1 I Yinni Gusunɔ siɑro.

Doo nɔɔruɡiiwɑ wi u Yinni Gusunɔ nɑsie,

mɑ win woodɑbɑ bɑ nùn nuku dobu wɛ̃ɛmɔ.

2 Yɛ̃ron bweserɑ koo dɑm ko hɑnduniɑ sɔɔ.

Geeɡibun bibu bɑ koo domɑru wɑ.

3 Alɑfiɑ kɑ dukiɑ ko n wɑ̃ɑ win yɛnuɔ.

Win ɡem kun kpeemɔ kɑ bɑɑdommɑɔ.

4 Tɔn ɡeo wi u wɔnwɔndu mɔ, u rɑ kɑ tɔnu duure,

u mɑɑ sɑ̃ɑ ɡemɡii, wɔ̃kurɑ yɑm dɛɛrɑmɔ win sɔ̃.

5 Doo nɔɔruɡiiwɑ wi u rɑ bɔkure kɑ nuku tiɑ,

mɑ u ku rɑ ɡoo tɑki di win sɔmburu sɔɔ.

6 Domi ɡeeɡii kun sokurɑmɔ pɑi.

Bɑ ko n nùn yɑɑyewɑ kɑ bɑɑdommɑɔ.

7 Lɑbɑɑri kɔ̃sɑ ku rɑ nùn nɑnde.

Win tororɑ rɑ n sɔ̃wɑ sim sim u n Yinni Gusunɔ nɑɑnɛ sɑ̃ɑ.

8 U ku rɑ wurure, bɛrum kun nùn mɔ̀,

sere u kɑ win yibɛrɛbɑ kuɑ mɛ u kĩ.

9 U rɑ sɑ̃ɑrobu kɛ̃nu kɛ̃ kɑ nuku tiɑ.

Win ɡem mu ko n wɑ̃ɑwɑ kɑ bɑɑdommɑɔ.

Win dɑm mu koo sosi kɑ bɛɛrɛ.

10 Tɔn kɔ̃so ù n nùn wɑ, win mɔru rɑ sewɑ,

kpɑ u nùn wiru diirisi kɑ nuku ɡbisibu.

Tɔn kɔ̃sobun yĩiyɔbu kpuro bu sɑ̃ɑwɑ kɑm dirum.