1 Omi kurã oehkehpyra mana ukurohtaka sero

Unuru pape merotoh sã nase,

2 Tuisa, nuaseme potu mase, imehnõ motye emero,

imehnõ zururu poko emese kure mase.

Moino ro kure rokẽ orĩko Ritonõpo mana.

3 Ometỹ eary pokona atapemã tyriko,

4 Kawaru po orẽpyra mase ytõko,

okyryry tõ mã zemizemiãko xixi ke,

ajohpe pyra ehtoh ewomãko mase,

zae rokẽ imehnõ apiakãko mase.

Ajamitunuru ke imoihmãkõ poremãkãko mase.

5 Opyre, pyrou tõ pohsuime mã kehko,

ozehnotokõ eano posohkãko mã kehko;

imehnõ nonory põkõ epukãko mã toto omyhtokoxi.

6 Tuisame oehtoh, Ritonõpo nekarohpyryme oya,

jũme exikehpyra mana.

Zae rokẽ erohnõko mase tuisame oehtoh poko.

7 Zae ehtoh pyno mase,

popyra ehtoh se pyra mase ipunaka.

Morara exiryke Ritonõpo Oesemy a

8 Ixtaratu kurã nae nase oupõ poko,

Eremiatoh etõko mã toto onetaryme

9 Nohpo tõ maro atapyĩ konõto tao,

tuisa tõ ẽxiry tõ mana.

Ãpotunuru wino tuisa pyty mana,

10 Tuisa pytyme exikety, jomiry etako:

“Oekyry tõ poko owenikehko,

11 Oryxime potu mase,

morara exiryke opyno exĩko tuisa mana;

kure rokẽ aomiry omipona exiko oniome exiryke.

12 Tuisa pytyme exikety, pata Tiro põkõ tynekarory kurã enehnõko oya mana;

tuhke tymõkomokãmo kure oriry se exĩko.”

13 Tuisa tapyĩ konõto tao tuisa pytyme exikety mana, oryxime potu mana!

Zupõ mã uuru kurã risẽme mana.

14 Upo kurã tamuruse, sỹsỹkamã potu

tymaro oryximãkõ arõko mana.

15 Oseahmaryme atãkyemaryme roropa

16 Omoro, tuisa, tuhke tumũkue exĩko mase,

tuisame exĩko mã toto, atamuru tõ myakãme;

sero nono põkõ tuisaryme toto rĩko mase,

17 Sero jeremiatoh ke jũme wenikehpyra