39
Etuarimakety omihpyry Ritonõpo a
Sero saumu tymerose Tawi a.
1 Ynara tykase ywy: “Tomeseke exĩko ase
ynyriry poko,
jotururu poko roropa iirypyryme pyra jehtohme.
Popyra exiketõ upũto ahtao oturupyra exĩko ase.”
2 Mynyhme toehse ywy, oturupyra exiase ipunaka.
Otyro kurã poko oturupyra roropa exiase!
Yrome jetuarimatoh popyrahxo toehse,
3 torẽtyke toehse ywy ukurohtao.
Itamurumehxo jemynyhmaryhtao
itamurumehxo ataosanumãko exiase.
Mame tõturupopitose ywy:
4 “Ritonõpo Jesemy, otãto ẽmepyry nae ro hano
joorihtoh pona?
Otara ahtao orihnõko hano?
Kuuruko isene jehtoh enatyry poko.”
5 Axĩtao rokẽ isene jehtoh onekarohpyry ya!
Oneneryme isene jehtoh okynã pyra ipunaka.
Ajohpe pyra, ahnome ehtoh puu katoh sã rokẽ mana.
6 Ytoytõko mana jerutu sã rokene.
Otyme kure yronymyryme aerokuru?
Tineru apoitohme repe,
yrome imeĩpo onoky tinerũme exĩko nae?
7 Seromaroro, Ritonõpo, oty eraximãko ha?
Oeraximãko rokẽ ase.
8 Kypynanohko yyrypyry tõ winoino;
ykerekeremapopyra exiko ajoajohpãkomo a.
9 Mynyhme ase, oturupyra ase,
oya sam tykamexipose jexiryke sero samo.
10 Ritonõpo, kuãnohkehko,
orihsasaka ywy ypipohtoh tonõ ke oya!
11 Yna zupokãko mase, yna rypyry poko
yna wãnohnõko mase.
Nuko tõ sã yna kyryry tõ kurã enahkãko mase.
Ajohpe pyra ahno mã puu katoh sã rokẽ mana.
12 Ritonõpo Jesemy, jotururu oya etako!
Otatõme exiko ynekaropory oya.
Kuakorehmako yxitaryhtao.
Ytamuru tõ ehtopõpyry sã emero
axĩtao rokẽ apãnaryme ase.
13 Ajohpame sã jenepyra exiko aporo
jatãkyematohme ya ytopyra ro jahtao taroino
jenahkatoh pona.