70
Oturutoh Ritonõpo a akorehmatohme
(Saumu 40.13-17)
Tawi nymerohpyry, inekarohpyry eremiaketõ tuisary a.
1 Ritonõpo, axĩ ke kypynanohko!
Jesẽme mase; axĩ kuakorehmako, seromaroro!
2 Jetapary se exiketõ poremãkapory se ase oya.
Tuaro pyra tyripoko toto.
Tãkye exiketõ jetuarimary poko
iramapoko ropa, aehxirotohkõme.
3 Ah ypoihtone tõ typoremãse nexĩ toto;
Ah neramã toto toehxirotopõpyryke.
4 Ah tãkye nexĩ toto:
“Ritonõpo Imehxo Kuesẽkõme mana,” kananomo!
Tãkye exĩko mã toto typynanohse toexirykõke,
ah ynara nykã toto: “Kure kuhse Mase, Ritonõpo,
Imehxo Exikety.”
5 Ywy ase jamihme pyra te,
tytineruke pyra roropa ase;
Ritonõpo axĩ ke osehko jakorehmase!
Ypynanohneme mase, Jesẽme mase.
Axĩ ke kuakorehmako!