6 Josephalu, Maryinhangha watipandha arnghu Bethlahamangha ilkandha. Maryilu bivi idla mia wanditha kadla wardlingha. 7 Mary-ilu bivi andyitha anhangha valu uriuripandhawa yardu mardla yaralangha yutha utyumathanha ngami apinhanghali valu yundhulanghu miru biviapa kadla mai wartanhangha.

8 Arngadhali anha widlyanha miru apinha ngurru yartangha ivi apinha mina warndatha andyianghu yadnaru irrapinha 9 Tha mandakadna irra yurra idla ngawarla wartanha vidinhand-ha wikudaurtun hanguni ardla marrangha watya ikadna tha vani wairnikada watya. 10 Tha irra yura wanghakadnanha uta wairnikadna andyitatyu vani warndu ngawarla inhangha mangi mangita nuda. 11  Inha vatyu nudaru irraninha ngadanghu Davidaru yartangha vanaatyu arrawartanha maatha. 12 Ngukakadna anharu, nakundyuda yaralangha uri urilpi wandirtamakua kadla mai wartanhangha ngurrungha, tha idanha idla nakundyuda arrawartalu idanha inhawartanha miruupa varndanhanghua Yuribandhanavirdna.