Bibeli Luayãtaalá Soũↄ 21

21

Zĩblea sáaukpaa

1 Davidi lɛ.

2 Dii, kí lɛ́ pↄnakɛ ń n gbãao,

aà pↄ na maamaa kɛ́ ń tò à zĩblè.

3 N pↄ́ pↄ́ aà pↄ gbà kpàwà,

ni gí aà wabikɛa síiaànↄo.

4 N danlɛ kɛ̀ɛ̀ ń ɛ̀fãai zↄ̃ↄo,

n vua fùa kpàɛ̀.

5 À wɛ̃ni gbɛ̀ama, ↄ̃ ń kpàwà,

ń tò a ku e gↄↄpii.

6 Aà gawi zↄ̃ↄ kɛ́ ń tò à zĩblè,

n gawi ń zↄ̃ↄkɛo kpàwà.

7 Niↄ báaadaaàgu gↄↄpii,

n kuaaànↄ tò aà pↄ kɛ̀na.

8 Asa kí Dii náai vĩ,

kua Musude gbɛ̃kɛu a kpaguao.

9 Ńyↄ̃ ↄdiɛ n ibɛɛↄwa,

ńyↄ̃ n wɛ̀lɛↄ kṹ ń n ↄplaao.

10 Ńyↄ̃ ń kɛ mua yàa ũ n mↄgↄↄ,

Dii a ń míↄnzↄ̃ a pↄfɛ̃gↄↄ,

i to tɛ́kũmá.

11 Ńyↄ̃ ń nɛ́ↄ midɛ dṹnia guu,

ní ń buiↄ kɛ̃ gbɛ̃nazĩnaↄwa.

12 Baa tó aa lɛkpàaĩnzi,

an pↄeã a fↄ̃ zĩkɛo.

13 Ńyↄ̃ ka dↄdↄ ń wɛ́wa,

ńyↄ̃ to aa kpɛkpa.

14 N gbãa guu, Dii, ǹ nzĩa kã́fĩ,

wí lɛsi wà n gↄ̃sakɛ táasilɛ.