1  * Apo 15:2Muri na pida i ravulu a polona i va, a sike tabu o Ierusalem. A sike turane Barnabas. E Titus tara, a tulia. 2 A sike lakea, a vuhuna a Vure i vakasiri iau ga sike. Na tahuna a bele, a made kikeri turana e huriki ri mata dagi. A vakalongo ria vona a Velenga Kamumu a taki tala ne huriki i uka ma ria a Iuda. A rata mavonga, a vuhuna a leho a rata ngane turana leho a rata muga pali, ma ge velu tavula. 3 E Titus tara, ra i laho turagu, ia a bakovi o Gris. Pali i uka ma ri tugua ni gi pala a kulina. 4  * Gal 1:7; 5:1,13Pali e huriki ranga ni tuli dili kapiloho, ri tamilalu ta ria e huriki a turane hita. Ria a kasisi, ri dili kapiloho ne vona ni kasisi a hini e Isu Kristo i rata hita si matukapaga na Vinara. Ri ngaru ni rata hita si gi vora tabu na vinara. 5 Pali i uka ma mi longo mai ria, i uka liu, a vuhuna mi ngaru a ngava muholi na Velenga Kamumu i uka ma ge mapulo, pali mu gu ramai muholi vakaroro. 6 Lakea e huriki ri mata dagi. Ra hini ria a bakovi dagi o i uka, i uka ma a luhoi hatekea. A Vure i pelekado e huriki lobo na naro i taku kunana. A taki maea, re huriki ri mata dagi i uka ma ri hudo tala ranga ngava na Velenga Kamumu nau. 7  * Apo 22:21Ri matakilaka vona a leho ni habi nau, ga vakalongo a Velenga Kamumu ne huriki i uka ma ria a Iuda, i manga e Petrus i vakalongo e huriki a Iuda.

8 A vuhuna a Vure i habi a nitora ne Petrus ge rata a leho na apostolo turana e huriki a Iuda, ia kunana a viri i habi a nitora nau ga rata a leho ne huriki i uka ma ria a Iuda. 9 I mavonga, na tahuna e Iakop, e Sipas,* A ngava e Sipas na nita grik i manga ‘e Kedo.’ E Sipas a rana tara e Petrus. re Petrus, e Ioanes, ra to manga a butu na lotu, to matakilaka vona a Vure i habi a leho nau, to tuba a limane maria e Barnabas, to rudu lakea maria ne huriki i uka ma ria a Iuda. Pali tou to go leho turana e huriki a Iuda. 10  * Apo 11:29-30A ngava i taku kunana to taki maria vona. To taki maria, miri gi tuhori e huriki a matasia. Pali a leho iea, a ngaru hateka muga ni ratea.

11 Pali muri e Petrus i valai o Antiok. Iau a tahatea a vuhuna i rata a naro hale.

12  * Apo 11:3I muga i kani turana e huriki i uka ma ria a Iuda. Pali na tahuna e huriki a bakovi ri valai ne Iakop, i lobo ni kani turana e huriki i uka ma ria a Iuda, i made here here ne ria, a vuhuna i mangenge ne huriki a tara ni pala a kuli. 13 E Petrus i rata mavonga, lakea e huriki a Iuda ranga, ria ranga ri muri mai a vilo na taminga iea. Muri e Barnabas tara, i varoru, i ramai a vilo na taminga ne ria. 14 Iau a matai a vilone ria, i uka ma ri ramai a vilo muholi na Velenga Kamumu, lakea a takia e Petrus na matane ria lobo, a ta maea, “Ioe a Iuda, pali i uka ma o made manga a Iuda. O made manga a viri i uka ma ia a Iuda. I mavonga, i navai go tugu tuhare e huriki a bakovi i uka ma ria a Iuda, ri gi made manga a Iuda?”

15 Mia ni poda, mia a Iuda. I uka ma mi manga e huriki a bakovi hale, ra i uka ma ria a Iuda. 16  * Apo 15:10-11; Rom 3:20-28; Gal 3:11Pali ngane mi lohoka vona i uka tara viri ge ramai lobo a vinara na Vure, lakea a Vure ge galea a bakovi kamumu. A viri a Vure i galea a bakovi kamumu, ra viri i luhoi torea e Isu Kristo. I mavonga, mia ranga, mi luhoi torea e Isu Kristo, lakea a Vure i gale mia a bakovi kamumu. I uka ma mi gi ramai a vinara na Vure, lakea a Vure ge gale mia a bakovi kamumu, a vuhuna si keri ni ramai a vinara lobo vona, ge gale hita a bakovi kamumu.

17 Pali na tahuna mi ngarua a Vure ge gale hita a bakovi kamumu, lakea si luhoi torea e Kristo, pali muri si matakilaka vona hita a bakovi hale, si gi ta navai? E Kristo ia a vora na naro hale? I uka liu! 18 Iau bara hae rike tabu a maki a puka pali, a vakasiri manga iau a viri ni putu puru a vinara. 19 A vinara i rata iau a mate pali, a matukapaga na nitora vona. I bele mavonga, ga muri mai kunanea a Vure. I manga iau ni paditata na kai tavalavala turane Kristo. 20  * Gal 1:4Ngane iau i uka ma a viri a mahuri, pali e Kristo i mahuri pololilo nau. A maki lobo a rata koea na malala, a rata a vuhuna a luhoi torea a Tuna Vure, ra i ngaru hateka iau, i mate na murigu. 21 Ra hini a Vure i rata kamumu hita, i gale hita si malamala na matana, iau i uka ma ga marikoi vona, a vuhuna ge muholi a viri ge ramai a vinara, lakea a Vure ge galea a bakovi malamala, a nimatene Kristo ngane bara i uka lehona.