1 Eesauna aiku asauku marusa maaqimmiqa mariqau. Mina moo auqa Eedoomma fee qimariqau.

2 Eesaufa Kannaana maqannaa aanaaseeuqa maranau. Indaaru maroo anaaseena auqu Adaa nammarifa marinau. Mifa Qeeta maqannaa fasiqa Eeroona araamuna maranau. Mina aanaaqiana maroo anaaseena auqu Ooqooribammaa nammarifa maranau. Mifa Qifita maqannaa fasiqa Sibeeoona amaaku Annaana namarina araamuna maranau. 3 Mina aanaaqianna maroo anaaseena auqu Baseemata nammarifa marinau. Mifa Isamaeerana araamuna Neebaiootana asookifa marinau.

4 Eesauna indaaruqaa anaasee Adaa nammarifa faiqi Eerifasana maqanau. Moo anaasee Baseemata nammarifa Reeueerana maqanau. 5 Moo anaasee auqu Ooqooribammaa nammarifa Yeeusana faqa Yaramana faqa Kooraana faqa maqanau. Eesauna mi faiqi namusa miqimmasee Kannaana maqasaa kambiaqau.

6 Eesaufa narí aanaaqmaaka faqa narí faiqi namu faqa narí araamuqmaaka faqa aiqama mina maaqaki mariusa faqa aiqama narí aandauqa faqa aiqama narí qumiasana Kannaana maqusai maridanoo maraqoona aiqama mara mareenoo Yakooboofa maruqoo qari nianasaa moo maqa maaqai finau. 7 Eesaufa faqa Yakooboofa faqa maru maqafa sia amana misa dadaaqiaqaa qufaqa Eesaufa quqasee moosaa finau. Misa kaaqa moomoo aandau ainaina marufaqa minara sia amana moodaanaki mariqau. 8 Eesaufa Eedoomma maqa maaqakina amuaqu namusaa marinau.

9 Eesauna aiku asauku maaqimmiqa mariqau. Misa Eedoomma maqannaasa ninaakusa marinau.

10-13 Eesauna anaaqa Adaa nammarina amaaku moodaa Eerifasafa marinau. Eerifasafa moodaannai qisauku faiqi maqanau. Teemmanafa faqa Oommarafa faqa Seefoofa faqa Katammafa faqa Keenasafa faqa mariqau. Moo anaasee Timinaa nammarinasaa moodaa akoonaiqi Amareekana maqanau. Eesauna moo anaasee Baseemata nammarifa akoonaiqi moodaa Reeueerana maqanau. Reeueerafa qaara faqa qaara faqa faiqi akoonaiqi maqanau. Naqatana faqa Seeraana faqa Sammaana faqa Misaana faqa maqanau. 14 Eesauna moo anaasee Ooqooribammaa nammarifa Anaana araamuna marinau. Anaafa Sibeeoona amaaku marinau. Mi anaaseefa faiqi qaaramoo maqanau. Yeeusana faqa Yarammana faqa Kooraana faqa maqanau.

15-16 Miqimmasee Eesaunakiqari aruaki kambiqarausa mariqau. Eesauna ooqa faiqi Eerifasafa maa maqannaasa ninaakufa marinau. Teemanaa maqannaasa faqa Oomaraa maqannaasa faqa Seefoo maqannaasa faqa Keenasaa maqannaasa faqa Kooraa maqannaasa faqa Katamaa maqannaasa faqa Amareeka maqannaasa faqa ninaakufa marinau. Misa aiqamausa Eesauna anaaqa Adaa nammarinakiqari kambiqarausa mariqau. 17 Eesauna amaaku Reeueerafa maaqimmasee maqannaasa ninaakufa marinau. Naqataa maqannaasa faqa Seeraa maqannaasa faqa Sammaa maqannaasa faqa Misaa maqannaasa faqa ninaakufa marinau. Aiqama misauqa Eesauna anaaqa Baseemata nammarinasaaqari kambiqarausa mariqau. 18 Kaifaa maa maqannaasa Eesauna anaaqa Ooqooribamma nammarina araamuna Annaa nammarinasaaqari kambiqaqau. Yeeusa maqannaasa faqa Yaramma maqannaasa faqa Kooraa maqannaasa faqa mariqau. 19 Aiqama mi maqannaasa Eesaunakiqari kambiaqa mariqau.

20-21 Eedoomma maqannaasa miqoo maridaqa rainasee qaara maqannaasaikammiqa mariqau. Misa ninaakufa Seirafa Qoora maqannaafa marufaqa minasaa aruaki maaqimmasee kambiaqau. Rootanafa faqa Soobarafa faqa Sibeeoonafa faqa Annaafa faqa Disoonafa faqa Eeseerafa faqa Disanafa faqa minamusa Eedoomma maqannaasa ninaakusa mariqau. 22 Rootanafa Qoorina oosana faqa Qeemmana oosana faqa ninaakufa marinau. (Rootanana auna Timinaa nammarifa marianau.) 23 Soobarafa Arafana oosana faqa Manaqatana oosana faqa Eebarana oosana faqa Seefoona oosana faqa Oonamana oosana faqa ninaakufa mariqau. 24 Sibeeoonnafa akoonaiqi qaaraqanda maqanau. Miqanda nuqu Aiaafa faqa Anaafa faqa mariqau. (Anaafa narí akoona Sibeeoonana doonkiuqa mareenoo andanda naaqeera kaasau maqa maaqaki munusoofaqa neemarufanoo rakisidanoo ida qeemaru nammarifa maqakiqari ururee maruna paqurinau.) 25-26 Anaafa Disoona faqa mina auna Ooqooriba nammarina faqa nikoofa marinau. Disoonafa Qeemadana oosana faqa Eesabana oosana faqa Itarana oosana faqa Keerana oosana faqa ninaakufa marinau. 27 Eeseerafa Biriqana oosana faqa Saafana oosana faqa Akana oosana faqa ninaakufa marinau. 28 Disanafa Usana oosana faqa Arana oosana faqa ninaakufa marinau. 29-30 Maaqimmasee Qooranasaaqari kambiqoo maqannaasa Eedoomma maqa maaqaki mariqau. Rootanana maqannaa faqa Soobara maqannaa faqa Sibeeoona maqannaa faqa Annaa maqannaa faqa Disoona maqannaa faqa Eeseera maqannaa faqa Disana maqannaa faqa mariqau.

31 Isaraee maqannaa karaambaiqa sia maru kamuqoo maa fasiqausa Eedoomma maqa maaqaki karaambaiqauqa mariqau. 32 Eedoomma maqannaasa indaaru rakisi nimaqoo karaambaiqana auqu Beerafa marinau. Beeoorana amaaku marinau. Mifa Dinabaa maqusanaasa karaambaiqa marinau. 33 Beerafa kuqufanoo Seeraana amaaku Yoobabafa karaambaiqa marinau. Mifa Boosaraa maqusanaafa marinau. 34 Yoobabafa kuqufanoo Qusamafa Teemana maqa maaqakinaafa karaambaiqaikinau. 35 Qusamafa kuqufufanoo Beedadana amaaku Adadafa karaambaiqaikinau. Mifa Midianna maqannaasa Mooaba maqa maaqaki naru nifaqaaqa maseenoo Adadafa Afitaa maqusaki karaambaiqa marinau. 36 Adadafa kuqufufanoo Samarafa karaambaiqaikinau. Mifa Masareekaa maqusakinaafa marinau. 37 Samarafa kuqufufanoo Saurafa Reeqooboota maqusakiqari Eeufarateesa nammari adeedi marufa karaambaiqaikinau. 38 Saurafa kuqufufanoo miqooqari Akaboonana amaaku Baaraqanafa karaambaiqa marinau. 39 Baaraqanafa kuqufufanoo Qadarafa karaambaiqaikinau. Mifa Pau maqusanaasa karaambaiqa marinau. Mina anaaqa auqu Meeqeetabeera nammarifa Maatareeda nammarina araamuna marinau. Maatareeda nammarifa Meesaqabana anaiqi marinau.

40-43 Eesaufa Eedoomma maqa maaqakina maru maqusausa kinaasa ninaakufa marinau. Timina maqannaasa faqa Arafaa maqannaasa faqa Yeeteeta maqannaasa faqa Ooqooribammaa maqannaasa faqa Eeraa maqannaasa faqa Pinoona maqannaasa faqa Keenasa maqannaasa faqa Teemana maqannaasa faqa Mibasara maqannaasa faqa Makadieera maqannaasa faqa Iramma maqannaasa faqa ninaakufa mariqau. Misa maru maqusausa nariqa ninaakusa nuqu nifaafau ramaqoofaqa marinau.