3
پاکشۆدۆکێن یَهیائے کُلئو
(مَرکاس 1:1–8؛ لوکا 3:1–17)
1 آ رۆچان، پاکشۆدۆکێن یَهیا آتک و یَهودیَهئے گیابانا جاری پِرّێنت: 2 «چه وتی گناهان پشۆمان ببێت،* 3:2 پشۆمان بئیگ، بزان تئوبه کنگ. چیا که آسمانی بادشاهی نزّیک اِنت.» 3 یَهیا هما اِنت که اِشئیا نبی آییئے بارئوا گوَشیت:
هُداوندئے راها تئیار و،
آییئے کِشکا راست و تچک بکنێت.‡ 3:3 اِشئیا نبیئے کتاب 40:3.
4 یَهیایا چه اُشترئے پُٹان گوَپتگێن پۆشاک گوَرا اَت و پۆستێن کمربندے لانکا بستگ‌اَت. آییئے وَرد و وراک، مَدَگ و گیابانی بێنگ§ 3:4 بێنگ، بزان اَسَل. اَت. 5 اورْشَلیمئے نندۆک، یَهودیَهئے سجّهێن دَمگئے مردم و اُرْدُنئے کئورئے کِرّ و گوَرئے جهمنند آییئے کِرّا شتنت. 6 وتی گناهانی پشۆمانی‌اِش زاهر کرت و یَهیایا اُرْدُنئے کئورا پاکشۆدی داتنت.* 3:6 اے یَهیا اَت که پاکشۆدیَ داتی.
7 وهدے یَهیایا دیست که پَریسی و سَدوکی رُمبئے بازێن مردم پاکشۆدی گِرَگا آییئے کِرّا آیگا اَنت، گۆن آیان گوَشتی: «او سْیَه‌مارزادگان! کئیا شمارا ڈاه داتگ که چه هُدائے آیۆکێن کَهر و گَزبا رَکّتَ کنێت؟! 8 اَنچێن کار بکنێت چه آیان پَدّر ببیت که شما په دل چه وتی گناهان پشۆمان بوتگێت. 9 چه وتی دلا اے هبرا در بکنێت که ‹ما اِبراهێمئے نَسل و اۆبادگ اێن.› من شمارا گوَشان که هُدا چه اے سِنگ و ڈۆکان هم، په اِبراهێما چُکّ و اۆبادگ پێدا کرتَ کنت. 10 نون تَپَر تئیار اِنت که درچکان چه بُنا بگُڈّیت و هر درچکے که شَرّێن بَرَ نئیاریت، گُڈّگ و آسا دئور دئیگَ بیت.
11 «من په شمئے گناهانی پشۆمانیا، شمارا گۆن آپا پاکشۆدیَ دئیان، بله هما که چه من و رَند آیَگی اِنت، چه من زۆراکتر اِنت و من آییئے کئوشانی دست گِرگئے لاهک هم نه‌آن. آ شمارا گۆن پاکێن روه و آسا پاکشۆدیَ دنت. 12 آییا چه بوچّ و پُگان دانئے جتا کنگ و گیشّێنگا، هَنشۆنے† 3:12 هَنشۆن دارے که په دان و پُگانی جتا کنگا کارمرزَ بیت. دستا اِنت. جۆهانا‡ 3:12 چۆهان، بزان کِشارانی مُچّ کنگئے جاگه. پاک و سَلّهَ کنت و دانان اَمبارا اێرَ کنت، بله پُگ و پلاران اَنچشَ سۆچیت که آسِش هچبرَ نمریت.»
ایسّائے پاکشۆدی
(مَرکاس 1:9–11؛ لوکا 3:21–22؛ یوهَنّا 1:31–34)
13 گڑا ایسّا چه جَلیلئے دَمگا در آتک و یَهیائے دستا پاکشۆدی گِرَگا اُرْدُنئے کئورا شت. 14 بله یَهیایا جُهد کرت آییا په اے کارا مئیلیت و گوَشتی: «باید من چه تئیی دستا پاکشۆدی بگران، تئو چۆن منی گوَرا کائے؟» 15 ایسّایا گوَشت: «انّون بِلّ که اَنچش ببیت، اے پئیما هُدائے رَزایا سَرجمَ کنێن.» گڑا آییا مَنِّت و ایسّایی پاکشۆدی دات. 16 وهدے ایسّایا پاکشۆدی گپت و چه آپا در آتک، اَناگت آسمانئے دپ پَچ بوت و هُدائے پاکێن روهی دیست که کپۆتێئے دْرۆشما§ 3:16 دْرۆشم، بزان شکل. آتک و آییئے سرا اێر نِشت. 17 چه آسمانا تئوارے آتک: «اے منی دۆستێن بَچّ اِنت و من چه اِشیا باز وشّ و رَزا آن.»
*3:2 3:2 پشۆمان بئیگ، بزان تئوبه کنگ.
†3:3 3:3 گوانک، بزان بُرزێن تئوار.
‡3:3 3:3 اِشئیا نبیئے کتاب 40:3.
§3:4 3:4 بێنگ، بزان اَسَل.
*3:6 3:6 اے یَهیا اَت که پاکشۆدیَ داتی.
†3:12 3:12 هَنشۆن دارے که په دان و پُگانی جتا کنگا کارمرزَ بیت.
‡3:12 3:12 چۆهان، بزان کِشارانی مُچّ کنگئے جاگه.
§3:16 3:16 دْرۆشم، بزان شکل.