3 Dila nubo kangembo boutiki kilenir nubo naar tum ki ce. 4 Kambo mani ci lati bido kange co wori nuo dim fye cuo ri cin wumom dor kuwero dong dong fye Yecu time kambo ci wumbuwakeri cin cuku biciri wo kilendo damdor cereu.

5 Ki toka bilenkercerori, Yecu yi kilen niro “bwe bwirang ker tini mwero an tabum cuo. 6 ls nob mulangkabo kangembo yim wiri cin kwabi mor nere ce. 7 Man yi niwo a tok ti nawe? cin man dur we tab bwirang kerer tiye. dila kwama kikwace.

8 Dangjang Yecu nyumom mor tangbece yeci kwati tiber cere, cin yi ci “ye bwi com kwa wuro ti mor nere kume? 9 Ye bwaibe ayi kilen niir tiye bwirang keti mwero tabum kaka na yiki kwen ti, tum biciri mweu ayakenti.

10 Dila nako nyumom komki bibwe nifire wiki bikwan keret dor bitiner na tabum bwirang keret cin yi kilendo. 11 “Min yinen, kweniti tum biciri mweu na mwa yakenti lomo. 12 Cin kweni cin ti dangjang dangJang tum biciriu la cerum mor luwe nin kabum nubo gwam na yila cimen diker ynumankar gwame la cin ne kwama duktangka la cin yiki, nyi tombo dikero kange ni nuwau.

13 Cin cerken kale tak kong cuarek la kacinube gwam bou cimen di cin merang cimen. 14 Kambo ci cuken tiyeri, cin to lewi bibw lfayo yim fiye yime nob oka dorek la cin yila bwangmen ten. cin kweni lacin bwangcinenten

15 Yecu wiki cikka la levi kange kangenob yoka dorer ducce kange nob mwiang kerer cati wari kange co kange nob bwang kabcebo wori nubo nkila lacin bwang cimen ten. 16 Kambo nob mulangkab, wo no dinglibbeu to Yecu cati kange nob bwirangkeret kange nob yoka dorekeri cin yi nob bwankako ye bwi ci cati kange nob yoka doreke bwangkacebo kange nb bwirangker.

17 Kambo yecu nuwa weri cin yi ci nubo kwamer bwiyeu mani cai ni twakati dila kan nubo nubo nuwa lumau cii cotiye. ma boubo nami cuo nubo wo cak-cake dila nob bwirangkerer.

18 La nob bwangkab Yohanabo kange nob dinglingeb yim ngak nubo kangmbo bow la yicu “Ye bwi nob bwangka Yohanna bo kange nob bwangkabo nob dinlngebo yim ngak ri nob bwanga mwebo yibo ngange? 19 Yecu yici “farub niwo ki bincu atin yi dilomeu ngak kaka ki wura ki kwamawo niwo kibneu wi wari kange ciya? tano niki bincuwe kange ciri, mani ciya yiti (Ngak ki wura kaka ki dilomwe).

20 Dila kumeni atin bau wo ciya tum ni ki bineuti cineneu, la ki kumeni curori ciyatin (yiki yi Ngak dulomweu kange wura). 21 Ni mani wo a cur fiti kwilene fwir ti dor kwilendo car, kebo nyori wo taltiyeu ati woram wi bwilco, carko bwi fir ko nen, dila worakako antin bwira

22 Ni mani wo a corten mwem bituttuimbo fwir ti mor benti lando cereu kebo nyori mwem bituttuimbo an fwii dila ni atinn la bantilando kange mwem bituttutuimbo Nyori mwem bituttuimbo fwir ko a cori mor bangtilando fwir.

23 Ki diye kakuk fobkak, Yecu do or to cange dila no bwangkabcebo yoten kyang dor cange roti. 24 Nob dinklibo yico “too ye bwi cima dikero kange ti fwam werfun kakuk fobkake?”.

25 Cin yici, km kiye bo inye Dauda mane ki kwamawo ci cwi dikerti takeu ci nuwa wurati ci kange numo wo ci wariyeu. 26 Kambo ci doken mor lo kwama ki kwama wo Abiyatar co nii biwabero dur keu, la cin cam tiilita wo daten bo kange no kebo ni werfun di acatiye yila cinnen nubo wo kange ce nin?

27 Yecu yiki, die fwob kabo ci mam ki nii ci mabo nii ki diye fwobka. 28 Nyori bibwe nii tee luwe wiyak kange wo diye fwobkakoe.