1-2 Alheel ngel-i mail, Khali bhaqda nee gaq kav lal nail phaq maqkhaiq, aivq goil nail gaiq-a nail bhaqda nee neema sal lal nail phaq maqkhaiq, Aqhaqlal Miqyail nail lavqkhoel aqtsaoq tsaoq nail phaq maqkhaiq, yu nail haqbhoil saol-nvq khi gaoqhaq nail phaq maqkhaiq, niil juq nuljuq nail lavqkhoel bhai aol haq neq, ngal lavqkhiq tsail deedee lal nia dai, niailhai nl yaoq. Nuljuq neema teevq heeq taivq-ail, goil nail gaiq-a nail teevq phaq taivq-ail, neenoeq needul iqsanl teevq phaq taivq-ail noeq yaoq. 3 Jil pheeljaq khi neema eeq nail heel nail lavqkhoel nee khul teevq phaq iqsanl thaq nl. Thaqtheq nail neema aol nail lavqkhoel, teevq gaq nee teevq gaq yovqgavq nail aqmaol nee maqtsil yu bhai thaqeeq yaoq. 4 Yovqgavq bhai tavq nail phaq bhai taivq-ail thaq saol-nvq. Yu bhai tavq nail juq bhai iqsanl saol-nvq yaoq.

5 Yeiqsul Khali neema thaq nail khe-ai, nuljuq iqsanl thaq yaoq.

12 Ngal mao-ail gaiq-a nail aqtsaoq juq-ol, nuljuq khaq mao iqsanl ngaq nail daoq naldaiq nail ngaol. Ngal nuljuq nee mail jaol-u nee maqtsil ngal nuljuq nee mail maq jaol-u phao iqsanl, ngaq nail daoq aqmeeq-ai naldaiq yaoq. Nuljuq yovqgavq nail hevqkovq nail phaq ya kivq dai, geesil khi aqjuq juq nail lavqkhoel nee laijai deedee yaoq. 13 Khul khi mail dai ngal-aq neq, Miqyail neema tsaq nail khe-ai, nuljuq nl movq nail neema aol lal khi nl nia dai, aivq nuljuq nail lavqkhoel bhai nl thailthaiq nail ngaol.

14 Nuljuq khal nl khal hal nail yaoq phaq yaoq-ao nee nail lavqkhoel bhai, khul nail daoqgovq maq dov, maq jil pheeljaq dai, nl yaoq. 15 Alhai nl haq neq, oeqbal thaq duq maq jiav nail tsaol-aq khi, neema haol nail tsaol-aq pevq nail ngaol. Neema neegovq aol khi neema pov pov lav lav-ail pevq nail niil yeel nail tsaol-aq nail lavqkhoel bhai jaol-u phao, nuljuq neq, laiq nail tsa nail phaq maq aol nail Miqyail nail yaq pevq nail ngaol. Al ovqtavq nuljuq neq, niil yeel nail lavqkhoel khe jaol nail tsaol-aq bhai aqbhaq bhaq bhiq nail ngaol. 16 Aqbhaq bhaq bhiq nail al neq, aqdoevq bhi doevq lal nail daoq cavq cavq nail phaq pevq nail ngaol. Alheel ngel-i mail, Khali kovq lee haq neq, ngal neema eeq duq niailhai ya nail ngaol. Ngaq-i mail tsaoq-a nail neq, aqnieivq-ail maq ngel-ail. Ngaq-i mail nl doil hal doil-a nail iqsanl, aqnieivq-ail maq ngel-ail. 17 Nuljuq-i mail neema thaqtsaol nail phaq neq, Miqyail bhai laol bhiq nail phaq khe-ai, dul nail ngaol. Laol bhiq nail al nail kovtavq bhai ngaq nail aqsivq ya hoeldav khi ngaol-aoq, ngal lavqkhiq tsail deedee nail ngaol. Nuljuq nee mail iqsanl lavqkhiq tsao tsail naol. 18 Alhai dul dai, nuljuq iqsanl lavqkhiq tsail yaoq. Ngaq-ai nee mail iqsanl lavqkhiq tsao tsail yaoq.

19 Mao-ail maq maoq lal mail, ngal Tilmolseiq bhai nuljuq jaol nail bha bhi lee naol dai, Heeqphaq Yeiqsul nail lavqkhoel bhai noeqthunq-ai thaq nail ngaol. Ngal nuljuq nail ganl ya heeq kivq haq neq, gaq aol lal nail ngaol. 20 Khul khi dai ngal-aq neq, aivq khe-ai dul dai, neema thaqtsaol nail tsaol-aq teevq gaq-ail ngaq-ai nee maq jaol-ail. Aivq neq, nuljuq nail haqbhoil maldil aqmeeq phaq saol-nvq bhi nia nail gaq ngaol. 21 Yaoq juq yaoq neq, Yeiqsul Khali nail haqbhoil aqmeeq phaq maq halpov mail, yovqgavq nail haqbhoil meeq lal dai taivq-ail, halpov nail ngaol. 22 Thailhai ngaol-aoq, nuljuq Tilmolseiq nail neema bhai heeq nia nail ngaol. Yaqyov teevq gaq yovqgavq nail aqbhu nee mail ganl nl nail khe-ai lavqkhiq tsail nail geeqlaoq daoq gaiq doi-ail dai, aivq ngaq-ai nee mail ganl nl-a nail ngaol. 23 Alheel ngel-i mail, yu ngaq bhai khalhai khi lavq nail ganl bhai ngal yaq heeq kivq-u phao, teevq pov taivq-ail aivq bhai nuljuq jaol nail bha bhi lee naol dai, ngal noeq nail ngaol. 24 Ngal iqsanl mao-ail maq mao lal mail nuljuq jaol nail bha lee naol dai, Yeiqsul nail lavqkhoel bhai neema thaqtsaol naol.

25 Thailhai ngaol-aoq, niil aq-il, ngaq nail jaqbheq Ilbhaqphaoqdil bhai nuljuq jaol nail bha iqmoeq bhi kovq lee nail neq, tsaq-ail ngel jaol-aq dai, ngal noeq nail ngaol. Aivq neq, ngaq-ai nee mail teevq gaq khe-ai ganl nl nail nee ovqtavq, ngaq-ai nee mail teevq gaq khe-ai aqhaqlal phao khe genl dev nail gaq ngaol. Ngal loq nail phaq bhai bhi tsaojao-ai nail dai khi, nuljuq-i mail khoel-ai thaq nail gaqkhoel iqsanl ngel naol. 26 Aivq nuljuq iqsanl bhai noeq moel-ai bhiq nail ngaol. Aivq nal nail ganl nuljuq ya gaiq-a nail ngel-i mail, aivq noeqhaq deedee-ai bhiq nail ngaol. Alheel ngel-i mail, ngal aivq bhai bhi kovq lee nail ngaol. 27 Aivq sil heeq phaq-ail nal deedee-a nail ngaol. Thailhai ngaol-aoq, Miqyail aivq bhai gaoqhaq-a nail ngaol. Aivq bhai taivq-ail gaoqhaq nail maq ngel-ail. Ngal noeqhaq deedee nail bhai maq bhi noeq haq jaiq lal dai, ngaq bhai iqsanl gaoqhaq lavq-a nail ngaol. 28 Nuljuq aivq bhai ya moel-u phao, lavqkhiq tsail lal dai maqkhaiq, ngal khaoqlaol nail micil maq gal lal dai maqkhaiq, ngal aivq bhai lavqtsail mail bhi kovq lee naol. 29 Yeiqsul bhaqda nee, lavqkhiq teevq tsail aivq bhai hav yaoq. Aivq khe-ai dul nail tsaol-aq juq bhai ev yaoq. 30 Khul khi mail dai ngal-aq neq, nuljuq-i mail ngaq bhai tsaojao-ai lavq-a nail, maq bhee nail juq bhee lal dai, aivq nail aqmaol av bhiq khi Khali nail ganl nl nail ngel-i mail, micil maq ngel-ail nul neq, sil lao-aoq nail ngaol.