3
Yesu da Mousese ea hou Baligisa
1 Na fi dunu! Gode da dilima amolawane misa:ne sia:i! Na da dilima sia:sa! Dilia Yesu, amo ninia lalegagui hou amoma Gobele Salasu Ouligisu Dunu esaloma:ne, Gode da asunasi, Yesuma baligili dawa:ma. 2 * Idisu 12:7Mousese da Gode Ea fi amo ganodini mae yolesili hou ida:iwane hamosu, amo defele Yesu Gelesu da Godema mae yolesili, hou ida:iwane hamosu. Gode da amo hawa: hamomusa:, Yesu Gelesu ilegei dagoi. 3 Dunu ilia da diasu gagui amoma nodosa. Be ilia amo diasu gagusu dunu ema baligiliwane nodosa. Amo defele, dunu ilia da Mousesema nodomu da defea. Be ilia Yesuma baligiliwane nodomu da defea. 4 Diasu huluane gagui da gagusu dunu gala. Be Gode Hi da liligi huluane gagui dagoi.
5 Mousese da Gode Ea diasu ganodini hawa: hamosu dunu agoane mae yolesili noga:le hawa: hamonanu. E da Gode hobea sia:mu liligi ba:la:lusu.
6 Be Gelesu da hisu. E da hawa: hamosu dunu hame be Gode Egefedafa, mae yolesili noga:le hinawane Gode Ea diasu ouligisa. Ninia da mae beda:iwane hobea misunu esaloma:beyale dafawaneyale dawa:su hou hame yolesisia, ninia da Gode Ea diasu agoane ba:sa.
Gode Ea Fi Dunu da Helefisu Ba:mu
7 † Gesami Hea:su 95:7-11Amaiba:le, Gode Ea A:silibu Hadigidafa Gala, amo Ea sia: nabima,
“Dilia wali eso Gode Ea sia: nabasea,
8 dilia aowalali dunu ilia Godema gegei
amola dunu hame esalebe hafoga:i soge
amo ganodini ilia da Godema adoba:su,
ili hou defele dilia Godema mae hihima.”
9 Gode da amane sia:i,
“Ilia da Na hou ode 40 amoga ba:lalu.
Be ilia da amo sogega, Na hou abodele ba:musa:,
Nama adoba:su.
10 Amaiba:le, Na da ilima ougi galu.
Na amane sia:i, ‘Ilia da eso huluane odaga:sa.
Ilia da Na hamoma:ne sia:i nabawane hame hamosa!’
11 Na da ougi ba:i amola dafawane ilegele hamomusa: sia:i,
‘Na da Ga:ina:ne soge amo ganodini helefisu ilima imunusa: dawa:i.
Be ilia da amo soge ganodini helefimusa: hamedafa golili sa:imu!’ ”
12 Na fi dunu! Dunu afae dilia gilisisu amo ganodini amo ea dogo da wadela:i amola dafawaneyale hame dawa:beba:le ga:nasi hamoi, amo dunu da Gode Esala amo Ea hou yolesisa:besa:le, dawa:ma! 13 Be dilia da wadela:i hou amoga ogogobeba:le, dilia dogo da igi agoane hamoi, amasa:besa:le dilia da wali eso, (“wali eso” da Gode Sia: Dedei ganodini dedebeba:le ninima sia:sa), wali eso dunu eno da dunu eno noga:le fidimu da defea. 14 Bai ninia mae yolesili, ninia musa: lalegagui dafawaneyale dawa:su hou noga:le lalegaguli, Yesu Ea bu misunu eso doaga:sea, ninia da Yesu Gelesu Ea gilisili hawa: hamosu dunu agoai ba:mu.
15 ‡ Gesami Hea:su 95:7-8Gode Sia: da agoane dedei diala,
“Dilia wali eso Gode Ea sia: nabasea,
dilia aowalali dunu ilia Godema odoga:i,
amo hou defele Godema mae hihima!”
16 § Idisu 14:1-35Dunu ilia Gode Ea Sia: nabalu, hihiba:le odoga:i, amo dunu da nowa dunula:? Amo da dunu huluane, Mousese da Idibidi yolesili gadili oule asi. 17 Ode 40 amoga Gode da Ea fi dunuma ougi. Amo dunu fi da nowala:? Amo da Isala:ili dunu ilia wadela:i hou hamobeba:le, dunu hame esalebe hafoga:i sogega dafane bogogia:i.
18 Gode da dafawane ilegele sia:i, “Na da Ga:ina:ne soge amo ganodini ilima helefisu imunusa: dawa:i. Be ilia amo soge ganodini hamedafa masunu.” Amo sia: E da nowa ea hou olelemusa: sia:bela:? Amo da dunu ilia da Ea sia: nabimu higa:iba:le, odoga:i. 19 Amaiba:le, ilia dafawaneyale hame dawa:beba:le, Ga:ina:ne soge ganodini masunu hamedeiwane ba:i, amo ninia ba:sa.