1 Ritonõpo Jesemy, jenẽko mase ukurohtao,

juaro roropa mase ipunaka.

2 Ynyriry waro mase emero,

amekeino josenetupuhtoh waro roropa mase.

3 Jerokuruhtao jenẽko mase, joseremaryhtao roropa;

ynyriry emero waro mase ipunaka.

4 Oturupyra ro jahtao, jotururu waro mase emero.

5 Jomye mase japurume samo,

jewomãko mase ajamitunuru ke.

6 Juaro oehtoh poko osenuruhkãko ase;

tuaro jehtoh motye kuhse mã õsenetupuhtopo.

7 Mya jytoryhtao jenẽko ro mã Ouzenu;

epasaromepyra ase owinoino.

8 Jonukuruhtao kapu aka, moroto mase;

aorihtyã esaka jytoryhtao moroto roropa mase.

9 Taporihke jytoryhtao xixi tũtatoh pona te,

10 moroto ro jesemary ae jemary poko jarõko mase,

moroto roropa jakorehmãko mase.

11 Ynara karyhtao ya ixinukuturu a: “Kuapuruko,”

12 jenẽko ro mase.

Koko ahtao saereme ro mã oya.

Ikohmamyry maro saerehkatoh oxisã oya mana.

13 Jeretutumuru tyrise oya juahxirirĩ kehko,

14 “Kure mase,” ãko ase oya orẽpyra oexiryke.

Tomeseke sã tyrise ywy oya, kure kuhse onyrityã mana,

moro waro ase rahkene.

15 Yzehpyry tõ menene tokare pyra jyriryhtao oya;

tomeseke sã tyrise ywy oya aja wakuru ao jahtao.

16 Kuenene enurupyra ro jahtao.

Apapẽ pokona emero isene jehtoh poko tymerose oya

17 Ritonõpo, kure kuhse õsenetupuhtoh mã ya!

Ikuhpỹme roropa mã kehko!

18 Tukuhse ahtao ya, isawã motye tuhke exiry mana.

Ypakaryhtao amaro ro ase.

19 Ritonõpo, popynõ enahkapory se ase oya!

Ryhmatõ kõ ytory se ase ymyhtoino,

20 Okerekeremãko omi xihpyry ke mã toto;

ajohpe oturũko mã toto opoko.

21 Jesemy Ritonõpo, ozehnotokõ zehno roropa ase!

Amaro tãtãtapoiry se exiketõ se pyra ase ipunaka!

22 Toto zehno ywy yronymyryme;

jepeme pyra mã toto.

23 Ritonõpo kueneko, ukurohtao juaro oehtohme!

Kukuhko roropa josenetupuhtoh waro oehtohme.

24 Kueneko popyra ehtoh nae ahtao ukurohtao,