24
रिम्शो नु मरिम्शो फोव़शी गेडा
1 बेबीलोन ङा पिप नेबुकदरेसरमी यहूदा ङा पिप येहो-याकीम आ तौ येकोन्याह, यहूदा ङा पिप आ गेय पाइब, मार मार सेल्स जोक्ब नु तुप्तील आन कली यरूसलेमम ग्याइश्शा बेबीलोन लदा बाक्त। मेको नोले परमप्रभु यावेमी आं कली आ खिं आ ङोंइती डालो निक्शी फोव़शी गेडा कोंइताक्यी।येहो-याकीम आ नें २राजा २४:६ योयाकीन बाक्ब। तन्न येरमीया किताबम २२:२४ आ नें कोन्याह बाक्ब। मिनु येरमीया २४:१ येकोन्याह यो देंनीम।२राजा २४:१४-१६
2 मिनु डालो कामी ङोंइती ङा थम रिम्शो मीशो फोव़शी गेडा बाक्तेक्म। तन्न अर्को डालोम काइ मरिम्शो फोव़शी गेडा बाक्तेक्म। मेको जचा यो मदुम्चा ङा थम मरिम्शो बाक्तेक्म।
3 मिनु परमप्रभु यावेम आं कली “येरमीया गे मार, तवी” दे माइक्ती। मिनु गो “फोव़शी गेडा तातामी। थम रिम्शो फोव़शी गेडा नु थम मरिम्शो फोव़शी गेडा बाक्तेक्म। मेको मरिम्शो फोव़शी गेडा जचा यो मदुम्चा ङा बाक्नीम” देंती।
4 मिनु परमप्रभु यावेमी आं कली इजीकीएल ११:१४-२१
5 परमप्रभु यावे, इस्राएली आन परमप्रभुमी “मेको रिम्शो फोव़शी गेडा खोदेंशो पा, गो यहूदा रे बेबीलोन रागीम ग्याइश्शा लाइक्चा पुंइसीशो आन कली मिम्नुङ। गो मेको आन कली एकेर रे कल्दी आन रागीम सोइक्ताक्ङ।
6 गो मेको आन कली रिम्शो दुम्पाइक्चा कली कोव़नुङ। मिनु गो मेको आन कली एको रागीम लेश्शा चाक्नुङमी। गो मेको आन थुं बारपाइक्नुङमी। आन थुं लुक्च मलपाइक्नुङमी। गो मेको आन कली ख्रुम्नुङमी। मतुल्नुङमी। येरमीया १:१०; येरमीया ३१:२८
7 मिनु गो मेको आन कली ‘गो परमप्रभु यावे नङ’ दे आं कली तुइक्तीक थुं गेनुङमी। मेकोपुकी आं मुर दुम्नीम। मिनु गो मेको आन परमप्रभु दुम्नुङ। मारदे हना मेको आन थुं नेल्लेमी आं गे लेत्नीम। येरमीया ३१:३३-३४; येरमीया ७:२३
8 तन्न गो मेको जचान मदुम्चा ङा काइ मदारशो फोव़शी गेडा खोदेंशो पा यहूदा ङा पिप सिदकीयाह, मेको आ सरकार ङा गेय पाइब, यरूसलेम ङा लीशो मुरपुकी नु इजीप्त रागीमी बाक्ब आन कली मरिम्शो पाइनुङ। २राजा २४:१७-२०; ब्यवस्था २:३१; येरमीया २९:१६-१९
9 गो मेको आन कली रागी ङा राज्य नेल्लेमी शुश हिंचा ङा नु काइ मरिम्शो सेल्नुङ। मेको आन कली शिशी मताइब, शुक्शी लोव़ नु सराप पाइक्चा पुंइसीब सेल्नुङमी। मेको आन कली खेरशो रागी नेल्लेम मोदेंशो पाइनुङमी। १राजा ९:७
10 गो मेको आन कली तरवार, अन्काल नु मुर बेक्तीक रोइ सोइक्नुङ। मेको आन कली नु आन किकी पिपी आन कली गेशो रागी रे मेको नेल्ल मबेक्मा सम्म मो पाइनुङ” दे परमप्रभु यावेमी देंत।