Peloweta
Daniyela
ena Uliꞌuli
Isalaela dodogadi Yaubada sa ꞌwaiyoꞌoꞌen na oitau sa fadebasaedi. Heyaya sa laulau ginauli fuya ouꞌouli Yaubada matana yai be ya fakamkamnadi.
Yaubada adi waiyunu ya fatamalidi sa lau be sa lei hafihafitidi habahim sa lawedi sa falau delidi edi nuꞌu yai. Doha ite ya ginauli paꞌana haꞌa ya libaen.
Babiloniya edi Kin laꞌilaꞌina hesana Nebukanesa, Yelusalem taonina ya fasai bulubuluhi be Isalaela dodogadi boludi ya tohaidi. Yaubada fuya haisadi ya taumahata Kin ni lisina yai, na fuya haisa eno suwai yai ya faꞌita mate haba ai fuya matadi Yaubada ena Aba Baꞌisa ya faꞌobiyo yo ena kin haba gigibwali ya abi na haba ya tanuwaga esegahi ee–, hige anadan. Pilipili yo kamkamna ai mulidi salumadi hesadi Yaubada ena buka yai haba mwahuli otaꞌota fahina sa abi. Yaubada ena liba te, mate Isalaela dodogadi nuwadi ya libaliba faꞌadidilidi fuya matadi yai enehena.
7
Sai ya Lau Doga Otaꞌota fahina lisina
Daniyela 7:13-14
13 Maihonana eno yai, tautau hesa E ita, doha Doga Natuna. Yada yai nuwanuwagu yai ya laolaoma. Na sa lawelawen Doga Otaꞌota fahina lisina.* Galewa Aneludi nuwana sa lawelawen Yaubada lisina. Yaubada hesana hesa mate ‘Doga Otaꞌota Fahina.’ 14 Dudulai, faꞌatiti yo aba baꞌisa ya felen. Nuꞌu mahudoꞌina yo alina hesa - hesa dodogadi haba sa fadebasae. Na ena nuꞌu haba ya ota esegahi. Yo ena ita wata paisowana ibege i ofi.
*7:13 Galewa Aneludi nuwana sa lawelawen Yaubada lisina. Yaubada hesana hesa mate ‘Doga Otaꞌota Fahina.’