84
په هُداوندئے پرستشگاها هُدۆناک آن
په سازگر و وش‌آوازانی سالارا. کۆرهئے چُکّانی زَبور. «گیتّیتئے»* 84:0 باور اِش اِنت که گیتّیت موزیکئے یک گالے. تَرزئے سرا.
1 او لشکرانی هُدا!
تئیی بارگاه چۆن دۆستناک اِنت.
2 منی اَرواه په هُداوندئے پرستشگاهئے پێشجاهان† 84:2 پێشجاه، بزان پێشگاه، لۆگئے چاردیوال، سَهن. شئیدا و هُدۆک اِنت،
منی دل و جان په زندگێن هُدایا په شادهی کوکّارَ کنت.
3 جِنگُلا هم په وت لۆگے در گێتک و
پیستانا‡ 84:3 پیستان کَسانێن مُرگے. په وت کُدۆهے
که وتی چورگ و چیپُّکان اۆدا برۆدێنیت،
تئیی کُربانجاهئے نزّیکا، او لشکرانی هُداوند،
منی بادشاه و منی هُدا!
4 بَهتاور اَنت هما که تئیی بارگاها جهمنند اَنت،
آ مُدام ترا نازێننت. اۆشت...
5 چۆن بَهتاور اَنت هما که واک و زۆرِش چه تئیی نێمگا اِنت و
دلِش تئیی راهان اِنت.
6 آ، وهدے چه اَرسانی§ 84:6 بَکائے دَرَگ، که مانایی اَرسانی دَرَگ اِنت. دَرَگا گوَزنت،
دَرَگا چه چمّگا پُرَّ کننت و
تاکچنڈئے مۆسمئے هئور هم آییا رهمتَ پۆشێنیت.
7 چه مُهرا مُهرتر بئیانَ بنت
تان هما وهدا که سَهیونا هُدائے بارگاها رسنت.
8 او هُداوند، لشکرانی هُدا! منی دْوایا گۆش دار،
بِشکُن، او آکوبئے هُدا! اۆشت...
9 مئے بادشاها* 84:9 اَسلیگێن اِبرانی سیاهگَ گوَشیت: مئے اِسپرا. دلگۆش کن، او هُدا!
وتی رۆگِن پِر مُشتگێنا† 84:9 رۆگن پِر مُشگ، بزان په بادشاهیا گچێن کنگ. دلگۆش کن.
10 تئیی بارگاهئے یک رۆچے
گهتر اِنت چه دگه جاگهێئے هزاران رۆچا،
چه بدکارانی تمبوانی تها آرامێن زندێئے گوازێنگا
منا وتی هُدائے درگاهئے دپا اۆشتگ دۆسترَ بیت،
11 که هُداوندێن رۆچ و اِسپرے،
هُداوند رهمتَ بَکشیت و اِزّتَ دنت.
هما که زندا په بێمئیاریَ گوازێنیت،
هُداوند شرّێن چیزّان چه آییا دورَ نداریت.
12 او لشکرانی هُداوند!
بَهتاور اِنت هما که تئیی سرا تئوکلَ کنت.
*^ 84:0 باور اِش اِنت که گیتّیت موزیکئے یک گالے.
†84:2 84:2 پێشجاه، بزان پێشگاه، لۆگئے چاردیوال، سَهن.
‡84:3 84:3 پیستان کَسانێن مُرگے.
§84:6 84:6 بَکائے دَرَگ، که مانایی اَرسانی دَرَگ اِنت.
*84:9 84:9 اَسلیگێن اِبرانی سیاهگَ گوَشیت: مئے اِسپرا.
†84:9 84:9 رۆگن پِر مُشگ، بزان په بادشاهیا گچێن کنگ.