Bibeli Luayãtaalá 1 Lada 3

Davidi buiↄ

1 Davidi nɛ́ pↄ́ a ì Hɛblↄ̃ↄn kɛ: À a nɛgↄ̃ɛ sɛ̃́ia Aminↄ ì ń Yezɛlɛɛ gbɛ̃́ Ainↄaũoɛ. À a plaade ì ń Kaamɛli gbɛ̃́ Abigailioɛ, ↄ̃n Daniɛli ũ. 2 À a àaↄ̃de ì ń Gesuu kí Talemai nɛ́ Maakaoɛ, ↄ̃n Abisaloũ ũ. À a síiↄ̃de ì ń Agitaoɛ, ↄ̃n Adonia ũ. 3 À a sↄode ì ń Abitalioɛ, ↄ̃n Sefatia ũ. À a soolode ì ń a nↄ Egelaoɛ, ↄ̃n Iteaũ ũ. 4 À nɛgↄ̃ɛ gbɛ̃ↄn soolopiↄ ì Hɛblↄ̃ɛ. À kpalablè we wɛ̃̀ sopla ń mↄ soolooɛ, mɛ́ à kpalablè Yelusalɛũ wɛ̃̀ baakwi ń àaↄ̃o.*

5 Nɛ́ pↄ́ a ì Yelusalɛũↄ tↄ́n kɛ: À nɛgↄ̃ɛ gbɛ̃ↄn síiↄ̃ɛ beeↄ ì ń Amiɛli nɛ́ Basɛbaoɛ: Simɛa, Sobabu, Natã ń Salomↄↄo. 6 Bee gbɛa Ibaa, Ɛlisua, Ɛlifele, 7 Nↄga, Nɛfɛgi, Yafia, 8 Ɛlisama, Ɛliada ń Ɛlifeleo. Aà nɛgↄ̃ɛↄ kɛ̀ kɛ̃okwin we. 9 Davidi nɛgↄ̃ɛↄn we píi nↄ pↄ́ i mɛ́sɛdilɛ nɛ́oↄ nɛ́ↄ bàasi. An dãen Tamaa ũ.

Yuda kíaↄ

10 Salomↄↄ Lↄbↄaũ ì, Lↄbↄaũ Abia ì, Abia Asa ì, Asa Yosafa ì, 11 Yosafa Yolaũ ì, Yolaũ Aazia ì, Aazia Yoasi ì, 12 Yoasi Amazia ì, Amazia Azalia ì, Azalia Yotaũ ì, 13 Yotaũ Aaza ì, Aaza Ezekia ì, Ezekia Manase ì, 14 Manase Amↄ ì, Amↄ Yosia ì. 15 Yosiapi nɛgↄ̃ɛↄ tↄ́n kɛ: A sɛ̃́ia Yohanani, a plaade Yoakiũ, a àaↄ̃de Zedekia, a síiↄ̃de Saluũ. 16 Yoakiũ nɛ́ Yɛkↄnia mɛ́ zↄ̃̀lɛ aà gbɛu, ↄ̃ Zedekia zↄ̃̀lɛ Yɛkↄnia gbɛu.

Taa ń Yudaↄ Babiloni bùsuu gbɛa kíabuiↄ

17 Wà tà ń Yɛkↄniapio zĩ̀zↄ ũɛ. Aà nɛgↄ̃ɛↄ tↄ́n kɛ: Salatiɛli, 18 Malakilaũ, Pedaia, Sɛnazaa, Yekamia, Osama ń Nɛdabiao. 19 Pedaia nɛgↄ̃ɛↄn Zolobabɛli ń Simɛio ũ. Zolobabɛlipi mɛ́ Mɛsulaũ ń Ananiao ì ń ń dãe Selomio. 20 À nɛgↄ̃ɛↄ ì lↄ gbɛ̃ↄn sↄo: Asuba, Oɛli, Bɛlɛkia, Asadia ń Yusabɛsɛdio.

21 Anania nɛgↄ̃ɛↄn Pelatia ń Yesaiao ũ. Aà buiↄn Lefaia buiↄ ũ lↄ ń Aanana buiↄ ń Obadia buiↄ ń Sekania buiↄ. 22 Sekania nɛgↄ̃ɛↄ tↄ́n kɛ: Semaia, Atusu, Igali, Balia, Nɛalia ń Safatao, aa kɛ̀ soolo. 23 Nɛalia nɛgↄ̃ɛↄ tↄ́n kɛ: Ɛlioenai, Izikia ń Azikaũo, aa kɛ̀ àaↄ̃. 24 Ɛlioenai nɛgↄ̃ɛↄ tↄ́n kɛ: Odavia, Ɛliasibu, Pelaia, Akubu, Yohanani, Delaia ń Ananio, aa kɛ̀ sopla.

1 Lada
<
3
>

*3:4 2Sam 5.4-5, 1Kia 2.11, 1Lad 29.27