1 ¿Itzimima kimisantironi añaani?

¿Itzimima iñaakakiri isintsinka Pawa? * isintsinka = irako

2 Inkimota-tzimo-tairi Pawa inkimita-jyaaro owakira oshooki pankirintsi.

Tsika okanta oparithatzi opiryaa-patha-tzira kipatsi.

Ti yiriipiroti kamiitha, tikatsi miraawintyaarini,

Ti iwaniinka-tzimo-tantyaa.

3 Tima maninta iwakiri maaroni atziri, ti inintiri.

Oshiki iwatsinaa-waitai-takiri, yamitakaro ikimaatsi-waita.

Ikimitakari kaari inintaitzi iñiitiri.

Manintaari inatzi, tikatsi nisironka-tyaarini.

4 Iro kantacha, iriitaki aanakiro amantsiyari,

Irijatzi aanakiro okaratzi akimaatsi-yitari.

Asiyakaantzi arokaiti iriitaki Pawa owatsinaa-waitziriri,

Iriitaki owasankitaa-waitziriri, iriitaki atsipita-kaawai-tariri.

5 Ikintakoi-takiri okantakaan-tziro apiyatha-waiyitaka,

Ikimaatsi-takai-takari okantakaan-tziro ayaari-pironka.

Oshiki ikimaatsi-takai-takari, irootaki kaari añaantaaro arokaiti atsipityaarimi.

Oshiki iwatsinaa-waitai-takiri, irootaki añaantaarori aroka-payi atikatsitaji.

6 Tima maaroni arokaiti akina-waita-sitaka,

Asiyakari ipiraitari ikinasi-waita.

Iro kantacha Pawa, ikantakaakari yatsipi-tyaaro ayaaripironka maaroni arokaiti. † ipiraitari = oisha

7 Ipasawai-taitakiri, titzimaita impiyawintyaa.

Ti inkimaitiri iñaawaita-painti.

Ikimita-kaitakari yaitziri ipiraitari iwamaitiri.

Mairi ikantaka, ti inkaima-waiti,

Isiyakari ipiraitari yamiitai-tziro iwitzi.

8 Tima yaakaan-tasitai-takari, ti ontzima-wityaa ikinakaa-sitani.

Tikatsi kisakowintyaarini. Tikatsi miraawintyaarini aajatzi.

Iriitaki iwamaitakiri aka kipatsiki, akantakaan-tziro arokaiti akaaripiro-yitaki.

9 Itsipatai-takiri kaari-piro-siriri-payi itaitakiri,

Isaikimowita-paintari ashaarantaniri-payi ikamawita-paintara.

Tikatsi kimakotirini yantiro kaari-pirori.

Tikatsi aparoni yamatawita-painti.

10 Iriitaki Pawa nintaintsi inkimaatsi-waityaa impiratani.

Iriitaki nintasi-taincha yatsipi-tyaaro kaari-pirori,

Tima osamani yaminawaiti, ari iñaayita-najiri icharini-payi.

Iriitaki kantakai-yaaroni omatanta-jyaari kamiitha okaratzi ikinkitha-siri-takari Pawa.

11 Oshiki inkimaatsi-waiwityaa, ari iñaamai-tajyaaro kitainkari,

Irootaki onimoniintairini.

Iriitaki nompiratani tampatzika-siriri, iriitaki wawisaa-kotajirini oshiki atziri,

Irijatzi atsipita-jyaaroni inkima-tina-tajyaaro iyaari-pironka-payi.

12 Irootaki nomisaikan-tajyaariri saika-mintotsiki irasi iriipirori-payi.

Intsipa-yitajyaari ñaapirori-payi owayiri yoimosirinkyaa yiitsinampaantaki.

Iriitaki sinitachani inkamimo-tanti,

Ari inkimita-kaitairi iriimi kaari-pirori.

Tima iriitaki mataironi inkima-tina-tyaaro iyaari-pironka oshiki atziri,

Irijatzi kantako-wintairini maaroni kaari-piro-siriri.