Luda yã takada kↄ̃n Bokobaru yão SAAMUNƆ 24

24

Dii gɛ̃na a kpɛ́ guu

Dauda lɛ̀.

1 Tↄↄtɛ kↄ̃n pↄ́ kɛ̀ kúnnↄ píngi nɛ́ Dii pↄ́mɛ,

anduna kↄ̃n gbɛ̃ kɛ̀ aↄ̃ↄ kúnnↄ ń píngi.

2 À tↄↄtɛ kãsãa pɛ̀ɛ ísiaan,

à anduna kàɛ kↄ̃n swaanↄo.

3 Dé bé à zɛ́ vĩ à didi Dii kpiii musuu?

Dé bé eé fↄ̃ à gɛ̃ à ua?

4 Gbɛ̃ kɛ̀ taari vĩro bensↄ̃ à nↄ̀sɛ puraa,

gbɛ̃ kɛ̀ a làakari è tá tãanↄ kparo

bensↄ̃ è yã sí kↄ̃n tãa tↄ́oroo.

5 Dii é aubarika da adeen,

Luda à mìsiri é tó yã bↄo nna.

6 Lɛn à dɛ lɛ kↄ̃n à kii wɛ̀tɛrinↄ,

Yakubu boriinↄ Luda wɛ́ɛ wɛ̀tɛrinↄ.

7 À bĩilɛnↄ wɛ̃wɛ̃,

à gbà ziinↄ wɛ̃wɛ̃,

à tó Kína gakuidee gɛ̃.

8 Dén Kína gakuidee pì ũ sↄ̃ↄ?

Dii gbãabitademɛ,

àmbe Dii zĩ̀kari gbãadee pì ũ.

9 À bĩilɛnↄ wɛ̃wɛ̃,

à gbà ziinↄ wɛ̃wɛ̃,

à tó Kína gakuidee gɛ̃.

10 Dén Kína gakuidee pì ũ sↄ̃ↄ?

Dii Zĩ̀kpɛden Kína gakuidee pì ũ.