1 ܘܲܥܕܵܐ ܩܲܕܡܵܝܵܐ ܐܝܼܬ ܗܘܵܐ ܠܹܗ ܩܵܢܘܿܢܹ̈ܐ ܩܵܐ ܣܓ݂ܵܕܬܵ‌ܐ ܘܒܹܝܬ ܩܘܼܕܫܵܐ ܐܲܪܥܵܢܵܝܵܐ. 2 ܣܵܒܵܒ ܡܲܫܟܢܵܐ ܦܝܼܫܵܐ ܝܗܘܵܐ ܗܘܼܕܪܵܐ، ܒܕܘܼܟܵܐ ܩܲܕܡܵܝܬܵ‌ܐ ܕܒܝܼܹܗ ܐܝܼܬ ܗܘܵܐ ܡܢܵܪܬܵ‌ܐ، ܘܦܵܬܘܿܪܵܐ ܘܠܲܚܡܵܐ ܡܩܘܼܕܫܵܐ؛ ܐܵܗܵܐ ܦܝܼܫܬܵ‌ܐ ܝܗܘܵܐ ܩܪܝܼܬܵ‌ܐ ܕܘܼܟܵܐ ܡܩܘܼܕܸܫܬܵ‌ܐ.✡ ܡܦܩܢܐ 25‏:23‏-30؛ 25‏:31‏-40؛ 26‏:1‏-30 3 ܡ̣ܢ ܒܵܬܪ ܣܸܬܪܵܐ ܕܬܪܹܝ، ܐܝܼܬ ܗܘܵܐ ܕܘܼܟܵܐ ܐܚܹܪܬܵ‌ܐ ܕܟܹܐ ܦܵܝܫܵܐ ܗܘܵܐ ܩܪܝܼܬܵ‌ܐ ܩܕܘܿܫ ܩܘܼܕܫܹ̈ܐ،✡ ܡܦܩܢܐ 26‏:31‏-33 4 ܐܲܝܟܵܐ ܕܐܝܼܬ ܗܘܵܐ ܡܲܕܒܚܵܐ ܕܕܲܗܒ݂ܵܐ ܩܵܐ ܒܸܣܡܵܐ، ܘܩܹܒ݂ܘܼܬܵ‌ܐ ܕܘܲܥܕܵܐ ܩܪܝܼܡܬܵ‌ܐ ܒܕܲܗܒ݂ܵܐ ܡ̣ܢ ܟܠܵܝܗ‌ܝ ܓܹܒܵܢܹ̈ܐ. ܓܵܘ ܩܹܒ݂ܘܼܬܵ‌ܐ ܐܝܼܬ ܗܘܵܘ ܡܵܐܢܵܐ ܕܕܲܗܒ݂ܵܐ ܒܸܚܒ݂ܵܫܵܐ ܡܲܢܢܵܐ، ܘܚܘܼܛܪܵܐ ܕܐܲܗܪܘܿܢ ܕܒܘܼܪܛܸܢܹܗ، ܘܠܘܼܚܹ̈ܐ ܕܘܲܥܕܵܐ.✡ ܡܦܩܢܐ 16‏:33؛ 25‏:10‏-16؛ 30‏:1‏-6؛ ܡܢܝܢܐ 17‏:8‏-10؛ 25‏:16؛ ܬܢܝܢ ܢܡܘܣܐ 10‏:3‏-5 5 ܥܸܠܸܠܔ ܡ̣ܢ ܩܹܒ݂ܘܼܬܵ‌ܐ ܐܝܼܬ ܗܘܵܘ ܟܪ̈ܘܿܒܹܐ ܕܚܸܩܪܵܐ ܒܸܥܒ݂ܵܕܵܐ ܛܸܠܵܢܝܼܬܵ‌ܐ ܥܲܠܔ ܕܘܼܟܵܐ ܕܚܘܼܣܵܝܵܐ. ܐܝܼܢܵܐ ܐܵܕܝܼܵܐ ܠܲܝܬ ܠܲܢ ܥܕܵܢܵܐ ܕܗܲܡܙܸܡܲܚ ܒܡܸܠܝܘܼܬܵ‌ܐ ܒܘܼܬ ܐܲܢܹܐ.✡ ܡܦܩܢܐ 25‏:18‏-22 6 ܟܲܕ ܟܠܔ ܡܸܢܕܝܼ ܦܝܼܫܵܐ ܝܗܘܵܐ ܗܵܕܟ݂ܵܐ ܗܘܼܕܪܵܐ، ܟܵܗ̈ܢܹܐ ܒܟܠܔ ܙܲܒ݂ܢܵܐ ܟܹܐ ܥܵܒ݂ܪܝܼ ܗܘܵܘ ܓܵܘ ܕܘܼܟܵܐ ܩܲܕܡܵܝܬܵ‌ܐ ܠܡܲܟܡܘܼܠܹܐ ܚܸܠܡܲܬܵܝ̈ܗ‌ܝ.✡ ܡܢܝܢܐ 18‏:2‏-6 7 ܐܝܼܢܵܐ ܐܲܚܟ̰ܝܼ ܓܘܼܪܵܐ ܕܟܵܗ̈ܢܹܐ ܟܹܐ ܥܵܒܹܪ ܗܘܵܐ ܠܩܕܘܿܫ ܩܘܼܕܫܹ̈ܐ، ܚܕܵܐ ܓܵܗܵܐ ܒܫܹܢ݇ܬܵ‌ܐ، ܘܠܵܐ ܕܠܵܐ ܕܸܡܵܐ، ܕܡܲܩܪܸܒ݂ ܗܘܵܐ ܠܹܗ ܡ̣ܢ ܓܹܒܵܐ ܕܓܵܢܹܗ ܘܡ̣ܢ ܓܹܒܵܐ ܕܚܸܠܛܹ̈ܐ ܕܛܵܝܸܦܵܐ. 8 ܒܐܵܗܵܐ، ܪܘܼܚܵܐ ܕܩܘܼܕܫܵܐ ܡܲܚܙܘܼܝܹܐ ܝܠܹܗ ܕܐܘܼܪܚܵܐ ܕܥܒ݂ܵܪܬܵ‌ܐ ܠܕܘܼܟܵܐ ܒܘܼܫ ܡܩܘܼܕܸܫܬܵ‌ܐ ܡ̣ܢ ܟܠܵܝܗ‌ܝ ܕܘܼܟܵܢܹ̈ܐ ܗܸܫ ܠܹܐ ܝܗܘܵܐ ܦܝܼܫܬܵ‌ܐ ܓܠܝܼܬܵ‌ܐ ܟܡܵܐ ܕܡܲܫܟܢܵܐ ܩܲܕܡܵܝܵܐ ܒܸܟܠܵܝܵܐ ܝܗܘܵܐ. 9 ܐܵܗܵܐ ܚܲܕ ܛܘܼܦ̮ܣܵܐ ܝܠܹܗ ܩܵܐ ܙܲܒ݂ܢܵܐ ܕܩܵܐܹܡ، ܕܩܘܼܪ̈ܒܵܢܹܐ ܘܕܸܒ݂ܚܹ̈ܐ ܕܦܝܼܫܹܐ ܝܗܘܵܘ ܡܘܼܩܪܸܒܹܐ ܠܹܐ ܡܵܨܝܼ ܗܘܵܘ ܡܲܟܡܸܠܝܼ ܐܸܢܝܲܬ ܕܡܲܩܪܸܒ݂ܵܢܵܝܗ‌ܝ، 10 ܣܵܒܵܒ ܐܲܢܹܐ ܝܼܗܘܵܘ ܐܲܚܟ̰ܝܼ ܒܘܼܬ ܡܹܐܟ݂ܘܼܠܝܵܬܹ̈‌ܐ ܘܫܬܵܝܵܬܹ̈‌ܐ ܘܚܲܠܲܠܝܵܬܹ̈‌ܐ ܦܪ̈ܝܼܫܹܐ، ܩܵܢܘܿܢܹ̈ܐ ܒܲܪ̈ܢܵܫܵܝܹܐ ܕܦܝܼܫܹܐ ܡܘܼܬܒܹܐ ܗܲܠܔ ܕܐܵܬܹ‌ܐ ܗܘܵܐ ܙܲܒ݂ܢܵܐ ܚܵܕܬܵ‌ܐ ܕܬܘܼܪܵܨܵܐ. 11 ܐܝܼܢܵܐ ܐܝܼܡܲܢ ܕܡܫܝܼܚܵܐ ܐܬܹ‌ܐ ܠܹܗ، ܓܘܼܪܵܐ ܕܟܵܗ̈ܢܹܐ ܕܛܵܒ݂ܵܬܹ̈‌ܐ ܕܝܼܢܵܐ ܐܬܝܼܹܐ، ܥܒ݂ܝܼܪܹܗ ܡܓܵܘ ܡܲܫܟܢܵܐ ܒܘܼܫ ܓܘܼܪܵܐ ܘܒܘܼܫ ܓܡܝܼܪܵܐ، ܠܵܐ ܦܝܼܫܵܐ ܒܸܢܝܵܐ ܒܐܢܵܫܵܐ ܘܠܹܐ ܝܠܹܗ ܡ̣ܢ ܐܵܗܵܐ ܒܪܝܼܬܵ‌ܐ. 12 ܘܠܵܐ ܥܒ݂ܝܼܪܹܗ ܒܕܸܡܵܐ ܕܥܸܙܹ̈ܐ ܘܕܡܘܼܓ̰ܹ̈ܐ، ܐܝܼܢܵܐ ܥܒ݂ܝܼܪܹܗ ܒܕܸܡܵܐ ܕܓܵܢܹܗ ܠܕܘܼܟܵܐ ܒܘܼܫ ܡܩܘܼܕܸܫܬܵ‌ܐ، ܚܕܵܐ ܓܵܗܵܐ ܐܲܚܟ̰ܝܼ، ܘܡܘܼܝܬܹ‌ܐ ܠܹܗ ܦܘܼܪܩܵܢܵܐ ܕܠܥܵܠܲܡ. 13 ܣܵܒܵܒ ܐܸܢ ܡܲܪܝܲܣܬܵ‌ܐ ܕܕܸܡܵܐ ܕܥܸܙܹ̈ܐ ܘܬܵܘܪܹ̈ܐ ܘܩܸܛܡܵܐ ܕܫܲܪܸܚܬܵ‌ܐ ܥܲܠܔ ܐܵܢܝܼ ܕܝܼܗܘܵܘ ܛܲܡܐܹ̈ܐ ܩܲܕܫܵܐ ܗܘܵܐ ܠܗܘܿܢ ܕܗܵܘܝܼ ܗܘܵܘ ܕܸܟ݂ܝܹܐ ܒܲܪܵܐܝܼܬ،✡ ܟܗ̈ܢܐ 16‏:15‏-16؛ ܡܢܝܢܐ 19‏:9، 17‏-19 14 ܟܡܵܐ ܒܘܼܫ ܙܵܘܕܵܐ ܕܸܡܵܐ ܕܡܫܝܼܚܵܐ، ܗ̇ܘ ܕܒܝܲܕ ܪܘܼܚܵܐ ܕܠܥܵܠܲܡ ܡܘܼܩܪܸܒ݂ܵܐ ܠܹܗ ܓܵܢܹܗ ܕܠܵܐ ܡܘܼܡܵܐ ܠܐܲܠܵܗܵܐ، ܒܸܬ ܕܲܟܹܐ ܐܸܢܝܲܬܲܢ ܡ̣ܢ ܦܘܼܠܚܵܢܹ̈ܐ ܡܝܼ̈ܬܹ‌ܐ ܕܥܵܒ݂ܕܲܚ ܚܸܠܡܲܬ ܠܐܲܠܵܗܵܐ ܚܵܝܵܐ! 15 ܒܘܼܬ ܐܵܗܵܐ، ܗ̇ܘ ܝܼܠܹܗ ܡܸܨܥܵܝܵܐ ܕܘܲܥܕܵܐ ܚܵܕܬܵ‌ܐ. ܘܒܗ̇ܝ ܕܡܝܼܬ ܠܹܗ ܒܘܼܬ ܦܘܼܪܩܵܢܵܐ ܕܚܛܝܼܵܬܹ̈‌ܐ ܕܦܝܼܫܹܐ ܝܗܘܵܘ ܥܒ݂ܝܼܕܹܐ ܬܚܘܿܬ ܘܲܥܕܵܐ ܩܲܕܡܵܝܵܐ، ܐܵܢܝܼ ܕܦܝܼܫܹܐ ܝܢܵܐ ܩܸܪܝܹܐ ܒܸܬ ܩܲܒܠܝܼ ܩܵܘܠܵܐ ܕܝܵܪܬܘܼܬܵ‌ܐ ܕܠܥܵܠܲܡ. 16 ܣܵܒܵܒ ܐܲܝܟܵܐ ܕܐܝܼܬ ܘܲܨܝܲܬ، ܘܵܠܹܐ ܝܠܵܗ̇ ܠܡܲܚܙܘܼܝܹܐ ܡܵܘܬܵ‌ܐ ܕܗ̇ܘ ܕܥܒ݂ܝܼܕ ܠܹܗ ܘܲܨܝܲܬ. 17 ܣܵܒܵܒ ܚܕܵܐ ܘܲܨܝܲܬ ܐܝܼܬ ܠܵܗ̇ ܚܲܝܠܵܐ ܐܲܚܟ̰ܝܼ ܐܝܼܡܲܢ ܕܐܢܵܫܵܐ ܡܝܼܬܵ‌ܐ ܝܠܹܗ؛ ܠܲܝܬ ܠܵܗ̇ ܗܸܟ̃ ܚܲܝܠܵܐ ܟܡܵܐ ܕܗ̇ܘ ܕܥܒ݂ܝܼܕܵܐ ܝܠܹܗ ܘܲܨܝܲܬ ܚܵܝܵܐ ܝܠܹܗ. 18 ܒܘܼܬ ܐܵܗܵܐ ܐܘܼܦ ܗ̇ܘ ܘܲܥܕܵܐ ܩܲܕܡܵܝܵܐ ܠܹܐ ܝܗܘܵܐ ܦܝܼܫܵܐ ܫܘܼܬܐܸܣܵܐ ܕܠܵܐ ܕܸܡܵܐ. 19 ܣܵܒܵܒ ܐܝܼܡܲܢ ܕܡܘܼܫܹܐ ܗܘܼܡܙܸܡ ܠܹܗ ܟܠܵܝܗ‌ܝ ܦܘܼܩܕܵܢܹ̈ܐ ܐܲܝܟ݂ ܕܝܼܠܹܗ ܓܵܘ ܢܵܡܘܿܣܵܐ ܠܟܠܹܗ ܛܵܝܸܦܵܐ، ܫܩܝܼܠܔ ܠܹܗ ܕܸܡܵܐ ܕܡܘܼܓ̰ܹ̈ܐ ܘܕܥܸܙܹ̈ܐ، ܥܲܡ ܡ̈ܝܼܵܐ ܘܥܲܡܪܵܐ ܣܡܘܿܩܵܐ ܘܙܘܿܦܵܐ، ܘܡܘܼܪܝܸܣ ܠܹܗ ܥܲܠܔ ܟܬܵܒ݂ܵܐ ܘܥܲܠܔ ܟܠܹܗ ܛܵܝܸܦܵܐ. 20 ܘܐܡܝܼܪܹܗ:

23 ܒܵܣ ܘܵܠܹܐ ܝܗܘܵܐ ܐܵܢܝܼ ܕܝܼܢܵܐ ܕܘܼܡܝܹ̈ܐ ܕܡܸܢܕܝܼܵܢܹ̈ܐ ܫܡܲܝܵܢܵܝܹ̈ܐ ܦܵܝܫܝܼ ܗܘܵܘ ܕܘܼܟ݂ܝܹܐ ܒܝܲܕ ܐܲܢܹܐ ܕܸܒ݂ܚܹ̈ܐ، ܐܝܼܢܵܐ ܡܸܢܕܝܼܵܢܹ̈ܐ ܫܡܲܝܵܢܵܝܹ̈ܐ ܒܓܵܢܵܝܗ‌ܝ ܒܝܲܕ ܕܸܒ݂ܚܹ̈ܐ ܒܘܼܫ ܨܦܵܝܝܼ ܡ̣ܢ ܐܲܢܹܐ. 24 ܣܵܒܵܒ ܡܫܝܼܚܵܐ ܠܵܐ ܥܒ݂ܝܼܪܹܗ ܠܕܘܼܟܵܐ ܡܩܘܼܕܸܫܬܵ‌ܐ ܒܢܝܼܬܵ‌ܐ ܒܐܝܼܕܵܬܹ̈‌ܐ، ܕܝܼܗܘܵܐ ܛܘܼܦ̮ܣܵܐ ܕܗ̇ܝ ܕܘܼܟܵܐ ܫܲܪܝܼܪܬܵ‌ܐ، ܐܝܼܢܵܐ ܥܒ݂ܝܼܪܹܗ ܠܫܡܲܝܵܐ ܒܓܵܢܘܼܗ̇، ܕܐܵܕܝܼܵܐ ܦܵܐܹܫ ܓܸܠܝܵܐ ܩܲܕܡ ܐܲܠܵܗܵܐ ܡ̣ܢ ܓܹܒܲܢ؛ 25 ܘܠܵܐ ܥܒ݂ܝܼܪܹܗ ܠܫܡܲܝܵܐ ܕܡܲܩܪܸܒ݂ ܓܵܢܹܗ ܪܵܒܵܐ ܓܵܗܹ̈ܐ، ܐܲܝܟ݂ ܕܟܹܐ ܥܵܒܹܪ ܓܘܼܪܵܐ ܕܟܵܗ̈ܢܹܐ ܟܠܔ ܫܹܢ݇ܬܵ‌ܐ ܠܕܘܼܟܵܐ ܡܩܘܼܕܸܫܬܵ‌ܐ ܠܵܐ ܒܕܸܡܵܐ ܕܓܵܢܹܗ. 26 ܐܸܢ ܗܵܘܝܵܐ ܗܘܵܐ ܗܵܕܟ݂ܵܐ، ܒܵܣ ܘܵܠܹܐ ܝܗܘܵܐ ܕܩܲܒܸܠܔ ܗܘܵܐ ܚܲܫܵܐ ܡܫܝܼܚܵܐ ܪܵܒܵܐ ܓܵܗܹ̈ܐ ܡ̣ܢ ܫܘܼܪܵܝܵܐ ܕܒܪܝܼܬܵ‌ܐ. ܐܝܼܢܵܐ ܐܵܕܝܼܵܐ ܒܚܲܪܬܵ‌ܐ ܕܙܲܒ݂ܢܹ̈ܐ، ܦܝܼܫ ܠܹܗ ܓܸܠܝܵܐ ܚܕܵܐ ܓܵܗܵܐ ܕܒܲܛܸܠܔ ܠܚܛܝܼܬܵ‌ܐ ܒܕܒ݂ܵܚܬܵ‌ܐ ܕܓܵܢܹܗ. 27 ܘܕܵܐܟ݂ܝܼ ܕܦܝܼܫܬܵ‌ܐ ܝܠܵܗ̇ ܪܫܝܼܡܬܵ‌ܐ ܠܒܲܪܢܵܫܵܐ ܕܚܕܵܐ ܓܵܗܵܐ ܡܵܐܹܬ، ܘܡ̣ܢ ܒܵܬܪ ܗܵܕܵܐ ܐܝܼܬ ܕܝܵܢܬܵ‌ܐ، 28 ܗܵܕܟ݂ܵܐ ܐܘܼܦ ܡܫܝܼܚܵܐ ܚܕܵܐ ܓܵܗܵܐ ܦܝܼܫ ܠܹܗ ܡܘܼܩܪܸܒ݂ܵܐ ܕܛܵܥܹܢ ܚܛܝܼܵܬܹ̈‌ܐ ܕܪܵܒܵܐ، ܘܒܸܬ ܦܵܐܹܫ ܓܸܠܝܵܐ ܓܵܗܵܐ ܕܬܲܪܬܹܝ، ܠܵܐ ܕܛܵܥܹܢ ܚܛܝܼܬܵ‌ܐ، ܐܝܼܢܵܐ ܕܡܲܝܬܹ‌ܐ ܦܘܼܪܩܵܢܵܐ ܠܐܵܢܝܼ ܕܒܸܣܦܵܪܵܐ ܝܢܵܐ ܐܸܠܹܗ.