1 Ekꞌu woꞌora kantzꞌonoj: ¿E nawi xroqꞌotaj kan ri Dios rutinamit Israel? ¡Lik qꞌalaj na xroqꞌotaj taj! Ma riꞌin in aj Israel, in ralkꞌoꞌal kan ri Abraham, in jun chike taq kan ri ralkꞌoꞌal ri Benjamín;* Raj Israel e ralkꞌoꞌal kan ri Abraham, yey ri Benjamín e jun chike ri e uxikin-umam kan ri Abraham. yey riꞌin na xinoqꞌotax ta kan ruma ri Dios. 2 Ri Dios, lik ojertan lo riꞌ xuchꞌobꞌ raqan kuꞌan utinamit chike raj Israel; y kꞌa e uꞌanom woꞌora, na roqꞌotam ta kan rutinamit Israel. ¿Na etaꞌam ta nebꞌa alaq ri kubꞌiꞌij Ruchꞌaꞌtem ri Dios puwi ri xubꞌiꞌij ri Elías echiriꞌ rire xchꞌaꞌt chwach ri Dios chikij ri e aj Israel? Ma jewaꞌ xubꞌiꞌij:

4 ¿Yey saꞌ kꞌu riꞌ ri xukꞌul uwach ri Dios che ri Elías? Xubꞌiꞌij:

5 Jekꞌulaꞌ woꞌora kꞌa e kꞌo chi kan jumutz chike raj Israel echaꞌtal kan ruma ri unimal rutzil ukꞌuꞌx ri Dios. 6 Yey we echaꞌtal ruma ri unimal rutzil ukꞌuꞌx ri Dios, riꞌ na e ta ruma juna chak kiꞌanom rike. Ma we ta e riꞌ, ri unimal rutzil ukꞌuꞌx ri Dios na kajawax taj. 7 ¿Saꞌ kꞌu riꞌ ri kaqamaj usukꞌ che waꞌ? Lik e kꞌi chike ri tinamit Israel kꞌamajaꞌ kakiriq ri ketajin lo che utzukuxik, waꞌ e suꞌanik kebꞌuꞌan jusukꞌ chwach ri Dios. Noꞌj ri xeriqow re, e ri echaꞌom chi lo ruma ri Dios. Ekꞌu ri nikꞌaj chik xꞌan pachaꞌ abꞌaj che ri kanimaꞌ. 8 Ma e pachaꞌ ri tzꞌibꞌital kan pa Ruchꞌaꞌtem ri Dios:

11 Kantzꞌonoj kꞌut: ¿Ri kitzaqibꞌal raj Israel† Raj Israel xetzaqik ma na xkubꞌiꞌ ta kikꞌuꞌx rukꞌ ri Cristo. e nawi chaꞌ asu na keyaktaj ta chik? ¡Na e ta kꞌana riꞌ! Ma ruma ri kitzaqibꞌal rike, e xkꞌun ri kolobꞌetajik chike ri na e ta aj Israel, chaꞌ jelaꞌ raj Israel kakijeq kakirayij kekolobꞌetaj pachaꞌ ri na e ta aj Israel. 12 Yey we ruma kꞌu ri tzaqibꞌal y ri jaljobꞌik ke raj Israel, lik chom ri xkikꞌul taq ri tinamit re ruwachulew, ¡makꞌuwariꞌ e más chom ri kakikꞌul taq ri tinamit echiriꞌ konoje ri e aj Israel kakitzelej tanchi kitzij chwach ri Dios!

13 Kꞌo kꞌu ri kuaj kambꞌiꞌij che alaq ri na alaq ta aj Israel. Riꞌin in taqoꞌn re ri Jesús chike ri na e ta aj Israel. Ruma kꞌu waꞌ, lik kꞌax kannaꞌ wa chak yaꞌom panuqꞌabꞌ. 14 Yey ri lik kuaj riꞌin chike raj Israel, ri e watz-nuchaqꞌ, e kakirayij pan ri kꞌulum ralaq y jekꞌulaꞌ kekolobꞌetaj na jujun chike. 15 Ma we ri tzaqibꞌal ke raj Israel xuya luwar chaꞌ ukꞌiyal tikawex che ruwachulew xkꞌojiꞌ utzil chomal chikiwach rukꞌ ri Dios, ¿saꞌ kꞌu riꞌ ri kukꞌam loq echiriꞌ raj Israel kekꞌul tanchi ruma ri Dios? ¡E kukꞌam lo kꞌaslemal chike ri ekaminaq chwach ri Dios!

16 We junoq kuya puqꞌabꞌ ri Dios ri nabꞌe pam kesax che ri qꞌor, waꞌ e kꞌutubꞌal re ronoje ri qꞌor re ri Dios.* Nm. 15:17-21 Yey we chom ri ratzꞌayaq juna cheꞌ, jenelaꞌ riꞌ chom taq ruqꞌabꞌ.‡ Wa kebꞌ kꞌambꞌal naꞌoj puwi ri qꞌor y puwi ri cheꞌ keꞌelawi: Ri Abraham, ri Isaac y ri Jacob echaꞌtal ruma ri Dios. Ruma kꞌu waꞌ, ri kalkꞌoꞌal kan rike, e re ri Dios.

17 Ekꞌu che ri saqil cheꞌ re olivo (waꞌ e keꞌelawi rutinamit ri Dios e aj Israel) xjoqꞌix bꞌi jujun uqꞌabꞌ (waꞌ e keꞌelawi raj Israel na kikojom ta rubꞌiꞌ ri Cristo). Yey pukꞌaxel ri xjoqꞌix bꞌi, e xnakꞌ jujun uqꞌabꞌ cheꞌ re olivo xa re pa taq juyubꞌ (waꞌ e keꞌelawi ralaq hermanos, ri na alaq ta aj Israel). Ekꞌu woꞌora e pachaꞌ kakꞌul alaq ri saqil uwaꞌal cheꞌ re olivo, ri kel lo che ri ratzꞌayaq. 18 Pero machꞌobꞌ ne alaq we más kꞌo wach ralaq chikiwa ri saqil uqꞌabꞌ ri cheꞌ xejoqꞌix bꞌi. Ma we kaꞌan nim che ibꞌ alaq, mikꞌow chikꞌuꞌx alaq na e ta ralaq ri kꞌasbꞌayom re ri ratzꞌayaq ri cheꞌ, ma e ne ri ratzꞌayaq ri kꞌasbꞌayom e alaq.

19 Laj e kꞌo jujun chixoꞌlibꞌal alaq jewaꞌ kakibꞌiꞌij: «Jujun uqꞌabꞌ ri cheꞌ re olivo xjoqꞌix bꞌi chaꞌ jelaꞌ e kojnakꞌ kan riꞌoj pakikꞌaxel» kacha alaq. 20 Qatzij, pero waꞌ xjoqꞌix bꞌi ruma na jinta kubꞌulibꞌal kikꞌuꞌx rukꞌ ri Qanimajawal. Noꞌj kꞌu ralaq xtikiꞌ kan alaq xa ruma ri kubꞌulibꞌal kꞌuꞌx alaq rukꞌ ri Qanimajawal. E uwariꞌche, maꞌan nim che ibꞌ alaq; e kꞌola xiꞌin ibꞌ ukꞌ alaq chwach ri Dios. 21 Lik chajij kꞌu ibꞌ alaq, ma we ri Dios xujoqꞌij bꞌi taq ri saqil uqꞌabꞌ cheꞌ (waꞌ e ri e aj Israel na xkubꞌiꞌ ta kikꞌuꞌx rukꞌ ri Qanimajawal), jekꞌuriꞌlaꞌ kuꞌan che ralaq we jelaꞌ kaꞌan alaq pachaꞌ ri xkiꞌan rike.

22 Chilape kꞌu alaq riꞌ: Ri utzilaj rutzil ukꞌuꞌx ri Dios yey rutewul ri royowal. Ma lik kꞌo utewul ri royowal Rire echiriꞌ kayaktaj chirij ri na utz taj, jelaꞌ pachaꞌ ri xuꞌan kukꞌ ri xejaljobꞌik. Noꞌj ri utzilaj rutzil ukꞌuꞌx e ri kukꞌut che ralaq we katikiꞌ alaq chupa wa rutzil ukꞌuꞌx. Yey we na e ta kꞌu kaꞌan alaq riꞌ, kajoqꞌix ne ubꞌi riꞌ ralaq pachaꞌ ri xkikꞌulumaj rike. 23 Yey we ne ri e aj Israel kakitzelej kitzij y kakubꞌiꞌ kikꞌuꞌx rukꞌ ri Qanimajawal, kenakꞌ tanchi che ri saqil cheꞌ, ma ri Dios puqꞌabꞌ kꞌo wi kuꞌan waꞌ. 24 Ma ralaq, ri xset lo alaq che jun cheꞌ re olivo lik rewi xa re pa taq juyubꞌ, xnakꞌ kꞌu alaq ruma ri Dios che ri saqil cheꞌ re olivo tobꞌ waꞌ na cheꞌul ta alaq. We ri Dios xuriq kꞌu unakꞌik alaq che jun cheꞌ, lik na kꞌayew ta kꞌu riꞌ che Rire kunakꞌ tanchi ri saqil uqꞌabꞌ che ri cheꞌ pa petinaq wi.

25 Hermanos, ri Dios kꞌo ri uchꞌobꞌom chi lo raqan pakiwi raj Israel, yey waꞌ na qꞌalajisam ta lo ojertan. Ekꞌu woꞌora lik kuaj riꞌin ketaꞌmaj ralaq waꞌ chaꞌ na kaꞌan ta nim che ibꞌ alaq. Ri kikꞌulumam raj Israel, tobꞌ na konoje taj, e ri xꞌan pachaꞌ abꞌaj che ri kanimaꞌ, ma na kakaj ta kakikoj rubꞌiꞌ ri Cristo. Yey jekꞌulaꞌ kiꞌanom kꞌa echiriꞌ katzꞌaqat na ri kikꞌiyal ri na e ta aj Israel kakiya kibꞌ puqꞌabꞌ ri Cristo. 26 Kꞌa tekꞌuchiriꞌ konoje raj Israel kekolobꞌetaj na, ma jewaꞌ tzꞌibꞌital kan pa Ruchꞌaꞌtem ri Dios:

28 Na rukꞌ ta kꞌu riꞌ, raj Israel xebꞌuꞌana e aj retzelal kꞌuꞌxaj chirij ri Dios ruma na xkaj taj kakikoj ri Utzilaj Tzij. Ekꞌu riꞌ waꞌ xuya luwar che ralaq ri na alaq ta aj Israel chaꞌ utz kaqibꞌ alaq rukꞌ ri Dios. Noꞌj ri Dios kꞌa kꞌax kebꞌunaꞌ raj Israel ma xebꞌuchaꞌ lo ri katiꞌ-kimam ojertan. 29 Ma e janipa ri sipanik y ri sikꞌibꞌal uꞌanom ri Dios che rutinamit,* Ro. 9:4-5 waꞌ na karesaj ta chi kꞌenoq.

30 Ralaq ri na alaq ta aj Israel, rojertan na xkoj ta alaq utzij ri Dios. Noꞌj woꞌora e raj Israel ri na kakikoj ta utzij; y ruma kꞌu waꞌ, yaꞌtal che ralaq kakꞌul alaq ri kꞌutubꞌal re ri rutzil ukꞌuꞌx ri Dios. 31 Jekꞌuriꞌlaꞌ, woꞌora rike na kikojom ta utzij ri Dios; yey ruma ri rutzil ukꞌuꞌx ri Dios che ralaq, chiqawach apanoq ri Dios kukꞌut tanchi ri rutzil ukꞌuꞌx chike rike. 32 Ma ri Dios xuqꞌalajisaj konoje ri tikawex junam kiwach e aj palajiy tzij, chaꞌ jelaꞌ kukꞌut ri rutzil ukꞌuꞌx chike konoje.

33 ¡Janipa lo umajom rubꞌeyomalil y runaꞌoj ri Dios yey taq ri retaꞌam Rire; ronoje waꞌ lik na jinta utaqexik! ¡Na jinta ne kꞌana junoq kachꞌijow umajik usukꞌ janipa ri uchꞌobꞌom y ri uꞌanom Rire! 34 Ma jewaꞌ kubꞌiꞌij Ruchꞌaꞌtem ri Dios: