1 Damanina ba Moses Moab guburinai wata i gae ku, Nebo koyana i gaeni ku Pisgah tepana Jericho sepinai. Ba Bada kupurina tupana Gilead yai ba i nae ku Dan wai ereonowana i beyei, 2 yebo i nae ku Naphtali ba Ephraim ba Manasseh kupurisi. Ba Judah kupurinai ba i kabari i nae ku Mediterranean Enagina. 3 Ba ku Negev kupura momna ba Jericho ku kawa sanagina ba ku Palm meyagina ba i nae Zoar parasina. 4 Damanina ba Bada, kurina i wona, “Niko kupura ikesiku mom au kaobiyoyobana maragasina a wosei, Abraham, Isaac ba Jacob kurisi, ba a wona, ‘Am rakaraka ana bereisi.’* Genesis 12:7, 26:3, 28:13 Ai beyim matami yai ku kitai saba kom kega kuni garubona nakai.”

5 Kata Bada ana saibisaibirina Moses namai Moab kamonai i rabobo, Bada i wona wai nanakasike.

9 Kata Nun natuna sebare Joshua, nuwasuya kanumina i bonuwei kairavina Moses yarona gayamina tepanai i terei. Ba Israel biyisi si tainabaenega kurina, mekabage Bada, Moses i kaotunei wai nanakasike si wosei.