ta Abraham ja Hakarah ami ca Ihsamelaha ksawn a pyen ni (Bük Kal 4:22-23)Pamhnama caea am kya u lü khyütamnak am cae cun Abrahama caea kyakie tinaka kyaki. 9 9:9: Gen 18:10Pamhnama khyütam cun hina kyaki; “Atuh üngka naw, akcün kümkawi lü § 9:9: Akcün a kha üng; am ani üng Pha law khai kum ahina kcün.ka law üng, Sarah naw kpamica ca na khai” a ti.
10 Acun däka am kya, Rabeka naw mi pu Isaka phäh angphi a mpyainak üng, 11 na ca xawi am ani hmi law ham üng, akdaw ja akse am ani pawh thei ham üng, pawhmsaha phäha am kya lü, khüikia mlung ngaih däka kya lü, xünak üng, Pamhnama bünak a khäng vaia, 12 9:12: Gen 25:23a veia, “Angvai cun akdika mpyaa kya khai” tia Pamhnam naw a pyen. 13 9:13: Mal 1:2,3“Jakop jawng na lü Etaw ka hnengki” tia Cangcim naw a pyen.
14 I mi pyen vai veki? Pamhnam cun am ngsungpyunki mi ti khai aw? Pamhnam am ngsungpyunkia am kya. 15 9:15: Ex 33:19Pamhnam naw, “Ka mpyenei hlü, mpyenei lü, ka bänak hlü ka bänak khai” tia, Mosia veia a pyen. 16 Acunakyase, anaküt cun khyanga ngjak'hlü am kya lü Pamhnama mpyeneinaka phäha ni akya ve. 17 9:17: Ex 9:16 (LXX)Cangcim naw Pharoa veia, “Ka khyaihnak nang üngka mdan vaia phäha ja ka ngming khawmdek avan üng a ngthang hünak vaia ka ning mhlünmtaiki” a ti. 18 Acunakyase, Pamhnam naw a mpyenei hlü mpyenei lü, a mlung a ngcangsak hlü ngcangsaki.
Pamhnama mlungsonak ja mpyeneinak
19 Acunakyaküng, “Pamhnam naw ise jah mkateiki ni? U naw a ngjak'hlü mkhyeki ni?” Mat mat naw ti taw khai. 20 9:20: Hesa 29:16; 45:9Cunsepi, ka püi aw, Pamhnam na ngcuhpüi khaia ta nang u ni? Mdek k’am naw sepkia khyang üng, “I vai ahikba na na pyan ni?” ti lü am kthäh khawi. 21 K’amksep naw, mdek üngka lo lü mat akdawa sep lü, mata sep sawxat khaia ana taki ni. K’amksep naw mdek cun a ngjak'hlüa am sumei khai aw? 22 Pamhnama bilawhnak üng pi acun kba kyaki. A mlung sonak mdan lü a johit a ngsingnaksak vaia kyaki. Cunsepi a mlungsonak khamei lü, pyüpyeh khaie khana mlung saünak taki. 23 A hlüngtainak yah khaia a jah mhnüna mi kyakia mimia khana a jah peta dämdakia a hlüngtainak cun, a bäkhäknak makie khana pi a mdan vai pawhki. 24 Judahe däk üngkaa am kya lü, Khyangmjükcee üngkae pi a jah khü. 25 9:25: Hos 2:23Hosia cauk üng, “Ka khyanga am kya khawikie, ‘ka khyange’ ka jah ti na khai. Acunüng am ka mhläkphyanak khawie cun ‘ka mhläkphyanake’ ka ti khai.
26 9:26: Hos 1:10Acunüng, ami veia hikba kya law khai, ‘Ka khyangea am nami kyakia’ hnün üng xüngseiki Pamhnama cae tia ngsui law khaie” tia pyenki.
27 9:27-28: Hesa 10:22,23 (LXX)Hesajah naw pi Isarele jah pyen naki naw, “Isarele cun, tuinu kama, kdiyüta mäiha däm u sepi avange däk naw ni küikyannak ami yah kawm. 28 Bawipa naw khawmdek khana khyange cun angenga ngthu jah mkhyah pe khaia pha law khai” a ti. 29 9:29: Hesa 1:9 (LXX)Hesajah kung naw, “Hlüngtai säihki Bawipa naw mi mjükphyüie am a jah phyäi vai sü üng ta, Sodom mlüh ja Komorah mlüha mäiha mi kham khaie sü” tia a na pyenki.
Isarele ja Thangkdaw
30 Khyangmjükcee vei mi pyen vai ta amimät jah amimät Pamhnam üng am ngsungpyun hlü u lü amimäta pawhmsah üng ngsungpyun hlükie cun jumnak am amät am a jah ngsungpyunsak. 31 Isarele ngsungpyunnaka thum ktämkie naw ngsungpyunnaka thum am hmu ve u. 32 Ise ni? Jumnak üng am ktäm u lü bilawhnak am yah theia mäiha ami ktäma phäha kyaki. “Ngsukeinaka lung” üng ngsukeikie. 33 9:33: Hesa 28:16 (LXX)Cangcim naw,
“Tenga khyangea ngsukeinak vai lung ja
kyukngtänaka lungnu cun
Zion mcunga ka taki,
au pi Ani jumeikie naküt cun am hela u” tia pyenki.
9:4 9:4: Ex 4:22
*9:4 9:4: bekhüte; avang yuknake üng vekibekhüt.
†9:5 9:5: avana khana jah upki Pamhnam angläta mhlünmtainak ve se!; Am ani üng avan jah uki Pamhnam, ania khana angläta mhlünmtainak ve se!
9:7 9:7: Gen 21:12
‡9:8 9:8:hnasen he ani hmi khawia kba: hin naw a pyennak hlü ta Abraham ja Hakarah ami ca Ihsamelaha ksawn a pyen ni (Bük Kal 4:22-23)
9:9 9:9: Gen 18:10
§9:9 9:9: Akcün a kha üng; am ani üng Pha law khai kum ahina kcün.
9:12 9:12: Gen 25:23
9:13 9:13: Mal 1:2,3
9:15 9:15: Ex 33:19
9:17 9:17: Ex 9:16 (LXX)
9:20 9:20: Hesa 29:16; 45:9
9:25 9:25: Hos 2:23
9:26 9:26: Hos 1:10
9:27 9:27-28: Hesa 10:22,23 (LXX)
9:29 9:29: Hesa 1:9 (LXX)
9:33 9:33: Hesa 28:16 (LXX)