89
Jamihmehxo Exikety eahmary poko
Tymerose Etã ezeraita a.
1 Ritonõpo Jesemy, tahxime eremiãko ase
yna pyno oehtoh poko.
Jũme anamonohpyra oexiry poko ekarõko ase
yna pakomotyamo a emero.
2 Yna pyno oehtoh enahpỹme mana; moro waro ase,
anamonohpyra oexiry enẽko ase kapu ao,
tyrise oya exiryke.
3 Ynara mase: “Ypoetory Tawi tymenekase ya,
jomiry etapoase eya, ynara ase eya:
4 ‘Apary toiro tuisame exĩko mana, jũme.
Tuisame apakõ ehtoh kurãkãko ase omyakãme jũme.’ ”
5 Ritonõpo, kapu tõ eremiãko mã toto
onyrihpyry kurã poko,
onenyohtyã kurãkõ eremiãko mã toto
anamonohpyra oehtoh poko.
6 Imepỹ apanõ pyra mana kapu ao, Ritonõpo!
Kapuaõkõ emero asã pyra mã toto.
7 Ouno mã toto kurãkõ tõximõse ahtao;
osenuruhkãko mã toto oeneryke tyya xine.
8 Ritonõpo Jamihmehxo Exiketyme mase, yna Esemy!
Imepỹ pyra mana jamihme Exikety asamo!
Emero poko awahtao anamonohpyra mase, Ritonõpo.
9 Tuna konõto jamihme exikety poremãkãko mase;
pohkane tõ orẽpyra exiketõ mynyhpãkapõko mase.
10 Onokyroimo * Raape kynexine onokyroimo jamihmã esety; pakatokõ nekarohpyryme aexihpyry, popyra aexihpyryme, emero ryhmaneme roropa kynexine: Ritonõpo epetõkara enetupuhtohme.Raape takurihmose oya, totapase oya;
ajamitunuru ke oepetõkara typoremãkapose oya.
11 Kapu Esẽme mase, sero nono roropa;
sero nono tyrise oya,
epo exiketõ roropa emero porehme.
12 Inikahpoe ehtoh tyrise oya, ikurenae ehtoh roropa.
Ypy tõ Tapoa te, Heremõ maro oeahmãko mã toto
tãkye toehtohkõke.
13 Orẽpyrahxo mase!
Ajamitunuru jamihme kuhse mana!
14 Tuisamehxo mase emero Esẽme roropa;
ajohpe pyra mase, zae ehtoh poko rokẽ roropa,
yna pyno mase,
anamonohpyra roropa mase emero poko awahtao.
15 Tãkye mã mokaro toremiary ke oeahmananomo;
õmiry omipona exiketõ roropa,
saeremae ytoketõ sã oẽpataka.
16 Opoko atãkyematoh poko kohmãnõko mã toto,
oeahmãko mã toto kure ehtoh poko oexiryke.
Ritonõpo a tõmiry etapotopõpyry Tawi a
17 Omoro, Ritonõpo, jamihme yna rĩko mase;
kure rokẽ yna riryke oya, orẽpyra toehse yna.
18 Yna ewomane tymenekase oya.
Omoro mexiase Ritonõpo Izyraeu tõ Esẽ kurano
yna tuisary ekarohpõ yna a.
19 Pake ahtao, enepotoh ae moturuase
õmiry omipona exiketomo a: “Soutatu akorehmase,
orẽpyra exikety;
tuisame mokyro yriase, ynymenekahpyry ahno wino.
20 Ypoetory Tawi tymenekase ya tuisame ehtohme
typopase ynororo azeite ke ykyryry kurã ke.
21 Yjamitunuru imaro exikehpyra mana,
yjamitunuru poe orẽpyra exĩko mana.
22 Jũme onyporemãkaposaromepyra exĩko epetõkara mana; onyporemãkara exĩko popyra exiketõ mana.
23 Epetõkara akurihmõko ase,
zehno exiketõ etapãko ase, toto enahkapõko ase.
24 Jũme anamonohpyra ase Tawi akorehmary poko,
ipyno exikehpyra ase,
yjamitunuru ke orẽpyra exĩko mana.
25 Inonory zumohxo tyrĩko ase
tuna konõto Metiteraneu poe tuna Eupyrati pona.
26 Mame ynara ãko ya mana: ‘Omoro mase papame
ya, Ritonõpo Jesemy,
topuimome mase ypynanohneme.’
27 Aenuruhpyry osemazuhme exikety imehxo ehtoh
ekarõko ase eya, imehxo mokyro rĩko ase,
imehnõ tuisa tõ emero motye, sero nono po.
28 Jũme ipyno exikehpyra exĩko ase,
jomihpyry ynetapohpyry eya onytyorõmara exĩko ase.
29 Imeĩpo ipakomotyã tuisame exikehpyra exĩko mã toto, jũme tuisame exĩko enahpyra ro kapu ahtao.
30 “Yrome jomiry omipona pyra toehse
ipakomotyã ahtao, toto amorepatopõpyry
poko pyra toehse toto ahtao,
31 ynyripohpyry eya xine se pyra toehse toto ahtao,
jomihpyry omipona pyra toehse roropa toto ahtao,
32 toto wãnohnõko ase iirypyrykõ pokoino,
toto tuarimapõko ase azahkuru toto ehtoh emetakame.
33 Yrome Tawi pyno exikehpyra exĩko ase,
tyrĩko ase emero ynekarohpyry ae ro eya.
34 Anamonohpyra ase ynetapohpyry Tawi a,
tyrĩko ase emero jomihpyry ae ro eya.
35 “Oturuase toiro, jũme onytyorõmara jehtohme;
jomiry etapoase Tawi a zae Exiketyme jexiryke,
ajohpe exipyra ase eya.
36 Jũme typakõke exikehpyra exĩko mana,
tuisame aehtoh ewomãko ase
xixi saereh karyhtao kapu poko.
37 Jũme exĩko mana nuno ehtoh samo,
eneneme sã mana anamonohpyra mana kapu ao.”
Tuisa poremãkatopõpyry poko
38 Yrome seromaroro, Ritonõpo, tohne mase
onymenekahpyry poko, tuisame;
turumekase ynororo oya, typahse mã ynororo oya.
39 Õmihpyry totapose oya opoetory a repe,
yrome moro tamonohse oya, tuisame aehtoh
nuriame tyripose oya,
iparimã typahse oya nono pona.
40 Ipatary apuru tõ tytahkase oya,
itapyĩ tõ jamihmãkõ tonahkase oya.
41 Ytoytoketõ ikuroko ematonanohnõko mã toto,
imõkomory enahkãko mã toto,
katonõ eunohnõko mã toto.
42 Epetõkara orẽpyra tyripose oya,
tãkye tyripose toto oya.
43 Tuisa pyre, tapema tõkehko taere pyra tyripose oya,
osetaparyhtao typoremãkapose ynororo oya.
44 Tuisame pyra mokyro tyripose oya,
tuisa apõ tomase oya nono pona.
45 Tamuhpõmehxo tyripose ynororo oya
tamuhpõme exipyra ro ahtao;
toehxirose ynororo yronymyryme,
tyripose exiryke oya.
Oturutoh typynanopyry ropa poko
46 Otãto ise ro Ritonõpo?
Jũme otonẽnõko mah?
Otãto ise ro yzehno oehtoh nae apoto zatyry samo?
47 Wenikehpyra exiko okynã pyra isene jehtoh nase;
wenikehpyra exiko ahno emero onyrityã orihnõko mana.
48 Onoky isene rokẽ exĩko nae, orihpyra ehtohme?
Arypyra, emero orihnõko mã toto.
Epasaromepyra mã toto toorikyrykõ winoino.
49 Ritonõpo, otoko hnae pake enetupuhpotoh
yna pyno oehtoh poko?
Otoko hnae õmihpyry onetapohpyry Tawi a?
50 Wenikehpyra exiko, Ritonõpo,
ywy opoetory eunohnõko mã toto,
eanahtõko ase ypoihtory ahno a,
awaro pyra exiketomo a.
51 Ritonõpo, tuisame onymenekahpyry
kerekeremãko oepetõkara!
Emero rokẽ pona aytoryhtao eunohnõko mã toto.
52 Ritonõpo Kuesẽkõ seahmatone kokoro rokene,
jũme, enara rokene.
*89:10 Raape kynexine onokyroimo jamihmã esety; pakatokõ nekarohpyryme aexihpyry, popyra aexihpyryme, emero ryhmaneme roropa kynexine: Ritonõpo epetõkara enetupuhtohme.