1-2 Balikanu ra kanay ang sugpatan yang gustuung ianing natetenged tung dating patakaran ang ipinagpakigpaig̱u yang Dios tung mga kinaampu tang tukaw. May mga urdinansang ipinausuy na tung nira sigun tung pagturuuen nira tung anya. May sasa kang pagtuuan nira tung anyang may turdang ipinaketay ang bag̱ay ilem taa tung kaliw̱utan ang naa* 9:1-2a Exodo 26:1-30. Yang primirung kuartung parakleran, yay pag̱aningen ang Sagradu. Duun agbebtang yang sasang parabdungan ta kaas† 9:1-2b Exodo 25:31-40; Levitico 24:1-4 may sasa kang lamisaan ang duun ag̱ipabtangay yang mga tinapay ang ya ag̱iprisintaray tung Dios‡ 9:1-2k Exodo 25:23-30; 37:10-16; Levitico 24:5-9.

3 Dispuis duun tung duw̱ali yang sam bilug ang kurtinang nag̱ipagsalag̱a, may sam bilug pa ka ang kuartung yay pag̱aningen ang kuartung pinakasagradu§ 9:3 Exodo 26:31-33. 4 Duun tung kuartung sagradu ang ampir tung kurtinang atii may midyu lamisaan ka ang pinakalupkupan ta bulawan ang yay parataw̱ukan ta mga paamut* 9:4a Exodo 30:1-10. Duun tung kakleran yang kuartung atiing sam bilug ang yay pinakasagradu, may sasa kang baul ang yay sasang pananglit tung dating ipinagpakigpaig̱u ang atii. Pinakalupkupan ka ta bulawan. Duun tung adalem yang baul ang atii, may sasang tiw̱ud ang bulawan ka ang may betang nang pag̱aningen ang mana† 9:4b Pariu tung ipinapaan yang Dios tung mga Israel atiing tukaw ang yay sinambit tung Exodo 16:33.. Asan ka yag lulg̱ud yang bastun ang atiing ginamit ni Aaron ang nanapiring atiing tukaw‡ 9:4k Mga Bilang 17:8-10 asta yang duruang pidasung batung tapik ang yay pinagguritan yang mga katuw̱ulan yang Dios§ 9:4d Exodo 25:16; Deuteronomio 10:3-5. 5 Kidispuis pa tung takep yang baul ang atii, may durua nga bultuan ang ipinasuad tung pag̱aningen ang “kirubin”* 9:5 Sasang klasi ta angil. Exodo 25:18-20; Ezequiel 1:5-13; 10; Ipinag̱ubligar 4:6-9. ang pakpakan, ang kung kaisan duun agpagpaita yang Dios yang kasusulawen na. Yang pakpak nira yag biw̱itad ang nag̱aakmu ang para malandungan yang takep na ang yay pagwislikan ta dug̱u ta mga ayep ang para duun da nga sagangay yang kasisilag̱en yang Dios tung mga tau natetenged tung pagpakasalak nira tung anya. Duru pa kang mga pasikut-sikut nang gustuu pa ka rin ang ipasanag tung numyu, piru belag̱an pa numaan.

6 Taa, simanyan kumus maning da tia yang pagkarabetangen yang pagtuuan nirang atii, maning taa yang pag̱urubraen yang mga pari duun. Kaldaw-kaldaw pamagpakled tung primirung kuartu ang para tumanen da nira yang mga urdinansang itinuw̱ul yang Dios tung nira† 9:6 Mga Bilang 18:2-6. 7 Piru duun tung kuartung atiing sam bilug, tung seled san takun, minsa ilem ang mapakleran ig sulaminting mapagpakled duun, ya ilem yang paring pinakalandaw. Dispuis tung pagpakled na duun, indi maimu kung anday ekel nang dug̱u ang ya ray iprisintar na tung Dios para tung sadiling kasalanan na mismu ig para tung mga kasalanan kang nagkarabuat yang mga masigkanasyun na ang belag̱an enged nira‡ 9:7 Levitico 16:2-34. 8 Ekel tung palaksung atia, duun dag pagpailala yang Espiritu Santo tung yaten ang mintras may kadayunan pa yang dating pagtuuan ang atia pati yang dating ipinagpakigpaig̱u ang yay panielan na, indi pa ag̱ipagpabunayag yang Dios kung ya pa ag̱aring mapakleran yang mga tau yang kuartung pag̱aningen ang pinakasagradu. 9 Bilang yang pagtuuan ang atia sasang pananglit ang tung panimpu tang naa nag̱atemeng. Duun da ngaintindiay ta ang yang mga taung pamagtuu asan, maskin pamagpakdul ta mga igparasalamat nira tung anya ang nunut da ka ta pagpadasag nira ta mga ayep ang para iprisintar yang pari tung anya, piru tung pagturuuen nirang maning tia, indi ra ka enged nag̱alinaynayan yang mga painu-inu nirang pag̱imasul tung nira natetenged tung nagkarabuat nirang malalain. 10 Ay ya pa ag̱ari, yang mga urdinansang atiang nag̱usuyun nira, anday dumang nag̱adapatan na, kung indi, teed ilem tung nag̱ibawal ang mga palanganen pati mga irinemen may tung pagrilimpiuen nira tung sari-saring mga bag̱ay ang yay nag̱ipatuman yang Dios tung nira ang asta kaw̱utun da yang uras ang ipagpakli na ta baklung patakaran.

11 Ang pagkatapus numanyan ti Jesu-Cristo naglua rang paring pinakalandaw ang ya ray pag̱ekel tung mga matitinlung bag̱ay§ 9:11 “mga matitinlung bag̱ay.” Yang ilyag nang ianing ya ra yang kamtangan yang kalibrian tang durung pisan agkatinlu yang magluluaan na. ang ya ray pinakaw̱ut yang pagpakugmatay na. Ay nagpakled da duun tung talub yang pagtuuan ang dati ang yay landaw ang pisan ta kantidad belag nganing tung dati ig mas matinlu gated indi binuat ta tau ay belag nganing lug̱ud tung kaliw̱utan ang naa. 12 Dispuis napagpakled duun, belag̱an ekel tung dug̱u ta mga kambing ubin mga bakang ipinaturuk na, kung indi, natetenged ilem tung sadiling dug̱u nang ipinaturuk na atiing pagpalansang na tung krus. Minsa ilem ang nagpakled duun tung pag̱atiniran enged yang Dios ang yay talub yang kuartung atiing pag̱aningen ang pinakasagradu ig anda ray ministir ang maumanan na pa. Purisu duun da nga tukuray na yang kalibrian tang durung pisan agkabaked ang asta tung sampa. 13 Dispuis tung patakaran ang atiang dati, kung may mga taung namansaan da yang pagkabetang nira, kaministiran ang mawislikan da kanay yang pari ta dug̱u ta kambing ubin dug̱u ta sinday ta bakang turu* 9:13a Levitico 16:3, 14-16 u ang kaisan yang nag̱ipagwislik na tung nira, ya ra yang kaw̱u yang sasang tirnira ang kinuw̱ul ang pagkatapus linaktan da ta wai† 9:13b Atii kanay tung mga Israel, yang puiding makanayan na ang tanira mamansaan da yang pagkabetang nirang indi ra magkabag̱ay ang magtuu tung Dios, ay maning taa: kung disgrasia masagpi tung taung patay ubin ayep ang patay u kung mamangan ta sasang palanganen ang ibinawal yang Dios tung nasyun nira, mintras indi pag wislikan ta dug̱u ta sasang ayep ubin kaw̱u, indi ra kanay mapagtuu tung Dios. Kung gustu tang pasadsaran enged, asan da nga basaay ta tung Mga Bilang 19:1-9; 11-13; 17-19.. Pagkatapus kung mawislikan da nganing tanira, yang luaan na, limpiu ra yang pagkabetang nira, liw̱ianu rang magtuu tung Dios. 14 Ig disir kung maning tii yang pinakaw̱ut yang pagpaturuk yang dug̱u yang mga ayep ka ilem, kapin da enged ang may pakaw̱utun na tung yaten yang pagpaturuk ni Jesu-Cristo yang dug̱u na. Talagang may pakaw̱utun na, ay kipurki atiing pag̱intriga na yang sadili na tung Dios, tanya maning pa tung sasang ayep ang idinasag ang anda enged ang pisan ay mansa-mansa na natetenged andang pisan ay binuatan nang kasalanan‡ 9:14 Atii kanay tung dating patakaran, yang dasag ang risibien yang Dios sulaminti ilem yang mga ayep ang andang pisan ay mansa-mansa na ubin dipiktu na tung tinanguni na.. Kag yadwa pa, atiing pag̱intriga na yang sadili na, pinaktel da ta mupia yang Espiritu Santo ang anda ka man ay pinanliitan na kag anda kay pagtapusan na. Purisu kumus may kantidad ka man yang pagpaturuk na yang dug̱u na ang indi ra ka enged maplek, maimu rang asanita ra nga linaynayay tung pag̱imasul tung yaten yang mga painu-inu ta natetenged pinunasanita ra ka man anyang matuud tung mga kasalanan ta ang ya ra rin ay pinagpablag̱an ta tung Dios ang ita maning pa tung sasang patay tung pagterelengen na. Yang ipinagpunas yang Dios tung yaten ay ug̱ud mapanirbianita ra ta ustu tung anyang yay ultimu ilem ang Dios ang anday ray kasamberan ta.

15 Kapurisu ekel tung pag̱intriga na yang sadili nang nagpakugmatay, duun da nagpakaknga tung Dios may tung yaten ang mga tau ang para ya ray mag̱erekelen tung baklung patakaran ang ipinagpakigpaig̱u yang Dios tung yaten. Yang katuyuan na ay ug̱ud kumpurming tinu pay binteng yang Dios, magkatinir da yang kaayenan ang pinangakuan nang anda enged ay katapus-tapusan na. Talagang mabaked yang patakaran ang atia ay yang dasag ang pagpabaked inimatay ra ka man. Ya ray binuat ug̱ud mangalibri ra yang mga tau tung sintinsiang dumangat da rin tung nira natetenged tung mga paglalampasen nira tung mga katuw̱ulan mintras pag̱andar pa yang dating ipinagpakigpaig̱u yang Dios. 16 Ay kung may sasang patakaran ang ya ag̱ipagpakigpaig̱uay, kaministiran ang mapruibaan da ang inimatay ra yang dasag ang yay pagpabaked. 17 Ay kipurki baklu magbaked yang sasang ag̱ipagpakigpaig̱u, kaministiran ang may idasag kipurki mintras bui pa, anda pay puirsa na yang ag̱ipagpakigpaig̱ung atia. 18 Purisu ya ra kay ipinagkaministiran na ang maskin yang dating ipinagpakigpaig̱u yang Dios, indi naimung pundaren kung anday idinasag ang pinaturuk yang dug̱u na. 19 Kipurki atiing pagpadapat da ni Moises tung tanan ang mga Israel yang tanan ang ipinanuw̱ul yang Dios tung nira ang kumpurming sinambit tung mga katuw̱ulan, dayun na rang ingkelan yang dug̱u yang mga turung sinday pa may yang mga kambing ang ipinandasag da ang ya ray linaktan na ta wai. Pagkatapus ya ray iwinislik-wislik na tung kasulatan mismu ang asan agbebtang yang mga katuw̱ulan ang atia asta tung tanan ang mga tau. Yang ginamit nang ipinagwislik-wislik, ya ra yang sanga-sanga yang ayung pag̱aningen ang isup ang ya ray binalew̱eran da ta balaiw̱u ta karniru ang dinampul ta mapula. 20 Yang pagwislik-wislik na, ya kay pagpasanag na tung mga tau ang mag̱aning,

23 Yang palaksu yang dating ipinagpakigpaig̱u, maning pa tung ipinananglit ka ilem tung baklung ipinagpakigpaig̱u. Purisu kung yang ipinananglit ka ilem, kaministiran ang may nag̱idasag baklu ra mapabtang ang limpiu tung pagterelengen yang Dios, ig disir pati yang pinananglitan na mismu, kaministiran kang may dasag kang mas pang may kantidad na kay tung dating nag̱idasag baklu ra malimpiu. 24 Ay kipurki yang pinakleran ni Jesu-Cristo belag̱an yang kuartung atiing pag̱aningen ang pinakasagradu ang binuat ka ilem ta tau taa tung kaliw̱utan ang naa ang ya ra ka ilem nag̱ipananglitay tung pag̱atiniran yang Dios, kung indi, ya ra yang ultimung pag̱atiniran na duun tung langit mismu. Yang ipinagpakled na duun ay ug̱ud magpakigtalunga ra tung anyang mangerengan tung yaten. 25 Dispuis yang katuyuan na, belag̱an ang mag̱aning ang para muya-muyang idasag na yang sadili nang iprisintar tung Dios ang pariu ka tung pag̱abuat yang paring pinakalandaw tung nasyun ta ang takun-takun pagpakled tung kuartung atiing pinakasagradu ang may ekel na kang dug̱u ta sasang ayep ang idinasag na ang para ya ray iprisintar na tung Dios. 26 Ay kung maning tii yang pinakbungan nang nagpakled, ig disir muya-muya ra rin ang magpakugmatay disti pa atiing primirung pag̱imu yang Dios yang kaliw̱utan ang asta ra ilem simanyan. Piru tung pagkamatuud numanyan tung pinamilug̱an yang tanan ang mga panimpung nangatkaw, minsa ilem ang nag̱ingtaung bilug ang anda ray ministir ang maumanan na pa ug̱ud tung pagdasag na tung sadili na, asan da nga kuatay na yang pagkamakinasalananen tang mga tau tung pagteleng yang Dios* 9:26 Maayen kung ikumpalar ta tung sinambit na tung 10:18 may tung Juan 1:29.. 27-28 Dispuis, katulad tung tanan ang mga tau ang kinatau kang lag̱i nirang minsang mapatay ang pagkatapus tung uri sintinsiaan da yang Dios, maning kang pisan tia tung pag̱aningen ang Cristo. Minsa ka ilem ang nagpakugmatay ang maning pa tung idinasag ang para asan da nga pasapulay nang pisan yang sintinsiang dapat da rin ang dumangat tung dakeleng mga tau natetenged tung pagpakasalak nira tung Dios. Pagkatapus tung uri ta kaldaw maglekat da. Ug̱aring yang katuyuan na, belag̱an ang mag̱aning ang para intindien na si yang pagkamakinasalananen tang mga tau ay kipurki pinagtalus na ra tii. Kung indi, yang buaten na, pakdulan na ta kalibrian yang kumpurming paglalangkag̱en tung anyang maglekat ang para asan da nga kumplituay nang pisan yang pagpalibri na tung nira pati mga tinanguni nira.