1 Pakai David hi athohgimna jouse pum in hingeldoh’in. 2 Aman Pakai ah kitepna gimneitah’in anase in ahi. Aman Israel Pathen ah kitepna ananei in ahi. 3 “Keima kain ah cheponge, keima kicholdo ponge, 4 keiman kamit kicholdo sah ponge ahilou leh kamit imutsah ponge, 5 Keiman ka Pakai dinga inkhat sahna dingmun kamu kahsen, Israel Pathena dingin muntheng kamu kahsen!” 6 Vetan hiche thingkong dinghi Ephrathah a aume ti kajaovin Jaar loujao dunga hichemun hi kana mudoh tauve. ✡ 2 Thusimbu 6:41,42 7 Pakai chenna mun a cheu hitin akengphang bul ah chibai boh’u hite. 8 O Pakai thouvin nacholdona mun a chun luttan nathahat melchihna thingkong chutoh lutthatan. 9 Nathempuhon chonphatna ponsil chu kisil uhen;nalhacha dihtah hon kipa la sauhen. 10 Nalhacha David khohsahna jal in, nathao nusa lengpa chu paidoh hih’in. 11 Pakai chu David kom ah akihahsel in , kitepna nunglah doh kit louhel dingin; “Keiman nachilhah khat nalaltouna a katousah ding ahi. ✡ 2 Samuel 7:12-16; 1 Thusimbu 17:11-14; Labu 89:3,4; Act 2:30 12 Nachilhah ten nangtoh kakitepna leh kadaan sem holeh kathuhil hohi anit uva ahileh nalal touna hi chejom peh ding ahi,” ati. 13 Ajeh chu Pakai in Jerusalem hi ainn mun dinga adeilhen a 14 “Hichehi tonsot'a kacholngah na munding ahi” anati. Keima hiche mun a hi kachending ahi, ajeh chu hiche hi kadeilhen in chu ahi, 15 Keiman hiche khopi hi phatthei kaboh ding chuleh ijakai kasuhmang pehding ahi, keiman asunga um vaichate an kapehding, 16 athemputeu chonphatna pon kasilpeh ding, asoh dihtah hon kipa la asahdiu ahi, 17 Hiche mun a hi David thaneina khantousah ding, hiche kathaonupa hi kamite dinga thaomeivah hiding, ✡ 1 Lgt 11:36 18 chuleh agalmite chu jumna le jachatna pon kasilpeh ding amavang leng loupitah kasosah ding ahi.