129
Tyyryhmase, yrome onyporemãkara
Ytoytoketõ eremiatoh sero.
1 Izyraeu tomo, yna zuruko oryhmatopõpyrykõ poko
oepetõkara a apitorymã poe
poetome ro awahtao xine.
2 “Ỹ, poetome yna ehtopõpyry poe
tyyryhmase ynanexiase,
yrome yna onyporemãkara ro
yna epetõkara toh nexiase.
3 Ỹpary tysahkase ikurohtaka sã ypipohnanomo a,
mosa roropa tupito nonory ahkary samo,
otyro puhturu arykatohme.
4 Yrome Kuesẽkomo a, zae Exiketymã,
yna typynanohse mokaro popyra exiketõ winoino.”
5 Ah Jerusarẽ se pyra exiketõ emero
typoremãkase nexĩ toto, epatohme.
6 Ah onahpoty sã nexĩ toto tapyi amotoh po,
axĩ orihnõko mana ahtara ro ahtao;
7 moro onahpoty anapoipyra isahkane mana,
anaropyra roropa mana pitiko rokẽ exiryke.
8 Ah ytoketõ mokaro kuroko ynara kara nexĩ toto:
“Kure rokẽ Ritonõpo Kuesẽkomo a oriporykõ se ase!
Kure oriporykõ se ynanase Ritonõpo a.”