22
Noe ma roet reꞌ neikin rasi ꞌhonis
1 Rarit ameput naꞌko sonaf neno tunan tuaf es nakriraꞌ kau noe jes, reꞌ oe nasai nbi bare naan neik rasi ꞌhonis. Oe naan kniun ii on reꞌ ninu. In nasai npoi naꞌko Uisneno nok ꞌBib-kaes Anaꞌ Sin aꞌtoko prenat.✡ Naiꞌ Yeskial 47:1, Naiꞌ Sakarias 14:8 2 Onaim in nasai neu raan uuf ee in atnanan anbi kota naan. Anbi noe naan in bian am bian, anmuiꞌ naan hau roet uuꞌ goes reꞌ neik rasi ꞌhonis. Hau roet naan nafua toon es ate no boꞌes am nua. Fuun es ate, nafua no goes. In noon ee, bisa njair reꞌu he npairoir areꞌ kanan uuf ma pah anbi pah-pinan.✡ Retaꞌ Ahun-hunut 2:9 3 Mes areꞌ saaꞌ-saaꞌ reꞌ Uisneno antitar napoitan sin ma nfee kasat neu sin, ka tiit sin fa nbin kota naan. Abitan kota naan, suma es reꞌ Uisneno ma ꞌBib-kaes Anaꞌ reꞌ antuun Ok ma napreent Ein anbin Sin aꞌtoko prenat, ma Sin aan renuꞌ-aan rekaꞌ sin reꞌ naꞌbesan ma naꞌruir ein neu Sin.✡ Naiꞌ Sakarias 14:11
4 Sin ar-arsin bisa nkius niit Uisneno In human ma In masan. Ma Uisneno In kanan matuꞌi et sin iirk ein meseꞌ-meseꞌ. 5 Anbi bare naan, ka tiit tain fa oras fai. Onaim Uisneno Iin na, sin ka nperluun fa manas, aiꞌ paku, natuin Uisneno kuun es antanaꞌ kota naan. Sin of annaaꞌ nokan aprenat anbi bare naan tar antea nabar-baar.✡ Naiꞌ Yesaya 60:19, Naiꞌ Danial 7:18
Usif Yesus nasoup In rais manbaꞌan
6 Rarit ameput naan natoon kau mnak, “Areꞌ saaꞌ-saaꞌ reꞌ au utoon ko sin reꞌ ia, ro batuur. Areꞌ mansian bisa npirsain saaꞌ-saaꞌ reꞌ au uꞌuab sin naan. Afi unuꞌ, Uisneno npaek In Asmaan ee he natoon In Kabin ma Prenat sin neu In mafefa kniunꞌ ein. Mes oras ia, In npaek In ameput naꞌko sonaf neno tunan he natoon neu In aanh ein anmatoom nok areꞌ kanan rasi reꞌ ka ꞌroo fa ntein ate, ro he njarin.”
7 Rarit Naiꞌ Yesus naꞌuab am nak, “Mimnau! Ka ꞌroo fa nteniꞌ te, Au ꞌuum een. Anbi surat reꞌ ia, antui nain areꞌ saaꞌ-saaꞌ reꞌ he njarin. Areꞌ kanan mansian reꞌ natuin surat ia in tuis ein, sin of es reꞌ anꞌua paꞌen ma nꞌua rekon.”
8 Atui surat reꞌ ia, es reꞌ au, naiꞌ Yohanis kau. Au reꞌ ia, es reꞌ aꞌneen aꞌrair, ma ꞌkius ꞌiit kuuk rasin reꞌ ia ok-okeꞌ. Aꞌneen aꞌrair on naan ate, au ꞌriꞌtuu he uꞌbesan aꞌbi ameput sonaf neno tunan in haen. Fin in es reꞌ nakriraꞌ rasin reꞌ ia ok-okeꞌ neun kau. 9 Mes in nakain kau mnak, “Hoe! Ho kais ammoeꞌ on naan! Ho ro he muꞌbesan meu Uisneno kuun. Kais muꞌbesan kau. Fin au reꞌ ia, suma aan renuꞌ-aan rekaꞌ on reꞌ ho, ma ho aok-bian sin reꞌ anjarin In mafefa kniunꞌ ein, ma tuaf bian anteniꞌ reꞌ anmoeꞌ natuin saaꞌ-saaꞌ reꞌ matuꞌi nbin surat ia in nanan.
10 Ho kais muꞌnifaꞌ surat reꞌ ia in afan meu tuaf bian. Natuin ka ꞌroo fa te, saaꞌ-saaꞌ reꞌ matuꞌi nbin surat ia, ro he njarin.
11 Areꞌ kanan mansian reꞌ anhaiꞌnisib ma nꞌoemetab,
amkonan sin he sin nꞌoemetan piut-piut.
Mes areꞌ kanan mansian reꞌ anmonin nok akninuꞌ,
sin arsin ro he nmonin nok akninuꞌ piut.
Areꞌ kanan mansian reꞌ anmaufinun,
amkonan sin he nmaufinun piut.
Mes areꞌ kanan mansian reꞌ anmoꞌen reko,
sin ro he nmoꞌen rais reko piut-piut.”✡ Naiꞌ Danial 12:10
12 Rarit Naiꞌ Yesus naꞌuab antein am nak, “Mimnau mirek-rekoꞌ! Natuin ka ꞌroo fa ntein, Au ꞌuum een. Au of aꞌbaras ꞌeu tuaf-tuaf, utuin saaꞌ-saaꞌ reꞌ sin nmoꞌe nrair sin.✡ Naiꞌ Yesaya 40:10, 62:11, Siit Pures-Boꞌis sin 28:4, Naiꞌ Yeremias 17:10
13 Au reꞌ ia,
Alfa ntea Omega.
Au reꞌ ia,
A ntea Z.
Areꞌ kanan saaꞌ-saaꞌ ii naꞌuun ma naꞌbaꞌan nbin Kau,
anmurai naꞌko ahunut tar amunit.✡ Rasi Mnitas neu naiꞌ Yohanis 1:8, Naiꞌ Yesaya 44:6, 48:12, Rasi Mnitas neu naiꞌ Yohanis 1:17, 2:8
14 Tuaf-tuaf reꞌ ansafen nrair sin paken, anꞌua paꞌen ma nꞌua rekon.
Fin sin of napenin hak he ntaman npeꞌon eon koꞌu neun kota naan in nanan.
Tuaf-tuaf reꞌ anmonin nrarin nok akninuꞌ, anꞌua paꞌen ma nꞌua rekon.
Fin sin of napenin mainuan he nbukae hau fua roet reꞌ neiki ꞌhonis abar-barat.✡ Retaꞌ Ahun-hunut 2:9, 3:22
15 Mes tua sonaꞌ ma ꞌtetaꞌ, ka bole fa he ntaman neun bare naan.
Reꞌ ka Uisneno Iin na fa, ka bole fa he natuan nbin bare naan.
Sin esan reꞌ tuaf-tuaf reꞌ ka npirsain fa neun Uisneno,* Suur Akninuꞌ uab Yunani antui mnak, “asu”. Atoin Yahudis biasa sin npaek uab tukaꞌ “asu” he njair uab manporin reꞌ anruur atoin ka Yahudis fa, es reꞌ atoniꞌ ꞌtetaꞌ sin “reꞌ ka npirsai fa Uisneno”. Anbi eraꞌ reꞌ ia, naiꞌ Yohanis naꞌuab anmatoom nok pukan humaꞌ-humaꞌ reꞌ ka ntaam fa on sonaf neno tunan. Ahuunt ee, es reꞌ “tuaf reꞌ ka npirsai fa Uisneno”. Reꞌ ia, ka rasi reꞌ anmatoom fa nok asu he ntaam on sonaf neno tunan.
amakaket, afuat,
amarorot, araut,
ma aputa-kriut.
Sin arsin reꞌ naan, ka bole fa he ntaman.
Sin arsin reꞌ naan, maut he sin nbin moneꞌ.
16 Au reꞌ ia, Naiꞌ Yesus Kau. Au ꞌsonuꞌ Au ameput naꞌko sonaf neno tunan he natoon rasin reꞌ ia ok-okeꞌ, he hi mnao mitoon Au rais manbaꞌan neu jemaꞌat bare hiut.
Au reꞌ ia, usif naiꞌ Daut in sufan-kaꞌun.
Au reꞌ ia, Usif reꞌ anaaꞌ aprenat.
Au snaaf ii, meu reꞌuf,
nahuum on reꞌ Faif Nome.
Au snaaf ii, maꞌtain reꞌuf,
nahuum on reꞌ Faif Nome.”✡ Naiꞌ Yesaya 11:1,10
17 Uisneno In Asmaan Akninuꞌ naskau mnak, “Atkoen ok teem teu ia, tua!”
Baroit bifee naan noꞌen am nak, “Atkoen ok teem nai, tua!”
Maut he tuaf-tuaf reꞌ anneen naskau msaꞌ am nak, “Atkoen ok teem nai, tua!”
Maut he tuaf-tuaf reꞌ anmeon oe, nkoen ok neman he nbukaen oe,
Maut he tuaf-tuaf reꞌ anromin he nbukae oe reꞌ neik rasi ꞌhonis,
iim he msium ma mtoup nai, tua!
Tuaf bole nait oe naan,
ruum-ruum ahaa.
Tuaf bole niun oe naan,
ma ka nfee fa roit.✡ Naiꞌ Yesaya 55:1
Naiꞌ Yohanis in rais manbasan amunit
18 Au reꞌ ia, naiꞌ Yohanis kau. Au umnaub tuaf-tuaf ki arki reꞌ of amneen ma mrees saaꞌ-saaꞌ reꞌ Uisneno nfei nrair sin neu kau anbi surat reꞌ ia, on nai: karu anmuiꞌ tuaf reꞌ nafaof aiꞌ ansaot saaꞌ-saaꞌ antein neu surat reꞌ ia, Uisneno of anhukun ma napein siraak hiut reꞌ In nasanut sin neun pah-pinan naan. 19 Ma karu anmuiꞌ tuaf-tuaf reꞌ nabait ma nakuran saaꞌ-saaꞌ naꞌko surat reꞌ ia, Uisneno of nait nain in hak, he kais antaam nok anbi kota kninuꞌ, ma in kais anbukae hau fua roet reꞌ neik rasi ꞌhonis abar-barat.✡ Surat reꞌ Naretaꞌ Nafaniꞌ Raan Aꞌhonis 4:2, 12:32
20 Naiꞌ Yesus kuun es reꞌ neikn On anfei ma nakriraꞌ rasin reꞌ ia ok-okeꞌ. In anbasan amsaꞌ am nak, “Ro tebe! Ka ꞌroo fa goen ate, Au ꞌuum een.”
Usiꞌ Yesus, amkoen Om uum nai, tua!
21 Au ꞌtoit he Usif Yesus nakriraꞌ In nekan arekot neu Iin na ok-okeꞌ. Tebes namneo. Amin.
Naꞌko au,
Naiꞌ Yohanis kau, tua.
✡22:1 Naiꞌ Yeskial 47:1, Naiꞌ Sakarias 14:8
✡22:3 Naiꞌ Sakarias 14:11
✡22:5 Naiꞌ Yesaya 60:19, Naiꞌ Danial 7:18
✡22:11 Naiꞌ Danial 12:10
✡22:12 Naiꞌ Yesaya 40:10, 62:11, Siit Pures-Boꞌis sin 28:4, Naiꞌ Yeremias 17:10
✡22:13 Rasi Mnitas neu naiꞌ Yohanis 1:8, Naiꞌ Yesaya 44:6, 48:12, Rasi Mnitas neu naiꞌ Yohanis 1:17, 2:8
✡22:14 Retaꞌ Ahun-hunut 2:9, 3:22
*22:15 Suur Akninuꞌ uab Yunani antui mnak, “asu”. Atoin Yahudis biasa sin npaek uab tukaꞌ “asu” he njair uab manporin reꞌ anruur atoin ka Yahudis fa, es reꞌ atoniꞌ ꞌtetaꞌ sin “reꞌ ka npirsai fa Uisneno”. Anbi eraꞌ reꞌ ia, naiꞌ Yohanis naꞌuab anmatoom nok pukan humaꞌ-humaꞌ reꞌ ka ntaam fa on sonaf neno tunan. Ahuunt ee, es reꞌ “tuaf reꞌ ka npirsai fa Uisneno”. Reꞌ ia, ka rasi reꞌ anmatoom fa nok asu he ntaam on sonaf neno tunan.
✡22:16 Naiꞌ Yesaya 11:1,10
✡22:17 Naiꞌ Yesaya 55:1
✡22:19 Surat reꞌ Naretaꞌ Nafaniꞌ Raan Aꞌhonis 4:2, 12:32