83
ܙܡܪܬܐ. ܡܙܡܘܪܐ ܕܐܣܦ.
1 ܝܵܐ ܐܲܠܵܗܵܐ، ܠܵܐ ܗܵܘܝܵܐ ܫܠܵܝܬܵܐ ܐܸܠܘܼܟ݂،
ܠܵܐ ܫܵܬܩܹܬ ܘܠܵܐ ܗܵܘܹܝܬ ܫܸܠܝܵܐ، ܝܵܐ ܐܲܠܵܗܵܐ.
2 ܣܵܒܵܒ ܗܵܐ، ܕܸܫ̃ܡܸܢܘܼ̈ܟ݂ ܒܸܥܒ݂ܵܕܵܐ ܝܢܵܐ ܫܓ݂ܘܼܫܝܵܐ،
ܘܣܵܢܝܵܢܘܼ̈ܟ݂ ܡܘܼܪܸܡ ܠܗܘܿܢ ܪܹܝܫܵܝܗܝ.
3 ܥܲܠܔ ܥܲܡܘܼܟ݂ ܥܒ݂ܝܼܕ ܠܗܘܿܢ ܒܘܼܨܵܐ ܨܢܝܼܥܵܐ،
ܘܥܒ݂ܝܼܕ ܠܗܘܿܢ ܡܸܠܟܵܐ ܥܲܠܔ ܣܝܼܡܵܬܘܼ̈ܟ݂.
4 ܐܡܝܼܪܗܘܿܢ: ”ܬܹܝܡܘܼܢ ܘܛܲܠܩܲܚ ܠܗܘܿܢ ܡ̣ܢ ܐܘܼܡܬܵܐ،
ܕܠܵܐ ܦܵܐܹܫ ܕܟ݂ܝܼܪܵܐ ܫܸܡܵܐ ܕܐܝܼܣܪܵܐܹܝܠܔ ܡܸܢܕܪܸܫ.“
5 ܣܵܒܵܒ ܥܒ݂ܝܼܕ ܠܗܘܿܢ ܡܸܠܟܵܐ ܒܠܸܒܵܐ ܥܲܡ ܚܕܵܕܹ̈ܐ،
ܩܛܝܼܥ ܠܗܘܿܢ ܩܵܘܠܵܐ ܥܲܠܘܼܟ݂.
6 ܡܲܫܟܢܹ̈ܐ ܕܐܲܕܘܿܡ ܘܕܐܝܼܫܡܲܥܠܵܝܹ̈ܐ،
ܡܘܼܐܵܒ݂ ܘܗܵܓ݂ܵܪ̈ܵܝܹܐ،
7 ܓܒܲܠܔ ܘܥܲܡܘܿܢ ܘܥܡܵܠܹܝܩ،
ܦܠܸܫܬ ܥܲܡ ܥܵܡܪ̈ܵܢܹܐ ܕܨܘܿܪ.
8 ܐܘܼܦ ܐܵܬܘܿܪ ܙܘܼܘܸܓ ܠܹܗ ܥܲܡܵܝܗܝ،
ܗܘܹܐ ܠܗܘܿܢ ܕܪܲܥܢܵܐ ܠܒܢܘܿܢܹ̈ܐ ܕܠܘܿܛ.
ܣܹܠܵܗ
9 ܥܒ݂ܘܿܕ ܐܸܠܵܝܗܝ ܐܲܝܟ݂ ܠܡܸܕܝܲܢ،
ܐܲܝܟ݂ ܠܣܝܼܣܪܵܐ ܘܝܵܒ݂ܝܼܢ ܒܢܲܗܪܵܐ ܕܩܝܼܫܘܿܢ،
10 ܕܦܝܼܫ ܠܗܘܿܢ ܛܘܼܠܩܹܐ ܒܥܝܼܢܕܘܿܪ،
ܘܗܘܹܐ ܠܗܘܿܢ ܙܸܒܠܵܐ ܠܐܲܪܥܵܐ.
11 ܥܒ݂ܘܿܕ ܠܗܘܿܢ ܢܲܨܝܼܚܵܝ̈ܗܝ ܐܲܝܟ݂ ܥܘܿܪܝܼܒ݂ ܘܐܲܝܟ݂ ܙܝܼܒ݂،
ܘܟܠܵܝܗܝ ܫܲܠܝܼܛܵܝ̈ܗܝ ܐܲܝܟ݂ ܙܵܒ݂ܵܚ ܘܐܲܝܟ݂ ܨܲܠܡܢܲܥ.
12 ܕܐܡܝܼܪܗܘܿܢ: ”ܝܵܪܬܲܚ ܠܗܘܿܢ ܠܓܵܢܲܢ
ܡܲܪ̈ܥܝܹܐ ܕܐܲܠܵܗܵܐ.“
13 ܝܵܐ ܐܲܠܵܗܝܼ، ܥܒ݂ܘܿܕ ܠܗܘܿܢ ܐܲܝܟ݂ ܓܵܪܕܵܒܘܼܠܹܐ،
ܐܲܝܟ݂ ܟܘܼܠܵܫ ܩܲܕܡ ܦܵܘܚܵܐ،
14 ܐܲܝܟ݂ ܢܘܼܪܵܐ ܕܡܲܩܸܕ ܥܵܒ݂ܵܐ،
ܘܐܲܝܟ݂ ܠܵܗܵܐ ܕܡܲܠܗܸܒ݂ ܛܘܼܪ̈ܵܢܹܐ.
15 ܗܵܕܟ݂ܵܐ ܢܵܦܠܹܬ ܒܵܬܪܵܝܗܝ ܒܥܲܠܥܵܠܘܼܟ݂،
ܘܒܓܵܪܕܵܒܘܼܠܘܼܟ݂ ܡܲܪܓܸܕܸܬ ܠܗܘܿܢ.
16 ܡܠܝܼ ܦܵܬܘܵܬܵܝ̈ܗܝ ܒܘܼܨܵܪܵܐ،
ܕܛܵܥܝܼ ܠܫܸܡܘܼܟ݂، ܝܵܐ ܡܵܪܝܵܐ.
17 ܢܵܟ݂ܦܝܼ ܘܦܵܝܫܝܼ ܫܓ݂ܝܼܫܹܐ ܗܲܠܔ ܥܵܠܲܡ،
ܘܦܵܝܫܝܼ ܢܟ݂ܝܼܦܹܐ ܘܛܵܠܩܝܼ.
18 ܘܝܵܕܥܝܼ ܕܐܲܢ݇ܬ ܒܢܲܦ̮ܫܘܼܟ݂ ܫܸܡܘܼܟ݂ ܡܵܪܝܵܐ ܝܠܹܗ،
ܥܸܠܵܝܵܐ ܥܲܠܔ ܟܠܵܗ̇ ܐܲܪܥܵܐ.