1  * Rom 7:23I navai mu vaubi, mu vatahate? Mu vaubi a vuhuna a ningaru hale na kakaine mua i rata mua mu vaubi. 2 Mu ngaru hateka ni bole a maki, pali mu keri ni bolena, lakea mu rabalaki a viri. Mu masigoro na maki na viri tara, pali mu keri ni bole a maki mu ngaru, lakea mu vakatubu a vabinga. I uka ma mu tahoka a maki, a vuhuna i uka ma mu nanea a Vure. 3 Pali na tahuna mu nanea a Vure, i uka ma mu bole a maki mu ngaru, a vuhuna na tahuna mu nanea, a niluhoi ne mua i hale. Mu ngaru kunana ni bole a maki ni vuroki na ningaru tavula.

4  * Rom 8:7; 1Ion 2:15Mu ha taroa a Vure i manga a ngatavine i ha taroa e girihina, i vano i ngoi viliha. Mu longo, mu lohoka vona, e huriki ri ngaru a vilo na malala, ria a pile na Vure. I mavonga, e rei a viri ne mua i ngaru ni ramai a naro na malala, ia a pile na Vure. 5 A nitana Vure i ta maea, “A hanuna i ru pololiloa ne hita i ngaru hatekea si gi ramai kunanea.”* A ngava iea na nita Grik i uka ma i kavakava hateka. A pelegona ngava tara bara i maea, ‘A hanuna bakovi, ra viri a Vure i ru pololilo ne hita, i tahoka bala a maka ningaru hale.’ Mu luhoi navai, ra ngava iea a ngava tavula? 6  * Snd 3:34; 1Pe 5:5Pali a Vure i rata kamumu hateka hita. I mavonga a Hinere i ta maea,

7  * Epe 6:12I mavonga, mu longototoa a Vure. Mu gegea a hanitu, re Satan, lakea bara i pe mua, i ha. 8  * Ais 1:16; Sek 1:3; Mal 3:7Mu karuku tabukoi na Vure, lakea ia tara bara i valai tabukoi ne mua. Mua e huriki a bakovi hale, mu pe a naro hale ne mua. Mua e huriki mu loho rua, mu vuroki ra niluhoi hale na hatene mua, 9 mu duku, mu tangi na naro hale ne mua. Mua e huriki mu nongo, ngane mu pulo a vilone mua, mu tangi. Mua e huriki mu vivi, ngane mu pulo a vilone mua, mu tangi. 10  * Jop 5:11; 1Pe 5:6Mu vakakiroko mua na matane Bakovi Dagi, lakea ia bara i kavurike a rane mua.

11 Mua e huriki a turagu, naha ni vapadimomo. A viri i padimomo e turana, i manga i ta hale na vinara na Vure, i pelekadoa. Na tahuna mu pelekadoa a vinara na Vure, i uka ma mu ramaia. I manga mu ngaru ge mua a mari ni pelekado, mu gu pelekado a nitana Vure. 12  * Rom 2:1; 14:4A Vure kikeri kunana i vakabele a nitana, ia kikeri kunana a mari ni pelekado e huriki. Ia kikeri kunana i kara ge korimule a viri, o ge ratapile a viri. Pali mua, mua e rei muholi mu gu pelekado e huriki a turane mua?

13  * Luk 12:18-20I ranga ne mua mu ta maea, “Kuduvi si gi vano, si gi lakea na tanga dagi tara, si gi made vonga na pida i taku, si gi vahabi a maki, ni gi kona, si gi bole a moni dagi.” 14  * Sng 39:5,11; Snd 27:1Mu ratea a ngava iea, pali i uka ma mu lohoka vona a ra maki ge bele kuduvi. A nimahuri ne hita i manga a havu. I tabuli popote kunana muri i lobo. 15 Pali i kamumu hateka mu gu ta maea, “E Bakovi Dagi bara i ngaru si gi mahuri, bara si rata a maki si luhoi ni rata.” 16 Pali mu bibi rike mule a rane mua, mu vakalongo a leho dagi mu ngaru ni rata. A naro ni bibi rike mule a rane mua, a naro hale hateka. 17  * Luk 12:47Mu luhoi kamumu. Na tahuna o lohoka pali vona tara naro kamumu go ratea, pali i uka ma o ratea, o rata pali a naro hale.