1 Oenetupuhkehpyra ase, Ritonõpo,

oenetupuhnõko ase; eremiãko ase opoko oeahmaryme. Apakako, ukurohtao!

2 Ykyryry tõ haapa, rira roropa apakatoko!

Xixi ẽpakãko ase ẽmepyryme.

3 Ritonõpo, “Kure mase,” ãko ase ahno tõ rãnao.

Oeahmãko ase imoihmãkõ rãnao.

4 Yna pyno oehtoh kaetokohxo sã mana kapu epoe.

Zae oehtoh anamonohpyra mana, akuru pona samo.

5 Ritonõpo, imehxo oehtoh enepoko kapu ao.

Saereme oehtoh enepoko sero nono poro porehme!

6 Yna ipynanohko ajamitunuru ke; yna otururu oya etako, opoetory tõ typynanohsẽme toto ehtohme, ipyno xine oexiryke.

7 Tytapyĩ tao ynara tykase Ritonõpo:

“Typoremãkase toto ahtao ya Xikẽ patary apiakãko ase,

jakanahmã Sukote roropa apiakãko ase

8 Kireate ynonoryme mana, Manase roropa;

Eparaĩ ykyryryme mana, jupuhpyry ẽ kapasete samo.

Juta roropa ypoetory esẽme mana,

9 Yrome Moape exĩko ypaxihãme ekurikatohme;

ysãtajã tõ emãko ase Etõ pona,

Pirixteu tõ roropa typoremãkasẽme exĩko mã toto ya,

moro poko eremiãko ase, orẽpyra jehtoh poko.”

10 Ritonõpo, onoky jarõko nae pata jamihmã taka,

Onoky jarõko nae Etõ pona?

11 Ekaropoxi, yna turumekase nymyry oya?

Ytopyra ropa mahno yna soutatu tõ maro?

12 Yna akorehmako yna zehnotokõ

13 Ritonõpo kymaro xine ahtao

kyzehnotokõ enahkãko mana.