9
Sol navim gɨra
(Aposel 22:4-16; 26:9-18)
1-2 Aposel 8:3; Galesia 1:13; 1 Timoti 1:13Dughiar kamɨn Sol Iesusɨn suren gumazamizibagh asɨghasɨgh, me mɨsoghtɨ me arɨghirasa, mɨgɨrɨgɨar gavgavim gamuavɨra iti. Kamaghɨn amizɨ, an ofa gamir gumazibar dapanim bagha ghua kamaghɨn an azai, “Nɨ Damaskusɨn itir God ko mɨgeir dɨpenibar garir gumazir dapaniba bagh akɨnafariba osir suam, ‘Gumazitam o amizitam, Iesusɨn Tuavimɨn gɨn mangɨtɨ, Sol an apigh, an suiragh mangɨva kalabuziar gumazimɨn mɨn a ikɨrarighɨva, a inigh Jerusalemɨn mangam.’ ”
3 Ap 22:6, 26:12, 1 Ko 15:8 Aposel 22:6; 26:12; 1 Korin 15:8Egha Sol Damaskusɨn nguibamɨn boroghɨn zuima overiamɨn angazangarir gavgavim a gisira. 4 Mt 25:40Ezɨ a nguazim girɨgha orazima, tiarir mam kamaghɨn a mɨgei, “Sol, Sol, nɨ tizim bagha na gasɨghasɨsi?”
Ezɨ a kamaghɨn a mɨgei, “Kɨ Iesus, nɨ na gasɨghasɨsi. 6 Nɨ dɨkavigh nguibar ekiamɨn mangɨ. Egh arazir nɨ manmaghɨn damuamim, gumazitam tɨghar nɨ mɨkɨmam.”
7 Ap 22:9, 26:13 Aposel 22:9; 26:13Ezɨ gumazir Sol ko zuiba, me pura gumazimɨn mɨgɨrɨgɨar kɨnim baragha gumazitamɨn garir puvatɨ. Kamaghɨn amizɨ, me mɨgɨrɨgɨaba puvatɨgha pura iti. 8 Ezɨ Sol dɨkavigha, uan damazimning kuigha, ua bizitamɨn garir puvatɨ, an damazimning mɨtarmangi. Ezɨ a koma aruir gumaziba an agharimningɨn suiragha a inigha me Damaskusɨn zui. 9 A Damaskusɨn itima an damatuzimning dughiar pumuning ko mɨkezimɨn ikuvighavɨra itima, a daghetam ko dɨpatam amezir puvatɨ.
10 Ap 22:12 Aposel 22:12Dughiar kamɨn Damaskusɨn aven Iesusɨn suren gumazir mam iti, an ziam Ananaias. Ezɨ Ekiam irebamɨn mɨn garir bizimɨn aven an diagha ghaze, “Ananaias!”
Ezɨ Ananaias a ikara ghaze, “Ekiam, kɨ kati.”
11 Ap 16:9, 21:39, 22:3 Aposel 16:9; 21:39; 22:3Ezɨ Ekiam a mɨgɨa ghaze, “Gumazir mam, an ziam Sol, a Tarsusɨn gumazim. A na ko mɨgɨa iti. Kamaghɨn amizɨ, nɨ dɨkavigh, tuavir kamɨn mangɨ, an ziam Voroghɨra Zui. Nɨ Judasɨn dɨpenimɨn mangɨ Sol bagh azaragh. 12 Sol irebamɨn mɨn garir bizimɨn garima, gumazimɨn ziam Ananaias, a iza an damazimning deraghasa uan dafarimning a gisɨn atɨ.”
13 Ap 8:3 Aposel 8:3Ezɨ Ananaias a ikaragha ghaze, “Ekiam, kɨ orazima, gumazir avɨriba kamaghɨn gumazir kamɨn gun mɨgei, me ghaze, a nɨn gumazir Jerusalemɨn aven itiba paza me gami. 14 Ap 9:1-2, 9:21, 22:16, 1 Ko 1:2, 2 Ti 2:22 Aposel 9:1-2; 9:21; 22:16; 1 Korin 1:2; 2 Timoti 2:22Ezɨ ofa gamir gumazir ekiaba akar gavgavim an amamangatɨzɨ a ize. Egh te nɨn ziam fa nɨ ko mɨgei, a men suighɨva me kalabus darɨgham.”
15 Ap 25:13, 25:22, 26:17, 27:24, Ro 1:5, 1 Ko 15:10, Ga 2:7-8, 1 Ti 2:7 Aposel 25:13; 25:22; 26:17; 27:24; Rom 1:5; 1 Korin 15:10; Galesia 2:7-8; 1 Timoti 2:7Ezɨ Ekiam kamaghɨn Ananaias mɨgei, “Nɨ mangɨ! Gumazir kam, mar kɨ inabazir ingangarir gumazim. A nan ziam ater Kantrin Igharazibar Gumazamiziba ko men atriviba ko Israelɨn gumazamiziba bagh mangam. 16 Ap 20:23, 21:11, 2 Ko 11:23-28 Aposel 20:23; 21:11; 2 Korin 11:23-28Eghtɨ a nan ziamɨn iniamin mɨzaziba ko osɨmtɨziba, kɨ dar an akagham.”
17 Ap 13:52, 22:12-13 Aposel 13:52; 22:12-13Ezɨ Ananaias ghua dɨpenimɨn aven ghu. Egha uan dafarimning Sol gisɨn atɨgha kamaghɨn mɨgei, “Nan aveghbuam Sol, nɨ kagh izima Ekiam Iesus tuavimɨn nɨ bato. Ezɨ datɨrɨghɨn nɨ ua gantɨ, Godɨn Duam nɨ gizɨvaghasa, a na amadazɨ kɨ ize.” 18 Ezɨ zuamɨra, osirir naziamɨn mɨn garir bizim, Solɨn damazimningɨn ikegha kuiaghirɨgha irɨ. Ezɨ a datɨrɨghɨn ua gari. Ezɨ a dɨkavizɨma me Iesusɨn ziamɨn a rue. 19 Sol dagher maba amegha gɨn ua uan gavgavim ini. Egha a Iesusɨn suren gumazamiziba ko mong dughiar mabar Damaskusɨn ike.
Sol Damaskusɨn Akar Aghuim akuri
20 Egha Sol Iesusɨn suren gumazamiziba ko Damaskusɨn ikia maghɨra God ko mɨgeir dɨpenibar akam akura ghaze, Iesus a Godɨn Otarim. 21 Ap 8:3, Ga 1:13, 1:23 Aposel 8:3; Galesia 1:13; 1:23Ezɨ Solɨn mɨgɨrɨgɨam baraghizir darasi, me dɨgavir kuram gamighava azai, “Kar ti gumazir kamra, a Jerusalemɨn ikia, Iesusɨn ziamɨn deir gumazamizibar suigha me gasɨghasɨsi? Egh a ti me inigh mangɨ kalabusɨn gumazamizibar mɨn me ikɨrarɨgh ofa gamir gumazir ekiabar dafarim darɨghasa, egha a kagh ize?” 22 Ap 17:3, 18:5, 18:28 Aposel 17:3; 18:5; 18:28Ezɨ Sol akurir akar kabar gavgavim bar ghuanabozɨ, a mɨgɨrɨgɨam bar deravɨrama anebɨghizɨ, Judan gumazamizir Damaskusɨn itiba fo, Iesus a Krais, a Gumazir God Uam E Iniasa Mɨsevezim.
Judaba Solɨn apanimɨn itima
an arav ghu
an arav ghu
23 Ap 23:12, 25:3, 2 Ko 11:23 Aposel 23:12; 25:3; 2 Korin 11:23 2 Korin 11:32-33Dughiar avɨriba ghua gɨvazɨma, Judaba Sol mɨsueghtɨ an aremeghasa tuaviba buri. 24 Me a mɨsoghasava amua, a bagha arueba ko dɨmagaribar zurazurara nguibar ekiamɨn tiar akabar gari, ezɨ Sol men nɨghnɨzir kurar kam gɨfo. 25 Ezɨ an gɨn aruir gumaziba, me dɨmagarimɨn a mɨkemezɨ an akɨrar ekiam gaperazɨma, me dagɨar dɨvazir torir mamɨn anetaghizɨma a ghuaghira nguibar ekiamɨn dɨvazimɨn azenan irɨ.
Sol Jerusalemɨn iti
26 Ap 22:17, Ga 1:17-19 Aposel 22:17; Galesia 1:17-19Sol gɨn Jerusalemɨn izegha, a uaghan Iesusɨn suren gumazibar aven mangasava ami. Ezɨ me nɨghnɨzir gavgavim kamaghɨn an itir puvatɨ, a Iesusɨn suren gumazim, egha me bar an atiatingi. 27 Ap 4:36, 9:4, 9:20-22, 1 Ko 9:1, 15:8 Aposel 4:36; 9:4; 9:20-22; 1 Korin 9:1; 15:8Ezɨ Barnabas a inigha an gun aposelbav kɨmasa zui. Egha kamaghɨn me mɨgei, Sol tuavimɨn ghua Ekiamɨn gani. Ezɨ Ekiam a mɨkemezɨ, a Damaskusɨn tavɨn atiatingizir puvatɨgha, Iesusɨn ziamɨn akam akuri. 28 Ezɨ Sol Jerusalemɨn deravɨra me koma aruava me ko ikia, egha atiatir puvatɨgha Iesusɨn ziamɨn akam akura ghuavɨra iti. 29 Ap 6:1, 9:23, 11:20, 2 Ko 11:26 Aposel 6:1; 9:23; 11:20; 2 Korin 11:26Egha a Judan Grighɨn akam mɨgeir gumaziba ko me uariv gɨa uari adosi, ezɨ me a mɨsueghtɨ an aremeghasa tuaviba buri. 30 Ga 1:21 Galesia 1:21Ezɨ Kraisɨn adarazi kamaghɨn oregha, a inigha Sisarian nguibamɨn ghuaghira, egha a isa Tarsusɨn nguibamɨn anemada.* Ezɨ gɨn Barnabas Sol inigh Antioghɨn mangasa, egha ghua Tarsusɨn nguibamɨn a buri. Nɨ Aposel 11:25ɨn gan.
31 Ezɨ Judian Distrik ko Galilin Distrik ko Samarian Distrighɨn aven itir Kraisɨn adarasi, dughiar kamɨn navir amɨrizimɨn ikia deravɨra itima, Godɨn Duam gavgavim me ganɨdi. Ezɨ Kraisɨn adarazir dɨbobonim ghuavanadi. Gumazamiziba Godɨn atiatiava an apengan iti.
Pita Ainias gamizɨma a ua dera
32 Ezɨ Pita nguibaba bar dagh aruigha, egha Lidan nguibamɨn itir Godɨn gumazamizibar ganasa zui. 33 Egha a nguibar kamɨn gumazir mam bato, an ziam Ainias. An soroghafariba an amɨrazɨma, a 8plan azenibar mɨsiamra iti. 34 Ap 3:6, 3:16, 4:10 Aposel 3:6; 3:16; 4:10Ezɨ Pita kamaghɨn a mɨgei, “Ainias, Krais Iesus nɨ gamizɨ, nɨ dera. Nɨ dɨkavigh uan akuriam apɨrigh.” Ezɨ Ainias zuamɨra dɨkafi. 35 1 Sto 5:16, Ap 11:21 1 Eghaghaniba 5:16; Aposel 11:21Ezɨ Lidan nguibam ko Saronɨn danganir voroghɨra irɨghav itimɨn itir gumazamiziba, an ganigha uan navibagh iragha Iesus bagha ize.
Pita Tabita gamizɨma a ua dɨkafi
36 1 Ti 2:10, Ta 3:8 1 Timoti 2:10; Taitus 3:8Ezɨ Jopan nguibamɨn suren amizir mam iti, an ziam Tabita, Grighɨn akamɨn an ziam Dorkas, a zurarama arazir aghuibagh amuava gumazir onganarazibar akurvasi. 37 Ezɨ dughiar mamɨn arɨmariam a inizɨma an areme. Ezɨ me an kuam ruegha a isava ghuriar pɨn itimɨn anetɨ. 38 Jopan nguibam, a Lidan nguibamɨn boroghɨra iti, ezɨ suren gumaziba kamaghɨn oraki, Pita Lidan nguibamɨn itima, me a mɨkɨmasa gumazir pumuning amadazɨma aning zui. Aning ghua a mɨgɨa ghaze, “E uari, nɨ zuamɨra datɨrɨghɨra ga ko izɨ!”
39 Ezɨ Pita aning ko ghua otogha, maghɨra ghuriar pɨn itimɨn ghuavanabo. Ezɨ amizir odiarir pura itiba, an mɨriamɨn tuivighav ikia azia, Dorkas angamɨra ikia me bagha ingarizir korotiaba ko korotiar azenan azuiba an akakasi.
40 Mt 9:25, Mk 5:40-41, Jo 11:43, Ap 7:60 Matyu 9:25; Mak 5:40-41; Jon 11:43; Aposel 7:60Ezɨ Pita gumazamiziba bar me amangizɨ me azenan ghue. Ezɨ a uan tevimning apɨrigha God ko mɨgei. Egha raghɨrɨgha amizir aremezim gara ghaze, “Tabita, nɨ dɨkafigh.” Ezɨ Tabita uan damazimning kuigha Pitan apigha, dɨkavigha apera. 41 Ezɨ Pita an akuragha a fezɨ a dɨkavigha tu. Egha Pita nɨghnɨzir gavgavim God baghavɨra itir gumazamiziba ko amizir odiaribar diagha Tabita men aka, ezɨ me gari an angamɨra iti. 42 Ezɨ Jopan itir gumazamiziba bizir kamɨn eghaghanim baregha men avɨriba nɨghnɨzir gavgavim Ekiamɨn iti. 43 Ap 10:6 Aposel 10:6Ezɨ Pita dughiar mabar Jopan itir gumazir asɨzir inibar bizibar ingarir mam, an ziam Saimon, a ko ike.
9:1-2: Aposel 8:3; Galesia 1:13; 1 Timoti 1:13
9:3: Ap 22:6, 26:12, 1 Ko 15:8
9:3: Aposel 22:6; 26:12; 1 Korin 15:8
9:4: Mt 25:40
9:5: Ap 5:39, 1 Ko 15:8
9:5: Aposel 5:39; 1 Korin 15:8
9:7: Ap 22:9, 26:13
9:7: Aposel 22:9; 26:13
9:10: Ap 22:12
9:10: Aposel 22:12
9:11: Ap 16:9, 21:39, 22:3
9:11: Aposel 16:9; 21:39; 22:3
9:13: Ap 8:3
9:13: Aposel 8:3
9:14: Ap 9:1-2, 9:21, 22:16, 1 Ko 1:2, 2 Ti 2:22
9:14: Aposel 9:1-2; 9:21; 22:16; 1 Korin 1:2; 2 Timoti 2:22
9:15: Ap 25:13, 25:22, 26:17, 27:24, Ro 1:5, 1 Ko 15:10, Ga 2:7-8, 1 Ti 2:7
9:15: Aposel 25:13; 25:22; 26:17; 27:24; Rom 1:5; 1 Korin 15:10; Galesia 2:7-8; 1 Timoti 2:7
9:16: Ap 20:23, 21:11, 2 Ko 11:23-28
9:16: Aposel 20:23; 21:11; 2 Korin 11:23-28
9:17: Ap 13:52, 22:12-13
9:17: Aposel 13:52; 22:12-13
9:21: Ap 8:3, Ga 1:13, 1:23
9:21: Aposel 8:3; Galesia 1:13; 1:23
9:22: Ap 17:3, 18:5, 18:28
9:22: Aposel 17:3; 18:5; 18:28
9:23: Ap 23:12, 25:3, 2 Ko 11:23
9:23: Aposel 23:12; 25:3; 2 Korin 11:23
9:23: 2 Korin 11:32-33
9:26: Ap 22:17, Ga 1:17-19
9:26: Aposel 22:17; Galesia 1:17-19
9:27: Ap 4:36, 9:4, 9:20-22, 1 Ko 9:1, 15:8
9:27: Aposel 4:36; 9:4; 9:20-22; 1 Korin 9:1; 15:8
9:29: Ap 6:1, 9:23, 11:20, 2 Ko 11:26
9:29: Aposel 6:1; 9:23; 11:20; 2 Korin 11:26
9:30: Ga 1:21
9:30: Galesia 1:21
*9:30: Ezɨ gɨn Barnabas Sol inigh Antioghɨn mangasa, egha ghua Tarsusɨn nguibamɨn a buri. Nɨ Aposel 11:25ɨn gan.
9:34: Ap 3:6, 3:16, 4:10
9:34: Aposel 3:6; 3:16; 4:10
9:35: 1 Sto 5:16, Ap 11:21
9:35: 1 Eghaghaniba 5:16; Aposel 11:21
9:36: 1 Ti 2:10, Ta 3:8
9:36: 1 Timoti 2:10; Taitus 3:8
9:40: Mt 9:25, Mk 5:40-41, Jo 11:43, Ap 7:60
9:40: Matyu 9:25; Mak 5:40-41; Jon 11:43; Aposel 7:60
9:43: Ap 10:6
9:43: Aposel 10:6