36
Ãwí Ị́sãwụ̃ drị̂
1 ꞌDĩ ãwí Ị́sãwụ̃ vâ umvelé Ídõmũ ꞌi rĩ drị̂ ꞌi. 2 Ị́sãwụ̃ ĩgbã ũkú kí na angájó izonzi Kãnánĩ rú rĩ kí agá. Ũkú kãyó rĩ ꞌbã rụ́ Ádã ꞌi, ĩꞌdi Ị̃lọ́nị̃ Hị́tị̃ rú rĩ ꞌbã ị̃zẹ́pị ꞌi, ũkú ị̃rị̃ rĩ ꞌbã rụ́ Ụ̃họ̃lị̃bámã Ánã ị̃zẹ́pị Zị̃bị̃yọ́nị̃ Hị́vị̃ rú rĩ umvelépi ị̃dẹ́pị rĩ ꞌi, 3 ũkú na rĩ ĩꞌdi Bãsĩmátĩ Ịsụmayị́lị̃ ị̃zẹ́pị Nẽbãyọ́tị́ ámvọ́pị ꞌi. 4 Ádã tị Ị́sãwụ̃ ní Ị̃lị̃fázị̃ ꞌi. Bãsĩmátĩ tị Rụ̃wẹ́lị̃ ꞌi, 5 ãzíla Ụ̃họ̃lị̃bámã tị Yẹ̃wụ́sị̃ ꞌi, Yãlámũ ꞌi ãzíla Kórã ꞌi. ꞌDĩ kí anzị tịlé Ị́sãwụ̃ ní Kãnánĩ gá rĩ kî.
6 ꞌDã ꞌbã ũngúkú gá Ị́sãwụ̃ ꞌdụ ũkúka kí ãnzị kí abe, ꞌbá ĩꞌdidrị́ko gá rĩ kí, ãnãkpá ĩꞌdidrị̂ kí ãko pírí ĩꞌdi ꞌbã ịsụ́lé ãngũ Kãnánĩ gá rĩ kî trũ trũ mụjó ãngũ álị́ gá ádrị́pị̃ Yãkóꞌbõ ꞌbã andre gá ꞌdãá rĩ sĩ rá. 7 ꞌDĩ idé ru íni la ãꞌdusĩku ãko ĩꞌbã kí ịsụ́lé málĩ rú rĩ kí ambamba, ãngũ ca dó sĩ ĩꞌbaní sĩ icójó uꞌájó ị̃rị̃ trá ãngũ ãlu gá ku. 8 Ị́jọ́ ꞌdĩ sĩ, Ị́sãwụ̃ vâ umvelé Ídõmũ ꞌi rĩ ri dó uꞌálé ãngũ ꞌbé ꞌa rú Sẽyírĩ gá.
9 ꞌDĩ ãwí Ị́sãwụ̃ adrulépi ꞌbá Ídõmũ rú rĩ kí ꞌbã áyị́pị rú uꞌálépi ãngũ ꞌbé ꞌa rú Sẽyírĩ gá rĩ drị̂ ꞌi.
10 ꞌDĩ kí rụ́ anzị Ị́sãwụ̃ drị̂ ꞌbadrị̂ kî:
Ũkú ĩꞌdidrị́ Ádã tị lú ĩꞌdiní Ị̃lị̃fázị̃ ꞌi. Bãsĩmátĩ tị ĩꞌdiní Rụ̃wẹ́lị̃ ꞌi.
11 Anzị Ị̃lị̃fázị̃ drị̂ kí rụ́:
Tẽmánĩ ꞌi, Úmãrĩ ꞌi, Zéfõ ꞌi, Gãtámũ ꞌi ãzíla Kénãzĩ ꞌi.
12 Ũkú Ị̃lị̃fázị̃ drị́ ãtíꞌbó ru Tímũnã tị ĩꞌdiní Ãmãlẹ́kị̃ ꞌi. ꞌDĩ kí anzị Ị́sãwụ̃ ꞌbã ũkú umvelé Ádã ꞌi rĩ drị̂ kî.
13 Anzị Rụ̃wẹ́lị̃ drị̂ kí:
Nãhátĩ ꞌi, Zérã ꞌi, Sámã ꞌi ãzíla Mízã ꞌi. ꞌDĩ kí anzị Ị́sãwụ̃ ꞌbã ũkú umvelé Bãsĩmátĩ drị̂ kî.
14 Anzị Ị́sãwụ̃ ꞌbã ũkú umvelé Ụ̃họ̃lị̃bámã Zị̃bị̃yọ́nị̃ ị̃zẹ́pị Ánã ꞌbã tịlé rĩ kí rụ́:
Yẹ̃wụ́sị̃ ꞌi, Yãlámũ ꞌi ãzíla Kórã ꞌi.
15 ꞌDĩ kí ũpi angálépi Ị́sãwụ̃ ngọ́pịka kí agá rĩ kî.
Anzị Ị̃lị̃fázị̃ Ị́sãwụ̃ ꞌbã ngọ́pị kãjãní rĩ drị̂ kí:
úpí Tẽmánĩ ꞌi, Úmãrĩ ꞌi, Zéfõ ꞌi, Kénãzĩ ꞌi, 16 Kórã ꞌi, Gãtámũ ꞌi ãzíla Ãmãlẹ́kị̃ ꞌi ꞌdĩ kí úpí anzị Ị̃lị̃fázị̃ drị́ ãngũ Ídõmũ gá rĩ kî. Anzị ꞌdĩ umve kí ũkú Ị́sãwụ̃ drị́ umvelé Ádã rĩ ị̃dẹ́pị.
17 Anzị Ị́sãwụ̃ ngọ́pị Rụ̃wẹ́lị̃ drị̂ kí:
úpí Nãhátĩ ꞌi, Zérã ꞌi, Sámã ꞌi ãzíla Mízã ꞌi. Anzị ꞌdĩ kí ꞌbã ị̃dẹ́pị ĩꞌdi ũkú Ị́sãwụ̃ drị́ umvelé Bãsĩmátĩ ꞌi rĩ.
18 Anzị angálépi ũkú Ị́sãwụ̃ drị́ umvelé Ụ̃họ̃lị̃bámã Ánã ꞌbã tịlé rĩ drị̂ kí:
úpí Yẹ̃wụ́sị̃ ꞌi, Yãlámũ ꞌi ãzíla Kórã ꞌi.
19 ꞌDĩ kí anzị Ị́sãwụ̃ vâ umvelé Ídõmũ rĩ drị̂ kî ãzíla ꞌdĩ kí ũpi ĩꞌbãdrị̂ kî.
Ãwí Sérã drị̂
20 ꞌDĩ kí anzị Sẽyírĩ Họ́rị̃ rú ándrá uꞌálépi ãngũ Ídõmũ gá rĩ drị̂ kî:
Lõtánĩ ꞌi, Sõbálĩ ꞌi, Zị̃bị̃yọ́nị̃ ꞌi, Ánã ꞌi, 21 Dị́sọ̃nị̃ ꞌi, Ị̃zẹ́rị̃ ꞌi ãzíla Dĩsánĩ ꞌi. Anzị Sẽyírĩ Họ́rị̃ rú rĩ drị́ ꞌdĩ kí ándrá ũpi rú Ídõmũ gá.
22 Anzị Lõtánĩ drị̂ kí:
Họ́rị̃ ꞌi ãzíla Hẽmámũ ꞌi. Lõtánĩ ꞌbã ámvọ́pị ĩꞌdi Tímũnã ꞌi.
23 Anzị Sõbálĩ drị̂ kí:
Ãlĩvánĩ ꞌi, Mãnãbátĩ ꞌi, Ĩbálĩ ꞌi, Séfõ ꞌi ãzíla Ũnámũ ꞌi.
24 Anzị Zị̃bị̃yọ́nị̃ drị̂ kí:
Ãyíyã ꞌi ãzíla Ánã ꞌi. (Ánã ꞌdĩ ándrá ị̃yị́ kídí ru ãcí agbẹ́lépi tũlãtũlã rĩ ịsụ́lépi ãngũ kõtórõ rú rĩ agá sáwã ĩꞌdi ꞌbã kãyĩnõ átẹ́pị̃ drị̂ kí ucéjó rĩ sĩ rĩ ꞌi).
25 Anzị Ánã drị̂ kí:
Dị́sọ̃nị̃ kí Ánã ị̃zẹ́pị Ụ̃họ̃lị̃bámã be.
26 Anzị Dị́sọ̃nị̃ drị̂ kí:
Hẽmãdánĩ ꞌi, Ĩsãbánĩ ꞌi, Ĩtĩránĩ ꞌi ãzíla Kérãnĩ ꞌi.
27 Anzị Ị̃zẹ́rị̃ drị̂ kí:
Bĩlĩhánĩ ꞌi, Zãvánĩ ꞌi ãzíla Ãkánĩ ꞌi.
28 Anzị Dĩsánĩ drị̂ kí:
Ụ́zị̃ kí Ãránĩ be.
29 ꞌBá ũpi rú Họ́rị̃ gá rĩ kí ꞌdĩ:
Lõtánĩ ꞌi, Sõbálĩ ꞌi, Zị̃bị̃yọ́nị̃ ꞌi, Ánã ꞌi, 30 Dị́sọ̃nị̃ ꞌi, Ị̃zẹ́rị̃ ꞌi ãzíla Dĩsánĩ ꞌi. ꞌDĩ kí ándrá ũpi ꞌbá Họ́rị̃ gá rĩ ꞌbadrị̂ kî ãngũ Sẽyírĩ drị̂ ꞌbã awaŋá vú sĩ.
Ũpi Ídõmũ drị̂ kî
31 ꞌDĩ kí ándrá ũpi ãngũ nalépi Ídõmũ gá ꞌdĩ sĩ anzị Ịsịrayị́lị̃ drị̂ iꞌdó kí drĩ ũpĩ nalé ãngũ ꞌdã gá ku rĩ kî:
32 Bélã Bẹ̃yọ́rị̃ ngọ́pị acá úpí ru Ídõmũ gá ãzíla ꞌda táwụ̃nị̃ ĩꞌdidrị́ ãmbógó rĩ rụ́ Dĩnĩhábã ꞌi.
33 Bélã la mụ drãlé ꞌbo, Yõbábũ Zérã ngọ́pị angálépi Bõzírã gá rĩ acá úpí ru ĩꞌdi kẹ̃jị́ gá nĩ.
34 Yõbábũ la mụ drãlé ꞌbo, Hũsámũ angálépi Tẽmánĩ gá rĩ acá úpí ru ĩꞌdi kẹ̃jị́ gá nĩ.
35 Hũsámũ la mụ drãlé ꞌbo, Hãdádĩ Bẽdádĩ ngọ́pị angálépi Mị̃dị́yánị̃ gá rĩ acá úpí ru Mụ̃wábụ̃ gá ĩꞌdi kẹ̃jị́ gá nĩ. ꞌDa táwụ̃nị̃ ĩꞌdidrị́ ãmbógó rĩ rụ́ Ãvị́tị̃ ꞌi.
36 Hãdádĩ la mụ drãlé ꞌbo, Sámũlã angálépi Mãsĩrékã gá rĩ acá úpí ru ĩꞌdi kẹ̃jị́ gá nĩ.
37 Sámũlã la mụ drãlé ꞌbo, Sáwụ̃lụ̃ angálépi táwụ̃nị̃ Rẹ̃họ̃bọ́tị̃ ị̃yị́ tị gá rĩ acá úpí ru ĩꞌdi kẹ̃jị́ gá nĩ.
38 Sáwụ̃lụ̃ la mụ drãlé ꞌbo, Bãálĩ-Hãnánĩ Ãkị̃bọ́rị̃ ngọ́pị acá úpí ru ĩꞌdi kẹ̃jị́ gá nĩ.
39 Bãálĩ-Hãnánĩ Ãkị̃bọ́rị̃ ꞌbã ngọ́pị la mụ drãlé rá, Hãdádĩ acá úpí ru ĩꞌdi kẹ̃jị́ gá nĩ, táwụ̃nị̃ ĩꞌdidrị́ ãmbógó rĩ ála umve la Páwũ ꞌi ãzíla ũkú ĩꞌdidrị̂ ꞌbã rụ́ Mẽhẽtãbélĩ ꞌi, ĩꞌdi Mátrẽdĩ ị̃zẹ́pị ꞌbã ị̃zẹ́pị Mẽzãhábũ drị̂ ꞌi.
40 ꞌDĩ kí ũpi ándrá ãfũlépi ũri Ị́sãwụ̃ drị́ ínátị ãlu-ãlu gá rĩ kî:
Tímũnã ꞌi, Álĩvã ꞌi, Yẽtétĩ ꞌi, 41 Ụ̃họ̃lị̃bámã ꞌi, Ílã ꞌi, Pĩnónĩ ꞌi, 42 Kénãzĩ ꞌi, Tẽmánĩ ꞌi, Mĩbĩzárĩ ꞌi, 43 Mãgãdẹ́lị̃ ꞌi ãzíla Ĩrámũ ꞌi.
ꞌDĩ kí ínátị ꞌbá Ídõmũ rú rĩ (ꞌdĩ Ị́sãwụ̃ ꞌbã adrujó ĩꞌbã átẹ́pị rú rĩ) ꞌbadrị̂ kî sụ́rụ́ tị ĩꞌbadrị́ ũpĩ drị̂ kí sĩ ãzíla ãngũ ĩꞌbaní rijó rĩ kí vú sĩ.