”ܢܦܝܼܠܔ ܠܵܗ̇، ܢܦܝܼܠܔ ܠܵܗ̇، ܒܵܒܹܠܔ ܓܘܼܪܬܵ‌ܐ! ܗܘܹܐ ܠܵܗ̇ ܡܲܫܪܝܼܬܵ‌ܐ ܕܫܹܐܕܹ̈ܐ، ܢܛܘܼܪܬܵ‌ܐ ܠܟܠܔ ܪܘܼܚܵܐ ܛܲܡܐܹܐ، ܘܢܛܘܼܪܬܵ‌ܐ ܠܟܠܵܝܗ‌ܝ ܛܲܝܪܹ̈ܐ ܛܲܡܐܹ̈ܐ ܘܣܸܢܝܹ̈ܐ.

3 ”ܣܵܒܵܒ ܟܠܵܝܗ‌ܝ ܐܸܡܘܵܬܹ̈‌ܐ ܫܬܹ‌ܐ ܠܗܘܿܢ ܡ̣ܢ ܚܲܡܪܵܐ ܕܚܸܡܬܵ‌ܐ ܕܙܵܢܝܘܼܬܘܼܗ̇، ܘܡܲܠܟܹ̈ܐ ܕܐܲܪܥܵܐ ܙܢܹܐ ܠܗܘܿܢ ܥܲܡܘܼܗ̇، ܘܬܲܓܵܪܹ̈ܐ ܕܐܲܪܥܵܐ ܗܘܹܐ ܠܗܘܿܢ ܥܲܬܝܼܪܹ̈ܐ ܡ̣ܢ ܚܲܝܠܵܐ ܕܒܘܼܣܵܡܘܼܗ̇.“ 4 ܘܫܡܝܼܥ ܠܝܼ ܩܵܠܵܐ ܐܚܹܪܢܵܐ ܡ̣ܢ ܫܡܲܝܵܐ ܒܹܐܡܵܪܵܐ:

”ܦܠܘܿܛܘܼܢ ܡܸܢܘܼܗ̇، ܝܵܐ ܛܵܝܸܦܝܼ، ܕܠܵܐ ܫܲܪܸܟܝܼܬܘܿܢ ܒܚܛܝܼܵܬܘܼ̈ܗ̇، ܘܕܠܵܐ ܩܲܒܠܝܼܬܘܿܢ ܡܲܚܘܵܬܘܼ̈ܗ̇.

5 ”ܣܵܒܵܒ ܙܝܼܕ ܠܗܘܿܢ ܚܛܝܼܵܬܘܼ̈ܗ̇ ܗܲܠܔ ܫܡܲܝܵܐ، ܘܕܟ݂ܝܼܪܹܗ ܐܲܠܵܗܵܐ ܥܵܘܠܘܼܗ̇.

6 ”ܦܪܹܥܡܘܼܢ ܠܵܗ̇ ܐܲܝܟ݂ ܕܗ̇ܝ ܦܪܝܼܥ ܠܵܗ̇، ܘܦܪܹܥܡܘܼܢ ܠܵܗ̇ ܚܲܕ ܒܬܪܹܝ ܐܲܝܟ݂ ܦܘܼܠܚܵܢܘܼ̈ܗ̇. ܒܗ̇ܘ ܟܵܣܵܐ ܕܡܙܝܼܓ݂ ܠܵܗ̇، ܡܙܘܿܓ݂ܘܼܢ ܐܸܠܘܼܗ̇ ܚܲܕ ܒܬܪܹܝ.

7 ”ܗܲܪ ܗܵܕܟ݂ܵܐ ܗܲܒ݂ܠܘܼܢ ܠܵܗ̇ ܓ̰ܘܼܢܓ̰ܵܪܵܐ ܘܦܵܫܲܡܬܵ‌ܐ ܕܵܐܟ݂ܝܼ ܕܗ̇ܝ ܝܘܼܗܒܹܠܔ ܠܵܗ̇ ܠܓܵܢܘܼܗ̇ ܚܸܩܪܵܐ ܘܒܘܼܣܵܡܵܐ، ܣܵܒܵܒ ܒܹܐܡܵܪܵܐ ܝܠܵܗ̇ ܒܠܸܒܘܼܗ̇: ’ܝܬܝܼܒ݂ܬܵ‌ܐ ܝܘܵܢ ܡܲܠܟܬܵ‌ܐ، ܘܠܹܐ ܝܘܵܢ ܐܲܪܡܸܠܬܵ‌ܐ، ܘܬܵܥܙܝܼ ܗܸܟ̃ ܠܹܐ ܚܵܙܝܵܢ.‘

8 ”ܒܘܼܬ ܐܵܗܵܐ ܒܚܲܕ ܝܵܘܡܵܐ ܒܸܬ ܐܵܬ‌ܝܼ ܡܲܚܘܵܬܘܼ̈ܗ̇: ܡܵܘܬܵ‌ܐ ܘܬܵܥܙܝܼ ܘܟܸܦܢܵܐ، ܘܒܢܘܼܪܵܐ ܒܸܬ ܦܵܝܫܵܐ ܡܘܼܩܸܕܬܵ‌ܐ، ܣܵܒܵܒ ܚܲܝܠܵܢܵܐ ܝܠܹܗ ܡܵܪܝܵܐ، ܗ̇ܘ ܕܩܵܡ ܕܵܐܹܢ ܠܵܗ̇. 9 ”ܐܵܢܝܼ ܡܲܠܟܹ̈ܐ ܕܐܲܪܥܵܐ ܕܙܢܹܐ ܠܗܘܿܢ ܘܥܒ݂ܝܼܕ ܠܗܘܿܢ ܒܘܼܣܵܡܵܐ ܥܲܡܘܼܗ̇، ܐܝܼܡܲܢ ܕܚܵܙܝܼ ܬܸܢܵܐ ܕܩܝܵܕܬܘܼܗ̇، ܒܸܬ ܒܵܟ݂ܝܼ ܘܥܵܒ݂ܕܝܼ ܬܵܥܙܝܼ. 10 ”ܡ̣ܢ ܙܕܘܼܥܬܵ‌ܐ ܕܓ̰ܘܼܢܓ̰ܵܪܘܼܗ̇، ܒܸܬ ܟܵܠܝܼ ܡ̣ܢ ܪܸܚܩܵܐ ܘܐܵܡܪܝܼ:

’ܘܵܝ، ܘܵܝ، ܠܗ̇ܝ ܡܕܝܼܢ݇ܬܵ‌ܐ ܓܘܼܪܬܵ‌ܐ، ܒܵܒܹܠܔ، ܡܕܝܼܢ݇ܬܵ‌ܐ ܚܲܝܠܵܢܬܵ‌ܐ. ܒܚܕܵܐ ܣܵܥܲܬ ܐܬܹ‌ܐ ܠܵܗ̇ ܕܝܼܘܵܢܵܟ݂ܝ.‘ 11 ”ܘܬܲܓܵܪܹ̈ܐ ܕܐܲܪܥܵܐ ܒܸܬ ܒܵܟ݂ܝܼ ܘܥܵܒ݂ܕܝܼ ܬܵܥܙܝܼ ܥܲܠܘܼܗ̇، ܣܵܒܵܒ ܐܘܼܦ ܚܲܕ ܐܚܹܪܢܵܐ ܠܹܐ ܙܵܒܹܢ ܛܲܥܢܵܝܗ‌ܝ، 12 ”ܛܲܥܢܵܐ ܕܕܲܗܒ݂ܵܐ، ܘܕܣܹܐܡܵܐ ܘܕܟܹܐܦܹ̈ܐ ܛܝܼܡܵܢܹ̈ܐ، ܘܕܡܲܪ̈ܓܵܢܝܵܬܹ‌ܐ، ܘܕܟܸܬܲܢ ܫܲܦܝܼܪܵܐ، ܘܕܐܲܪܓܘܵܢܵܐ، ܘܕܐܲܒܪܹܣܝܼܡ، ܘܕܩܸܪܡܝܼܙ، ܘܟܠܔ ܩܲܝܣܵܐ ܕܒܸܣܡܵܐ، ܘܟܠܔ ܡܵܐܢܵܐ ܕܓܪܲܡܦܝܼܠܵܐ، ܘܟܠܔ ܡܵܐܢܵܐ ܕܩܲܝܣܵܐ ܛܝܼܡܵܢܵܐ ܘܕܢܚܵܫܵܐ ܘܕܦܪܸܙܠܵܐ ܘܕܟܹܐܦܵܐ ܕܡܲܪܡܲܪ، 13 ”ܘܕܵܪܟ̰ܝܼܢ، ܘܗܹܪ̈ܘܿܡܹܐ، ܘܒܸܣܡܹ̈ܐ، ܘܡܘܼܪܵܐ، ܘܠܒ݂ܘܿܢܬܵ‌ܐ، ܘܚܲܡܪܵܐ، ܘܡܸܫܚܵܐ، ܘܩܲܡܚܵܐ ܕܲܩܝܼܩܵܐ، ܘܚܸܛܹ̈ܐ، ܘܩܸܢܝܵܢܹ̈ܐ، ܘܥܸܪ̈ܒܹܐ، ܘܣܘܼܣܵܘܵܬܹ̈‌ܐ ܘܐܵܪ̈ܵܒܵܢܹܐ، ܘܦܲܓ݂ܪܹ̈ܐ ܘܓܵܢܵܬܹ̈‌ܐ ܕܒܢܲܝ̈ܢܵܫܵܐ. 14 ”ܐܙܝܼܠܔ ܠܵܗ̇ ܡܸܢܵܟ݂ܝ ܛܥܘܼܢܬܵ‌ܐ ܕܫܲܗܘܲܬܬܵ‌ܐ ܕܓܵܢܵܟ݂ܝ، ܘܟܠܵܝܗ‌ܝ ܡܸܢܕܝܼܵܢܵܟ݂ܝ̈ ܒܲܣܝܼܡܹ̈ܐ ܘܫܲܦܝܼܪܹ̈ܐ ܛܠܝܼܩ ܠܗܘܿܢ ܡܸܢܵܟ݂ܝ، ܘܐܚܹܪܢܵܐ ܠܹܐ ܡܲܫ݇ܟ̰ܚܝܼ ܠܗܘܿܢ. 15 ”ܬܲܓܵܪܹ̈ܐ ܕܐܲܢܹܐ، ܐܲܝܢܝܼ ܕܦܝܼܫܹܐ ܝܗܘܵܘ ܥܒ݂ܝܼܕܹܐ ܥܲܬܝܼܪܹ̈ܐ ܒܝܼܘܼܗ̇، ܟܲܕ ܒܸܙܕܵܥܵܐ ܡ̣ܢ ܓ̰ܘܼܢܓ̰ܵܪ̈ܘܼܗ̇، ܒܸܬ ܟܵܠܝܼ ܡ̣ܢ ܪܸܚܩܵܐ ܒܸܒܟ݂ܵܝܵܐ ܘܒܸܥܒ݂ܵܕܵܐ ܬܵܥܙܝܼ، 16 ”ܒܹܐܡܵܪܵܐ:

’ܘܵܝ، ܘܵܝ، ܠܗ̇ܝ ܡܕܝܼܢ݇ܬܵ‌ܐ ܓܘܼܪܬܵ‌ܐ، ܗ̇ܝ ܕܝܼܗܘܵܐ ܠܒ݂ܝܼܫܬܵ‌ܐ ܟܸܬܲܢ ܫܲܦܝܼܪܵܐ ܘܐܲܪܓܘܵܢܵܐ ܘܩܸܪܡܝܼܙ، ܘܣܘܼܩܸܠܬܵ‌ܐ ܒܕܲܗܒ݂ܵܐ ܘܒܟܹܐܦܹ̈ܐ ܛܝܼܡܵܢܹ̈ܐ ܘܒܡܲܪ̈ܓܵܢܝܵܬܹ‌ܐ،

17 ’ܣܵܒܵܒ ܒܚܕܵܐ ܣܵܥܲܬ ܚܪܝܼܒ݂ ܠܹܗ ܚܲܕ ܗܵܕܟ݂ܵܐ ܥܘܼܬܪܵܐ.‘ ”ܟܠܔ ܓܘܼܪܵܐ ܕܓܵܡܝܼ، ܘܟܠܵܝܗ‌ܝ ܐܵܙܵܠ݇ܢܹ̈ܐ ܒܓܵܡܝܼܹ̈ܐ، ܘܡܲܠܵܚܹ̈ܐ، ܘܟܠܵܝܗ‌ܝ ܦܲܠܵܚܹ̈ܐ ܕܥܲܠܔ ܝܵܡܵܐ، ܟܠܹܐ ܠܗܘܿܢ ܡ̣ܢ ܪܸܚܩܵܐ. 18 ”ܘܡܲܩܘܘܼܚܹܐ ܝܗܘܵܘ ܟܲܕ ܒܸܚܙܵܝܵܐ ܬܸܢܵܐ ܕܩܝܵܕܬܘܼܗ̇، ܒܹܐܡܵܪܵܐ: ’ܐܝܼܬ ܗܘܵܐ ܡܕܝܼܢ݇ܬܵ‌ܐ ܐܚܹܪܬܵ‌ܐ ܐܲܝܟ݂ ܐܵܗܵܐ ܡܕܝܼܢ݇ܬܵ‌ܐ ܓܘܼܪܬܵ‌ܐ؟‘ 19 ”ܘܕܪܹܐ ܠܗܘܿܢ ܥܲܦܪܵܐ ܥܲܠܔ ܪܹܝܫܵܝܗ‌ܝ، ܘܒܟܹܐ ܠܗܘܿܢ ܘܥܒ݂ܝܼܕ ܠܗܘܿܢ ܬܵܥܙܝܼ ܒܹܐܡܵܪܵܐ:

’ܘܵܝ، ܘܵܝ، ܡܕܝܼܢ݇ܬܵ‌ܐ ܓܘܼܪܬܵ‌ܐ، ܡ̣ܢ ܛܝܼܡܘܼܬܘܼܗ̇ ܗܘܹܐ ܠܗܘܿܢ ܥܲܬܝܼܪܹ̈ܐ ܟܠܵܝܗ‌ܝ ܐܵܢܝܼ ܕܐܝܼܬ ܗܘܵܘ ܠܗܘܿܢ ܓܵܡܝܼܹ̈ܐ ܒܝܵܡܵܐ. ܒܚܕܵܐ ܣܵܥܲܬ ܦܝܼܫ ܠܵܗ̇ ܡܘܼܚܪܸܒ݂ܬܵ‌ܐ.‘

20 ”ܚܕܹܝܡܘܼܢ ܥܲܠܘܼܗ̇ ܐܲܢ݇ܬ ܫܡܲܝܵܐ ܘܐܲܚܬܘܿܢ ܩܲܕܝܼܫܹ̈ܐ ܘܫܠܝܼܚܹ̈ܐ ܘܢܒ݂ܝܼܹ̈ܐ، ܣܵܒܵܒ ܫܩܝܼܠܔ ܠܹܗ ܐܲܠܵܗܵܐ ܬܘܼܥܠܵܘܟ݂ܘܿܢ ܡܸܢܘܼܗ̇ ܐܝܼܡܲܢ ܕܕܝܼܢܵܐ ܠܹܗ.“ 21 ܗ̇ܝܓܵܗ ܫܩܝܼܠܔ ܠܹܗ ܚܲܕ ܡܲܠܲܐܟ݂ܵܐ ܚܲܝܠܵܢܵܐ ܟܹܐܦܵܐ ܓܘܼܪܵܐ ܐܲܝܟ݂ ܟܹܐܦܵܐ ܕܐܸܪܚܹܐ ܘܪܘܼܦܹܐ ܠܹܗ ܓܵܘ ܝܵܡܵܐ، ܘܐܡܝܼܪܹܗ:

”ܒܗܵܕܟ݂ܵܐ ܚܲܝܠܵܐ ܒܸܬ ܦܵܝܫܵܐ ܪܘܼܦܝܼܬܵ‌ܐ ܡܕܝܼܢ݇ܬܵ‌ܐ ܓܘܼܪܬܵ‌ܐ ܕܒܵܒܹܠܔ، ܘܠܹܐ ܦܵܝܫܵܐ ܡܫ݇ܟ̰ܝܼܚܬܵ‌ܐ ܐܚܹܪܢܵܐ.

22 ”ܘܩܵܠܵܐ ܕܡܵܚܝܵܢܹ̈ܐ ܕܩܝܼܬܵܪܹ̈ܐ ܘܕܡܘܼܣܝܼܩܘܿܪܹ̈ܐ ܘܕܡܵܚܝܵܢܹ̈ܐ ܕܫܲܒܝܼܒܹ̈ܐ ܘܕܫܝܼܦܘܿܪܹ̈ܐ، ܠܹܐ ܦܵܐܹܫ ܫܡܝܼܥܵܐ ܓܵܘܵܟ݂ܝ ܐܚܹܪܢܵܐ. ܘܟܠܔ ܐܘܼܡܵܢܵܐ ܕܟܠܔ ܐܘܼܡܵܢܘܼܬܵ‌ܐ ܠܹܐ ܦܵܐܹܫ ܡܫ݇ܟ̰ܝܼܚܹܐ ܓܵܘܵܟ݂ܝ ܐܚܹܪܢܵܐ. ܘܩܵܠܵܐ ܕܐܸܪܚܹܐ ܠܹܐ ܦܵܐܹܫ ܫܡܝܼܥܵܐ ܓܵܘܵܟ݂ܝ ܐܚܹܪܢܵܐ.

23 ”ܘܒܲܗܪܵܐ ܕܫܪܵܓ݂ܵܐ ܠܹܐ ܒܲܗܪܸܢ ܓܵܘܵܟ݂ܝ ܐܚܹܪܢܵܐ، ܘܩܵܠܵܐ ܕܚܸܬܢܵܐ ܘܕܟܵܠܬܵ‌ܐ ܠܹܐ ܦܵܐܹܫ ܫܡܝܼܥܵܐ ܓܵܘܵܟ݂ܝ ܐܚܹܪܢܵܐ، ܣܵܒܵܒ ܬܲܓܵܪ̈ܵܟ݂ܝ ܓܘܼܪ̈ܵܢܹܐ ܕܐܲܪܥܵܐ ܝܗܘܵܘ، ܘܒܚܸܪ̈ܫܵܟ݂ܝ ܦܝܼܫ ܠܗܘܿܢ ܡܘܼܚܠܸܛܹܐ ܟܠܵܝܗ‌ܝ ܐܸܡܘܵܬܹ̈‌ܐ.

24 ”ܓܵܘܘܼܗ̇ ܦܝܼܫ ܠܹܗ ܡܫ݇ܟ̰ܝܼܚܵܐ ܕܸܡܵܐ ܕܢܒ݂ܝܼܹ̈ܐ ܘܕܩܲܕܝܼܫܹ̈ܐ، ܕܟܠܵܝܗ‌ܝ ܐܵܢܝܼ ܕܦܝܼܫ ܠܗܘܿܢ ܩܛܝܼܠܹܐ ܥܲܠܔ ܐܲܪܥܵܐ.“