146
1 Daydayaw tayu hi Apu Dios!
Em, hedin ngun hi-gak, man ikkahhakey ku hu nemnem kun menaydayaw ni hi-gatu. 2 Ey i-ena-appeh ku hu penaydayaw kun Apu Dios e Dios ku eyan ketagguk.
3 Entan tu ididdinel hu tuu, anin ni eta-gey hu saad tu. Tep endi kabaelan ni tuun mengihwang ni hi-gayu.
4 Tep ida kamettey ni nambalin annel dan dep-ul et kamepappeg hu hipan planuh da.
5 Um-amleng hu tuun kabaddangin Apu Dios e Dios ni dinaydayaw lan eman nan hi Jacob. Em, kaman-am-amleng hu tuun tuka iddinel hu neitu-wan tun hi-gatu
6 e nanletun kabunyan, ya puyek, ya baybay niyaddan emin hu mategun wadadman. Hi-gatu e Dios ey tuka peamnu hu hipan tuka e-helan pehding tu.
7 Hi-gatu kaumbaddang idan tutu-un kapanligligat ni edum dan tuu. Ey tuka iddawat hu kennen idan kameuppa.
Hi Apu Dios hu kamengibbukyat idan neikelabut.
8 Ey tuka e-kala hu kulap idan nangkekulap et kaum-ang-ang hu mateda. Tuka pekedhel hu nemnem idan kamedismayah, niya nakappinhed tudda hu kayyaggud hu daka pehpehding.
9 Tuka ippaptek ida hu hansinu-wan ni nekibebley eyad bebley tayu, yadda nangkepu-hig niyadda nebalu. Nem tuka bahbaha hu planuh idan lawah ni tutu-u.
10 Hi Apu Dios hu Patul ni ingganah. Em, ya Dios tayun iZion hu mannananeng ni mampatul.
Daydayaw tayu hi Apu Dios!