Ⅰ Lɛɛzannɔ kʊ ŋ nɩ kan awɔɔ kɩ rɔ wɔɔ, mɔɔ ʊ kʊ m ŋ dʊndɔ. Lɛɛzaa m mɔɔ m sɔ am ŋ hɔ bɩ m, bɩ Krista fɩryɩrɛrɔ wɔɔ kasɛtɩzaa m mɔɔ m sɔ, mɔɔ nyɩntam lɛbɔʊrɛ k'a n'a hɩnkam b'ʊ sɔ. Hɔ kʊ mɔɔ ʊ kʊ m a hɩ ŋ nɩ bɩ ba n nɩ: Ⅱ K'a nyasʊ bakʊ kʊ Woso a da awɔɔ wɔ ʊ bɩ m mɩŋŋa. A bɩ dɔ ma pakra nɩ y, k'a dɔ ma heernyɩnta m, amba Woso lɛ n taa bɩ m. A bɩ dɔ bakʊ bɩ ma sɔ, k'a busoo yɩ y, bɩ k'a dɔ ma kan a heer kɩ haay. Ⅲ A b'a so gʊɔɔ kʊ Woso ŋ da a wɔ ʊ rɔ wɔɔ ʊ paŋŋa nɩ y, bɩ k'a a tɔ ʊ k'a hɔbaarɔ n bɩr mɩŋŋa, kʊ gʊɔɔ n a da ma ŋnɩ ŋ sa. Ⅳ K'awɔɔ ba ncɩnaaʊ, kʊ dundonno jɩtaarɛ bɩ bɩ bʊr, a y'a kam awɔɔ n nyɩnta a lɛbɔʊrɛ k'a bɩr a zarm bɩ nɔ ʊ.

Ⅴ Gʊɔɔ kʊ ŋ gɔɔta rɔ wɔɔ, k'a yɛ lɛɛzannɔ wɔɔ ma. Awɔɔ haay k'a bɩr mɩŋŋazerle m kan kʊ kɩ, bala, Wosoci b'a hɩ, a ʊ:

Ⅷ A b'a zu a ʊ y, k'a dundo a zi. Sʊtaana awɔɔ jɩm b'ɩ kumkum lɛɛ ma am poozaa hɔ bɩ m, an nɩ baa dam, an n'a kam gʊaa ma k'a nyasʊ a bɩ. Ⅸ K'a a da a lɛ ʊ kɔɔkɔɔ, sɩrakarɛ nɔ ʊ, a dɔ a ʊ, awɔɔ fɩryɩrɛrɔ wɔɔ y'awɔɔ danyɩnɔ yɩm sɔ durnya b'ʊ jilli. Ⅹ Awɔɔ ɩ fɩr yɩm dɔmɩm poore nɔ ʊ, bɩ, Woso k'a a so barka do haay ʊ, an awɔɔ bir, k'awɔɔ n nyɩnta a lɛbɔʊrɛ k'a nyarɛ ba ʊ nɔ ʊ, Krista zuure nɔ ʊ bɩ y'awɔɔ bankam fasɩ, an awɔɔ paŋŋa da ra, an a ka awɔɔ n jɩm kɔɔkɔɔ, hɔsɩ b'a darɛ awɔɔ ma y. Ⅺ A y'a so paŋŋa ʊ dɔmɩm haay. Amina.

Ⅻ Wɔɔ danyɩ Silas mɔɔ da ʊ, an ci poore naa gʊrsɩra ba, kʊ m a nyɔɔ awɔɔ ma. Mɔɔ ɩ dɩgam ma sɩrabarɛzaa sɩrakarɛ bɩ nɔ ʊ. Ci bɩ ba mɔɔ ʊ awɔɔ ma, kʊ m awɔɔ heer yo, kʊ m a hɩ a m paan… m ʊ, Woso barka denter b'awɔɔ n a nɔ ʊ naa, k'a gɔɔta a nɔ ʊ kɔɔkɔɔ. ⅩⅢ Gʊɔɔ kʊ Woso ŋ ba a gʊɔɔ rɔ wɔɔ sokʊma k'a nɩ *Babɩlɔnnɩ ʊ naa ʊ b'ɩ yaa darɛ a m. Mɔɔ nyɩ Markɩ ɩ yaa darɛ awɔɔ m sɔ. ⅩⅣ K'a yaa da kʊ m mɩŋŋa-mɩŋŋa danyɩbaa nɔ ʊ.

Bɩ, kʊ Woso laafɩɩ n bɩr kan awɔɔ haay k'a nɩ Krista nɔ ʊ rɔ wɔɔ kɩ.