×
Home: Mobile Home: Original Style What's New MP3 Bible Jewish Stories X-Witch X-Muslim Bible Movies Gospel Videos Godly Movies CBN Videos Random Video
  Kat Kerr   Anna Rountree   Mary Baxter   Several #1   Several #2   Choo Thomas   Ian McCormack   Burpo   I saw His Glory   7 Colombian Youths   Heavenly Blood   Heaven Testimonies
  Lazarus   Bill Wiese   Mary Baxter   Dr. Rawlings   J. Perez   Hepzibah   Ptr. Park   7 Columbian Youths
  Atomic Prayer   Prayers that ROUT demons   Warfare + Blessing   Healing   Declaration   101 Decrees   Tongues   Rosary   Artic Fire   Why Should We Pray?   Why Bother
  MP3 Bible   10 Commandments   Learn Bible in 24 Hours   40 Spiritual Lessons   Alpha   Foundations   Bible Commentaries   Book of Mormon   Temple Study   Red Letters   Divine Healing Training   God Story   Gap Theory   Creation to Christ   Book of John   Kids Bible Cartoons   Derek Prince Teaching   Jesus Film   Digital Bible   Bible Codes ELS
  Passion of Christ   New Jesus Film   Introduction   Names of God   Jesus IS...   Jesus Film   That's My KING   Father's Love Letter   Celestial Hug
  Warfare Training 1   Warfare Training 2   Casting Out demons   Combat   Examples   Warrior King   Exorcism   Prayer   Ask Him   demonology   Clarita   NUWI
  Final Quest   The Call   Tommy Hicks   3 Days   Angel Song   The Prison   H.A.Baker
  Best #1   Best #2   Spiritual Food   Generals   Ramirez   Bishop Kelley   Gary Wood   Roland Buck   Rees Howells   Baptized by Fire   Sid Roth   Todd White   Gary Beaton   Victor Marx   Akiane   Theo Nez   Nun's Story   Retha McPherson   Tomas Welch
  Booth's Vision   Frank Jenner   Hell's Best Kept Secret   EE-Taow   Manifesting Power   LivingWaters   Atheist Delusion   Using AI for Jesus   Sharing w/ Muslims   Sword + Serpent
  Revival Hymn   Jesus in China   Freemason Curruption   Modern Child Sacrifice   the WAR on Children   XGay   Transformations   Ark of Covenant   Soul Ties   Last Reformation   Noah's Ark Found   Does GOD Exist   Political Issues   Fake Mountain   7 Mountains   ID vs Evolution   Bible Science   American History   China Records   Case: Creator   Case: Christ   Case: Faith   Little Lessons   Deadly Mistakes   Enemies Within   Chinese Characters   Global Warming   The Final Frontier   Understanding Israel   Testing Joseph Smith   Targeting Kids
  X-Muslim   Journey of Hope   Islam Rising   ACT   Jihad   Best Muslim Story   Enemies Within   Answering Islam   Killing for Heaven   Killing the Infidel
  Downloadable MP3 Worship Music   Online Worship Music  DivineRevelations University   Free Posters   Christian Pictures   Kids Christian Cartoons   Bible Trivia   End Times Visions   Fractal Praise   Communion Verses   Bobby Conner   Brother Yun   Civil War   Prayer Tank   Fiscal Cliff   Understanding Economics   Who takes the Son   Christian GPTs
  All Languages   Afrikaans   Albanian   Amharic   Arabic   Bengali   Bulgarian   Burmese   Cambodian   Catalan   Chinese   Czech   Danish   Dutch   Farsi   Finnish   French   German   Greek   Gujarati   Hausa   Heberw   Hindi   Hungarian   Indonesian   Italian   Japan   Kannada   Khazanah   Korean   Laos   Malagasy   Malayalam   Malaysian   Marathi   Mongolian   Nepali   Norwegian   Oriya   Polish   Portuguese   Punjabi   Romanian   Russian   Somali   Samoan   Serbo_Croatian   Sinhala   Slovak   Slovenian   Spanish   Swahili   Swedish   Tagalog   Tamil   Telugu   Thai   Tongan   Turkish   Ukrainian   Urdu   Uzbek   Vietnamese
 About  Disclaimer  Phone# USA 425-610-9216  [email protected]
Follow on YOUTUBE  YouTube Follow on Facebook  Facebook Follow on X/Twitter  X/Twitter Follow Podcast RSS  Podcast  RSS Follow on Instagram  Instagram Follow on TikTok  TikTok
  PDF Library   Believer's Authority   Heavenly Man, Yun   Torch + Sword   The Harvest   Faith Shoemaker's Vision   Daughter of Sacrifice
For New Believers Something Funny... 2nd Page, Older Material
×






Menu / Home
Menu / Home
8 Itula I Le Lagi 

O Feau E 6 Mo Le Ekalesia

Gospel Go Passion of the Christ  The Jesus Film

Ua Puupuu Lava Le Taimi

Translators Needed !

Ua Puupuu Lava Le Taimi
By Victoria Nehale

A Friendly Reminder: TIME IS FAST RUNNING OUT
The testimony of Victoria Nehale and her several visitations by Jesus Christ.
The full message can be read in the book A FRIENDLY REMINDER: TIME IS FAST RUNNING OUT!

PDF   DOC

[Victoria's Website]  English  Spanish  Korean  Samoan  Bahasa Malaysia  Japanese  Portuguese  Indonesian  Tagalog  Swedish  French  Arabic  Romanian  Hausa  Swahili  Burmese  Malagasy Amharic

Sa ou fanau i Namibia ma ou nofo ai i lo’u olaga atoa. O le aso 6 Fepuari 2005, na ou faaolaina ai ma ofoina ai lo’u olaga mo Iesu. E tele ni mea na faailoa mai e Iesu ia te a’u i le Agaga i le malo o le Atua, faatasi ai ma le aveina faalua o a’u i seoli. Na faatonuina a’u e Iesu ina ia ou faailoaina nei mea na ou oo iai i tagata i le lalolagi. Na ia lapata’i foi a’u, ina ia aua ne i o’u faaopoopo pe toese se mea e tasi o mea uma na ia faailoa mai pe fetalai mai ai ia te a’u.

O le faaiuga o le tausaga 2006, na amata tusia ai lenei tusi po o mea ia na ou oo iai ma faailoa mai e le Alii o Iesu ia te a’u. E faatolusefulu ma le tolu ona asiasi mai le Alii ia te a’u. O taimi uma lava e maliu mai ai o Ia, e faapea mai lana fetalaiga, “UA PUUPUU LAVA LE TAIMI”.

MALAGA MUAMUA I SEOLI

I le faaiuga o le vaiaso 23 Iulai 2005, sa ou malaga ai i se tama’i taavale (taxi) mai le taulaga o Ondangwa o lo o o’u faigaluega ma nofo ai, aga’i atu i le nuu o lo o aumau ai nai o’u matua. A’o alu le taavale, na ou lagonaina pei o le a iai se mea e tupu ia te a’u i lea afiafi. Ou te taunuu pe tusa ua ta le 6 i le afiafi, ma o le taimi foi lea ua sauni tagata mo le meaai o le afiafi. I totonu o le umukuka sa matou iai ma nisi o lo matou aiga, a’o o’u taoto ai i luga o se matua ie, na ou faalogoina le manaia mai o pesega a nai o’u tei laiti o lo o pepese i pese o le Aoga Aso Sa.

I lea lava taimi na faafuasei ona ou lagonaina le malosi mai o le faauuga i o’u luga, ma ua ou faalogo atu i lo’u tino, ua sau lava lo’u vaivai, a ua malosi mai le mana o le Atua i o’u luga. Na ou vaaia se tagata o aga’i mai ile mea o lo o o’u taoto ai. Sa ia ofuina se ofu talaloa pa’epa’e e nonoa i se manoa e lanu faatasi ma lona ofu. Na ou vaaia le susulu malosi mai o se malamalama e foliga o lo o susulu mai ia te Ia. Na ia seeina ni seevae lanu enaena, ma ona foliga pei e foliga i tagata mai le Middle East, ma si ona tino enaena manaia.

O ona foliga na vaaia ai foliga e tumu i le alofa ma le olioli, peita’i sa le mafai ona ou vaai toto’a i ona mata. Na ia aapa mai ma faatu ia te a’u i luga mai le mea sa ou taoto ai. Na faafuasei ona ou vaaia ua liua lo’u tino i se tino manaia pei o le taimi na faatoa sefuluvalu ai o’u tausaga.

(Taoto pea le tino faalelalolagi nei, i le umukuka, ae o le tino faalelagi o Victoria lea ua ave ai e Iesu).

Na ou vaaia se ofu talaloa pa’epa’e ua ou ofu ai faatasi ai ma se manoa pa’epa’e o lo o nonoa ai. I le pa’epa’e o lo’u ofu o lo o ofuina, e le mafai ona faatusaina i le manaia ma le matagofie o le ofu o lo o ofuina e lea tagata. E ese lava foi lea ituaiga ie ma lona silika e le mafai ona faamatalaina.

Na faapea mai o Ia i se leo malu ma le agaalofa, “Victoria, ou te mana’o e te sau ta o, o le a ou faailoa atu ia te oe ni mea mata’utia o le a e fefe ai, o le a ou aveina foi oe i se nofoaga e te le i alu muamua iai  i lou olaga atoa”. Na ia uuina lo’u lima taumatau ma ma o loa.

Ina ua ma o ese atu na ou lagonaina pei o lo o ma savavali i le ea ma e peiseai i le ma savaliga e siisii aga’i i luga le ma o i taimi uma. E le i umi se taimi na ma o ai, ae ou lagonaina lo’u vaivai, ma ou aioi atu i le tagata lea ina ia toe faafoi a’u i lo’u aiga, ona ua le mafai ona ou faaauauina le ma malaga. Na vaai mai o Ia ia te a’u ma faapea mai, “E te le o vaivai, o lo o e manuia lava, afai ete vaivai o le a ou aveina (sii) oe, ae ole taimi nei, o lo o e manuia, ma ia iai le filemu ia te oe, ta o”.

O le nofoaga lea ua ma taunuu mai nei iai, o se nofoaga e foliga mai i se toafa matutu ma e sili atu lona leaga nai lo se toafa pito sili ona leaga i le lalolagi lenei. E leai se faailoga o se mea lava e tasi e ola ai pe tupu ai i totonu. E leai ni laau po o se lau o se mutia e te vaaia. E oo ini tagata po o se manu e tasi, e le i vaaia ai lea nofoaga ua ma taunuu mai iai. E na o lagona faanoanoa ma le fefe e maua ai..

Ina ua ma taunuu atu i le faitoto’a (gate), na liliu mai le tagata ma faapea mai ia te a’u, “Victoria o le a ta ulufale atu i le faitoto’a lena, ma o mea ia o le a e vaai iai, o ni mea o le a e fefe ma e le fiafia ai, ae ia e manatua, o fea lava ou te aveina iai oe, ou te malutia lelei  oe. Ia lelei lau vaai i mea uma lava o le a ou faailoa atu ia te oe”. Na ou lagonaina lo’u fefe ma ou tagi lotulotu ma ou taumafai e faatoga atu i le tagata lea ina ia toe faafoi a’u. Na ou faailoa iai ou te le fia alu i totonu i lea nofoaga ona o lo o mafai ona ou iloa atu i fafo i le faitoto’a lea, mea o lo o tutupu mai totonu. Na ia vaai mai ia te a’u ma faapea mai, “Ia iai le filemu ia te oe, o lo o o’u iai faatasi ma oe, e tatau ona ta o i totonu, ona ua leai se taimi, ua puupuu lava le taimi”.

Na ma ulufale atu i totonu, ma e le mafai ona ou faamatalaina lagona fefe i lea nofoaga. Ou te ta’utino atu foi e leai se nofoaga i le lalolagi lenei e faatusaina iai le leaga ma le manogi leaga. E mata’utia le tele ma na ou lagonaina ai foi o se nofoaga e faapena ona faatele i taimi uma. O se nofoaga e matua pogisa ma lona vevela e le mafai ona fuaina, e sili atu lona vevela nai lo le afi. Ou te le i vaaia se afi, po o se mafuaaga o lea vevela, ae matua vevela lava. E tumu i iniseti pei o lago, i so o se ituaiga lago – o lago lanu meamata, uliuli, lanu efuefu. E iai ma anufe pupu’u ma le lapopo’a i so o se mea e fetolofi solo ai. Na fetolofi mai nei anufe ia i maua, ma lago ua mumu solo mai, ua matua’i o’u lagona ai le fefe. E mata’utia le manogi leaga o lea nofoaga ma e le mafai e a’u upu ona faamatalaina lea ituaiga manogi. Ou te faatusaina i se manogi o se manu ua mate, ma ua leva ona taatia ma manogi leaga, peita’i o le manogi o lea nofoaga, e faaselau ona tuu faatasi le manogi o le manu mate faatoa mafai ona faatusatusa i le manogi o le nofoaga lea. I lo’u olaga atoa, ou te le i lagonaina se manogi faapea pe a faatusa atu iai i le mata’utia o lea ituaiga manogi leaga. O se nofoaga e tumu ile oi ma le lilivau o nifo, faatasi ai ma temoni ma leo o agaga leaga ua matua faatumulia ai.

O le mea pito sili ona leaga, o le faatumulia i le tele o tagata e le ma faitaulia le to’atele. O tagata o lo o iai ua na o auivi o lo o foliga mai ai. E mafai ona ou faapea atu ma le loto tele o nei tagata o lo o mafai ona ou maitauina nisi o lo’u aiga ma tagata o lo matou nuu. O latou ponaivi e pei e lanu efuefu malosi ma mamago. O latou nifo e uumi pei ni nifo o ni manu feai. O latou gutu e tetele ma o latou laulaufaiva e uumi lanumumu sesega. O latou lima ma vae e uumi atigivae ma atigilima maamaai. O nisi o i latou e iai si’usi’u ma seu i o latou ulu. O temoni e fefiloi solo ma tagata, ma foliga oni manu e ta’ifa o latou vae. O lo o matua fiafia nei temoni i totonu o lea nofoaga ma o lo o latou matua faatiga ma faataugaina nei tagata o lo o iai. O lo latou pisapisao e sili atu nai lo le pisa o se faamanatuina o se aso faapitoa po o ni faafiafiaga. O aga a nei temoni o lo o faia, o lo o sisiva ma osooso, pisapisao ma faatigaina nei tagata i taimi uma.

O le taimi lea na o foliga faanoanoa ma le le fiafia na ou vaaia i tagata, ma foliga mai ua matua leai so latou faamoemoe ma se fesoasoani ona o nei faiga o lo o puapuagatia ai i latou. O le leo sa faalogoina mai nei tagata, ua na o le leo o le oi, tagiaue, ma feei, o le lilivau o nifo ona o le mata’utia o sauaga o lo o latou feagai i lea nofoaga, e le ma faatusaina le tiga ma le oi na faalogoina.

E matua’i to’atele naua tagata o lo o iai lea nofoaga e le ma faitaulia, peita’i na mafai ona ou iloa ai e pito i to’atele i tama’ita’i tagata o lo o o’u vaai atu iai. E vaevaeina ini vaega eseese se tele, ae tusa lava pe vaevaeina i nei vaega e tele, e le mafai lava ona mateia se fuainumera o se vaega se tasi, ona o le anoanoa’i o tagata i ia vaega uma

Na ta’ita’i a’u e lea tagata aga’i atu i le vaega o lo o i le itu i sasa’e o le nofoaga. Na ia vaai mai ia te a’u ma faapea mai, “Victoria, o le vaega lea o tagata sa latou le maua le loto faamagalo e faamagalo ai isi tagata. Ua uma ona ou faailoa ia te i latou i so o se auala latou te faamagalo ai isi tagata, peita’i sa latou teena a’u. Ua uma ona faamagaloina a latou agasala uma, peita’i sa le mafai ona latou faamagalo atu i isi tagata a’o iai i le lalolagi. Ua uma lo latou taimi i le lalolagi, o lea ua latou ulufale mai ai i lenei nofoaga pagatia ma le tiga. O lo latou nofoaga lava lea e faavavau, talu mai le taimi na maliliu ai. Ou te lagona le tiga alofa ia i latou pe a vaai atu i le tulaga pagatia ua oo iai.

Na toe ta’ita’i atu lea o a’u i le isi vaega e soso’o ai, ma faapea mai lana tala ia te a’u,

“O tagata ia i le vaega lea, o tagata sa fai a latou aitalafu. E tolu vaega ua vaevaeina iai lea vaega o tagata sa fai aitalafu.

O le vaega muamua, o tagata sa aitalafu i nisi tagata, na mafai ona latou toe totogiina, peita’i sa latou tolotoloina pea le totogiina ma faatuatuai ai lava. Sa latou faapea e mafai ona totogi taeao, po o lea vaiaso, po o le tausaga fou se i oo ina uma lo latou taimi i le lalolagi ua maliliu ona latou i’u mai lea i lenei nofoaga. O lo latou nofoaga tumau lava lea, ma ua latou aai foi i le fua o a latou galuega sa fai a’o iai i le lalolagi.

O le vaega lona lua po o le faalapotopotoga lona lua o i latou ia sa iai a latou aitalafu. Sa mafai ona latou totogiina ma sa iai i o latou manatu o le a totogi, peita’i sa iai ni o latou lagona fefe ini mea e ono tula’i mai ai, ona sa manatu  latou, afai o le a latou ta’uina le mea moni o le a le toe talitonuina i latou e tagata, ma matua faalumaina foi ma faatoilaloina i latou. E leai ma se tasi o i latou nei na sau ia te a’u ma faatoga mai mo se auala e totogi ai a latou aitalafu. Ana latou valaau mai ia te a’u, po ua ou faailoa ia te i latou se auala faigofie latou te faia e totogi ai a latou aitalafu. Peita’i sa o latou faalagolago i lo latou atamai ma le malosi e faia ai ni faaiuga i so o se auala, ae sa le i mafai ona maua ai se fesoasoani mo i latou. Ua uma lo latou taimi i le lalolagi, ma ua latou oo mai ai foi i lenei nofoaga, o le a latou nonofo ai e faavavau. Ua latou aai foi i fua o a latou galuega sa fai a’o iai i le lalolagi.

O le vaega lona tolu, o i latou ia sa iai a latou aitalafu ua le mafai ona latou totogiina, peita’i e leai ma se tasi o i latou nei na valaau mai ia te a’u, o lo o iai ni aitalafu ua le mafai ona totogiina. Ana o latou valaau mai, po ua ou totogiina a latou aitalafu. Sa o latou taumafai foi i lo latou poto ma le malamalama, ma latou faia ai foi ni faaiuga i so o se auala, peita’i e le i maua ai se fesoasoani mo i latou. Ua latou oo mai foi i lenei nofoaga, o le a latou nonofo ai i le olaga atoa e oo i le faavavau. Ua latou aai i le fua o a latou galuega sa fai a’o iai i le lalolagi. E matua’i lagona le mafatia o lo’u loto i lo’u alofa i nei tagata ma le tulaga ua oo iai, ona ou te alofa tele ia i latou, peita’i ua uma le avanoa.”

I le vaega  muamua na ou vaaia ai ni tama’ita’i o lo’u aiga, faatasi ai ma se teineitiiti e sefululua tausaga e ma te aiga. Ou te iloaina e sefululua ona tausaga ona o tausaga ia na maliu ai. I le vaega lona lua na ou vaaia ai foi nisi o lo’u aiga faatasi ai ma se faifeau ou te iloaina lelei. Na ou vaaia ai foi i le vaega lona lua la’u uo tama o Jakes, sa pule i lona ola, ina ua ofoina lo’u olaga mo Iesu. Sa ou vaaia ai foi tagata o matou aiga tuaoi i vaega uma ia.

Na mafai ona ou maitauina tagata ou te iloaina ae le i maliliu, sa latou maitauina foi a’u. O tagata o lo’u aiga, sa o latou matua feita mai ina ua vaai mai ia te a’u. Sa latou feei ma tauvalaau mai ni faaupuga le manuia ma latou fetuu mai ia te a’u. O se tasi o i latou na valaau mai faapea, e leai se aoga ou te mulimuli ai i lea tagata ma te o atu faatasi. Ua latou valaau mai i mea sa ou faia ae le i ofoina lo’u olaga mo Iesu. E leai ma se tala po o upu sa tauvalaau mai ai nei tagata e sese i mea sa ou faia, e moni ma faamaoni. Na valaau mai foi la’u uo tama o Jakes e tatau ona ou alu atu i le mea o lo o iai, ona sa ou faia foi le agasala sa ia faia. Na ou vaaia i le taimi muamua foliga fiafia o le faifeau ina ua vaai mai ia te a’u, ma faapea mai, e lelei tele a’u ua ou sau. Peita’i na suia faafuase’i ona foliga ina ua vaai mai i le tagata o lo o ma o atu faatasi. Na tauvalaau mai lea faatasi ma nei tagata ini faaupuga le manuia. Na faapea mai lea o lea tagata o lo o ma o faatasi,

“Aua ete amanaiaina fua e oe upu ma tala o lo o tauvalaau mai ai tagata la, ona latou te le o iloa la latou mea o lo o fai.”

Sa matua lagona lo’u faanoanoa ma ou gatete i lo’u fefe ma ua le mafai ona ou tu i luga. Ua na o lo’u tagi lava. Na liliu mai le tagata lea ma fusi mai ia te a’u ma faapea mai,

“Ia iai le filemu ia te oe Victoria”.

Na ou toe lagonaina lo’u malosi ma ua ou iloa o lo o o’u malu i ona aao. Ona ia faapea mai lea o le a ma tuua le nofoaga ae ma toe o. Na ia vaai mai ia te a’u ma faapea mai,

“Victoria ua uma ona ou faailoa atu ia te oe vaega nei, filifili la oe po o le fea o vaega nei e te fia iai, o lau filifiliga o lo o ia te oe. E tatau ona e faailoa atu i tagata o i le lalolagi mea uma lava ua e vaai iai ma e oo iai, ae aua ne i e faaopoopoina pe toeseina foi se mea e tasi o mea uma ua ou faailoa ia te oe”.

Na ou manatua ua ma tuua le nofoaga, ma e mata’utia lagona fefe na oo iai, ou te le iloaina le taimi na tuua ai e le tagata lea a’u. Ina ua ou malamalama ane, ua ou toe foi i lo’u tino faa le lalolagi nei pei ona tatou iai. Na ou pupula ane ma ou iloa ai o lo o o’u taoto i le falemai o Oshakati. Sa ou vaaia se vailaau o tui i lo’u lima, ma si o’u tina ma nisi o matou aiga tuaoi o lo o tutu mai le isi tulimanu o le potu. Na ou vaaia si o’u tina pei e foliga mai sa tagi. Sa ou fesili loa i se tasi o tama’ita’i fomai pe o le a le mea na tupu ia te a’u. Na ia ata ma faapea mai lana tala, “ O lea ua toe faafoi mai oe, masalo e iai sau mea sese o lo o fai ua tatau ai ona e salamo”. Na taumafai le tama’ita’i fomai e faamama mai i lo’u mafatiaga ona o le tulaga ua oo ia te a’u. Peita’i sa mafai ona ou iloaina o lo o iai se lagona fefe o le fomai e soso mai ia te a’u. Na ou fai loa iai, pe mafai ona valaau le fomai na ia siakiina a’u.

Ina ua taunuu mai le alii fomai, na ia faapea mai, e matua’i ona leiloa pe o le a le mea na tupu ia te a’u.

Na manatu ia ua ou maua i se ma’i malaria, peita’i e su’e atu po o le ma’i lea, ae leai. Na toe faapea mai lea o ia, e siaki atu foi lou fiva ma le toto ua matua maualalo lava, ma na matua’i ona leiloa le mafuaaga. E leai se mea na mafai ona ia faia, e le o mafai foi ona ia taofia a’u i le falema’i ona ou te le o ma’i. O le vailaau sa latou taumafai e tui i lo’u lima, sa le i mafai ona fai, peita’i ina ua pupula o’u mata, na faaatoa mafai ai. Na toe faapea mai le alii fomai, ua uma ona toe tui e le tama’ita’i fomai le isi vailaau i lo’u lima ona ua uma le isi, ina ia atoatoa ai lo’u malosi ou te alu ai i le fale.

Sa le mafai ona aveeseina lagona fefe a’o o’u iai i le nofoaga sa ma iai ma le tagata na ia aveina a’u. O le manogi leaga o lea nofoaga, ua avea ma mea pei lava o la ou te iai i lea nofoaga i taimi uma ina ua ou foi i lo’u aiga. Ua avea ma mea pei e emoemo mai pea nei vaaiga mata’utia i lo’u mafaufau i taimi uma e le mafai ona galo. Sa le mafai ona ou moe, ae le gata i lea o lo’u lagonaina o le tiga o lo’u tino. Na ou faalogo atu pei ua aveese atu ivi o lo’u tino, ma toe faapipi’i mai, i tiga sa ou oo iai. Sa matua’i o’u lagonaina le mafatia. Na ou maua i se ma’i manava ma le ulu tiga i le vaiaso atoa talu ai lo’u mafaufau pea i le mea na oo ia te a’u.

Na tupu i lo’u manatu ou te le fia talanoa i se tagata e tusa o le mea sa ou oo iai, ona o lagona ua oo mai ia te a’u i lea taimi, O ai o le a talitonu mai ia te a’u pe a ou faamatalaina le tulaga na ou oo iai? O se tasi o a’u faiaoga na vili mai i le telefoni ina ua mavae aso e tolu e siaki atu a’u, ona sa ou logo iai e tatalo mai mo a’u. Sa ou faamatalaina loa iai le tulaga na tupu ia te a’u. Ina ua ou iloaina ua ou faamatalaina, o lea na ou faamatalaina loa iai le tala atoa. Na oo mai lagona ia te a’u ua ou toe fia tago lava a’u e fasi a’u. Sa ou tagi ona ua ou manatu ua ou faia se mea sese. Ua ou faamatalaina le mea na oo ia te a’u. Peita’i, ua leai se mea e toe natia ai, ua faamatala le tala. Na ou iloa ai foi afai ua finagalo le Atua e faailoa se mea, e faailoa lava, O IA O LE ATUA SOIFUA!   

O le aso 19 o Aukuso na ou lagona ai le faauuga a le Atua i lo’u tino ina ua ou ala ane i le taeao. Sa ou lagonaina le vaivai o lo’u tino ae ua ou gatete, ma peiseai o ni uila o lo o fegasoloa’i i lo’u tino. I le afiafi o le aso lava lea na ou vaaia ai se malamalama ua aga’i mai i totonu o le potu, ae i le ogatotonu o lea malamalama o lo o tu mai ai le tagata lava lea na aveina a’u i seoli. Na ia nofo ifo i lalo i le nofoa e soso’o ma lo’u moega. E matua’i o’u le malamalama lava pe na faapefea ona oo mai lea nofoa i totonu o le potu, ae i le taimi lava na o le a saofa’i le tagata lea i lalo, ua iai foi ma le nofoa. O se nofoa manaia ma le matagofie, e faia i auro, faatasi ma lona faalagolago. O ona vae e faia i fetu siliva, ae teuteuina i le lanu auro, ma fetu e toe faapipi’i ai i le ogatotonu o le faalagolago. E iai foi ma ona uili po o pa’u.

Ina ua uma ona faafeiloa’i mai a’u, na ia faapea mai, o lo o ia iloa e tele ni mea o lo o o’u fia fesili ai e uiga ia te ia, po o ai ia. O lea ua sau ai e faailoa mai ia te a’u, ma faamatala mai mea uma lava na ou oo iai ma lona uiga. Na ia faapea mai, “O A’U O IESU KERISO LOU FAAOLA, afai e te le talitonu, ia e vaai mai i o’u lima na ou iloa ai ni faailoga o ni manu’a i ona aao ina ua tuia i fao.

Lo’u uso, tuagane i lenei taimi, ou te mana’o e faailoa ia te oe, o seoli e le o se nofoaga na ona ta’u pe le moni foi. Ae ou te ta’utino atu ma le faamaoni mai le taele o lo’u loto, o seoli o se nofoaga e moni ma le faamaoni e pei ona tusia i lana Afioga Paia. O seoli e leai sou fiafia e maua ai, ua na o le loimata maligi ma le tagiaue faatasi ma le lilivau o nifo e te maua ai. E le i faia seoli mo tagata soifua pei o oe ma a’u, ae na faia mo satani ma ana au o temoni. Ae ala ona oo iai le tagata, ina ua le usita’i i le Atua e tusa ma lona finagalo ma lana UPU. O lo tatou nuu moni lava o lo o i le lagi ma Iesu. E tatau ona tatou filifilia Iesu manu e le i tuai. O le aso lenei ua e faalogo ai i lona siufofoga, aua le faamaa’a lou loto, ae ia e talia o Ia e fai ma Alii ma Faaola i lou olaga, amata atu i le aso lenei ona e soifua mo Ia. O seoli o se nofoaga mata’utia le leaga, o le nofoaga o le faanoanoa i taimi uma e oo i le faavavau. O lo o mana’o satani ia to’atele tagata na te aveina i seoli. Aua e te gaua’i iai i ana galuega ma togafiti leaga, ae taula’i lau vaai ia Iesu, ona e maua lea o le ola e faavavau, ae le o le fano i le faafanoga i seoli.

Ou te le i malamalama pe aisea na fetalai mai ai le Alii ia te a’u, ina ia faia la’u filifiliga i vaega e lua na ia faaali mai ia te a’u i seoli, ae o a’u o le Kerisiano ua fanaufouina. Ua uma ona ou taliaina o Ia i lo’u olaga, ae na ia faapea mai ia te a’u, a’o ma iai i seoli, e fai la’u filifiliga pe o seoli ou te iai pe leai foi. O lo’u le malamalama lea sa iai talu mai lea taimi na ave ai a’u. Sa ou tatalo pea ina ia faaali mai ia te a’u le uiga, ae o le a foi se mea o lo o ia finagalo iai ou te faia.

Na faailoa mai e Iesu ia te a’u, o lo o iai ni mea o lo o o’u teuina pea i lo’u loto i le va ma nisi o tagata, ma e le o mafai ona ou faamagaloina i latou, e pei o lo’u uso ma nisi o lo’u aiga. Sa ou aioi atu i le Alii ina ia faamagalo mai lo’u le loto faamagalo. Sa ou talanoa loa i lo’u uso ma nisi o lo’u aiga ina ia faamagalo mai a’u ma ou faamagaloina foi i latou.

Na toe faamanatu mai e Iesu ia te a’u, e iai le taimi sa ou maua ai se galuega faafaiaoga i se faailoga e le o sa’o. Na ia faapea mai o la’u mea na fai sa ou aitalafu ma gaoi ai. Sa ou filifili lea e faia se mea sa’o, o lea na ou tatalo ai, ina ia fesoasoani mai i lo’u faafitauli ma faaali mai se auala faigofie ou te ui ai, ona ua ou iloa e tele la’u soligatulafono ua fai ma e le taumate lo’u falepuipui ai. Na ia ta’ita’i a’u ou te alu i le ofisa o aoga, ma faailoa la’u agasala ua fai. O le mea moni lava, o a’u e falepuipui pe ana ou le ui i le auala na faailoa mai e le Alii ou te ui ai. Na ou iloa le lelei ma le matagofie o le Alii, ina ua ou alu atu i le ofisa ma faailoa tulaga uma lava. Na faapea mai le ofisa o aoga ia te a’u, ou te filifili pe ou te toe totogi atu le tupe a le ofisa na totogi mai ai a’u, pe leai. Sa latou tauto mai foi ia te a’u, o le a latou le tuuina mai se faasalaga mo a’u, ona ua faateia i latou i lo’u alu atu ma faailoa atu tulaga uma, ma faatoese atu ia latou. O lo tatou Atua, o se Atua e faamaoni i ana fetalaiga ma folafolaga, pe afai tatou te savavali e tusa o lona finagalo, o lo tatou tautala sa’o ma le faamaoni, e fiafia mai ai o Ia, ma fesoasoani mai i lo tatou vaivai.

Afai o e iai i se tulaga faapea, ini faafitauli pei ona ou ui mai ai, o le pepelo lava lea. Ou te faamalosi ia te oe ina ia e faia le mea moni, ta’u sa’o le mea moni, tusa lava pe o le a le tulaga e oo ia te oe, a’o lou faamaoni le mea e moomia e le Atua. E tusa lava pe e te falepuipui i le olaga lenei, ae e le tumau ai lena faasalaga, pe a faatusatusa i le to’asa o le Atua i seoli pe a o tatou le usita’i ia te Ia.

O seoli e le o se nofoaga manaia, e lelei ona tatou talia faasalaga e faasalaina ai i tatou i le tino lenei, ma ia o tatou ta’utino le mea moni, manu o maua le avanoa, ina ne i tuai. E le tatau ona tatou fefefe pe oo ni lagona le fiafia ini faaiuga e faia e le Atua i le taimi lenei, a’o tatou iai i lona alofa tunoa. E tatau ona tatou faatagaina o Ia i le taimi lenei e faasa’osa’o mai o tatou sese ma faaletonu manu o maua le avanoa, e faia ai mea tonu ma le sa’o i lana silafaga. Aua, talofa ia i tatou pe a ola pea i se olaga faafoliga i le vaaiga a tagata, ae o le silafaga a le Atua e tele se mea o faaletonu. Ia manatua e leai se toe faamagaloina i tua atu o le tuugamau.

 MALAGA LONA LUA I SEOLI

O le aso 18 o Oketopa 2005, na ou ala ane pe tusa o le 5:30 i le taeao, ou te le i usu ai i la’u galuega. Sa ou lagonaina lo’u vaivai ma pei ou te ona. E le i mafai ona ou gaioi a’o iai i lo’u moega, a ua malosi mai le agaga o le Alii i totonu o lo’u potu. Sa ou gatete ma ou faalogoina i lo’u tino pei se uila e fegasoloa’i i lo’u tino. O le taimi lea pe tusa ole ta o le 8:00 i le taeao, ona e le i leva ona ou vaai i la’u uati ae pe tusa na ua ta le 7:48 i le taeao, ae maliu mai loa o Ia. Na ia faafeiloa’i ia te a’u ma faapea mai, e tatau ona ma toe o, ona ua puupuu lava le taimi.

Sa ou tu i luga ma ou savali. O le ala lea na ma savavali ai, e ese mai foi le auala sa ma ui ai muamua. E savali o’u vae, ae le foliga e savali, ae pei e tafea. A’o ma aga’i atu ma Iesu, na ia faapea mai ia te a’u, o agasala uma lava e leaga, e leai foi se mea e ta’u o se agasala laititi po o se agasala lapo’a, o le agasala lava o le agasala. O agasala uma lava pe laititi pe tele, e fano lea i le faafanoga i seoli o le oti e faavavau lona taunuuga. Na ia toe faapea mai o le a ma toe o i seoli, ae pe o o’u fefe. Sa ou tali atu iai, ou te fefe. Na ia faapea mai ia te a’u, “O le agaga o le fefe e le mai le Tama po o A’u foi, ae mai le tiapolo. O le fefe na te faia mea e te taunuu ai i seoli.

A leai se faatuatua e le mafai ona fiafia mai le Atua. O le fefe o le faafeagai lea o le faatuatua. Ua manino ma malamalama o le fefe e le fiafia iai le Atua, ona e faaleagaina e fefe le faatuatua o le tagata. I le taimi atoa na ma o ai i seoli, sa ma o faatasi lava ma le Alii. Ae ina ua ma taunuu i le faitoto’a na ia tago mai i lo’u lima ma ia uuina i taimi uma na ma iai. Sa ou lagona lo’u fiafia ina ua ia uuina lo’u lima ma ua avea ma mea e sola ese ai le fefe sa ia te a’u. O se vaaiga i le nofoaga i lea taimi, ua ma toe o atu ai, o foliga lava e tasi. O lago, anufe, o le vevela, o ponaivi ma le pisapisao i le oi o tagata ma temoni o lo o faatauga solo nei tagata. O mea uma lava ia e leai se mea e suia i le vaaiga muamua. Na ma ulufale atu i le faitoto’a mataga lea, ma ave a’u e Iesu i se tasi o vaega o tagata. O le to’atele o tagata ou te iloaina i lea vaega, a’o iai le lalolagi ae le i maliliu. Sa ou vaaia se tulaga pagatia o lo o iai nei tagata, o latou foliga faanoanoa ma le leai o se faamoemoe.

A’o ma aga’i atu na faasino mai e Iesu se tasi o tina e le matua tele ou te iloaina ae le i maliu. Na maliu lenei tina i le amataga o le tausaga 2005 i se faalavelave tau taavale. Sa matua’i faateia a’u ina ua ou vaaia lenei tina i seoli, ona o se tina sa mata’u ma alofa i le Atua i taimi uma lava sa ou iloa ai o ia ae le i maliu. Na faapea mai Iesu ia te a’u, o lea tina e alofa tele ia te Ia, ma sa alofa foi iai, sa auauna ia te ia a’o iai i le lalolagi, ma ia ta’ita’iina le tele o tagata ia te Ia. O ia foi o se tina e malamalama lelei i lana Afioga Paia. O se tina sa agalelei i tagata matitiva ma e sa fia mana’omia se fesoasoani, sa ia ave lava iai mea e manana’o ai tagata ma fesoasoani iai i so o se auala. O se tina auauna lelei mo Ia a’o iai i le lalolagi. O fetalaiga ia a Iesu na atili ai ona matua’i faateia a’u pe faapefea ona oo mai se tagata sa auauna ma le faamaoni ia te Ia i seoli. Na silasila mai le Alii ia te a’u ma faapea mai,

“ O lenei tina o se tina e malamalama i togafiti leaga a le tiapolo. Sa ia malamalama lelei i le Afioga Paia a le Atua, peita’i sa ia talitonu i lona manatu, o le pepelo a le tiapolo o se agasala laititi e le afaina ai ia ma talitonu e le o se mea matuia le pepelo, e le alu ai foi seoli ona o le pepelo, aua o ia o le Kerisiano ua fanaufouina. Sa ou asiasi ia te Ia ma lapata’i iai, ina ia taofi le amio o lo o ia faia, ae o le tele o taimi e na te faia ai se faaiuga e faapea o le amio o lo o ia faia, o se mea laititi e leai sona afaina. Sa ia lagonaina la’u lapataiga, ona iai lea o se lagona maasiasi ia te ia, ona ia tuua ai lea o lea amio mo sina taimi puupuu. Peita’i sa ia toe manatu o le lapataiga sa ia lagonaina e le mai ia te a’u a’o ona lava faalogona. Sa ia manatu foi o le agasala lea o lo o ia faia e le ono tiga ai le Agaga Paia, peita’i sa ia matua faatiga i le Agaga Paia”.

Sa ou toe fesili ia Iesu e faailoa mai ia te a’u pe o le a se agasala a lenei tina sa fai ua mafua ai ona sau i seoli. Ae faapea le fetalaiga a le Alii, “O lenei tina sa iai sana uo foma’i i le falema’i o Oshakati. O taimi uma lava e ma’i ai lenei tina, e le alu i le falema’i e totogi ai sana talavai po o ni fualaau pei ona masani ai le to’atele. Peita’i na ona ia tago lava i le telefoni vili lana uo fomai, ma fai iai ini fualaau mo ia mai le falema’i. So o se taimi lava e vili ai, e tali mai lava lana uo ua lelei, ae feiloa’i i se taimi ua atofaina e piki mai ai fualaau. O le mea muamua lava i lenei tina, ua ia taliaina galuega faaosooso ma le pepelo a le tiapolo, e faapea e ese le agasala laititi ese le agasala matuia, a ua ia teena la’u upu moni. Ua ia faaosoosoina lana uo fomai e fai le agasala o le gaoi mo ia, ae o le mea sili ona leaga ua ia faatiga  i le Agaga Paia. O le mafuaaga lea ua sau ai lenei tina i seoli. E mafai ona e alu i seoli ina ua e faatiga i le Agaga Paia, tusa lava pe ua e ta’ita’iina mai tagata e faitau fiamiliona.. Aua e te naunau tele i le faaolataga mo isi tagata, ae galo ai ia te oe lou lava soifua auauna i le Atua i nai mea iti ia pei o le pepelo ma le gaoi, e ono faatiga ai i le Agaga Paia ma i’u ai i seoli. E tatau ona e  faalogo i le Agaga Paia i so o se taimi”.

Ina ua uma le fetalaiga lea a Iesu ona ia faapea mai lea o le a ma o.

O le tele o Kerisiano ua latou faalogo i lenei tala, e pei e avea ma faavaatuia i o latou finagalo ma manatu. Sa latou faapea mai, “Ae faapefea mea lelei o lo o faia, ae a le alofa tunoa? E mafai faapefea ona leiloa lota faaolataga ina ua uma ona taliaina? E le ua tele ea le faasalaga? E mafai faapefea ona to’asa le Atua?

E moni ua uma ona ou talanoa atu i lenei tusi po o lenei tala, ou te le o taumafai foi nisi tulaga faafilosofea e momoli atu ai so’u lagona, ae o lo o o’u taumafai e ta’u atu mea uma lava na faavaai  manino lava iai a’u e Iesu, ma ia a’oa’oina ai a’u. O mea foi na ia faatagaina ou te oo iai pei ona ia ave o a’u i seoli i lo’u tino faalelagi. O le lu’itau ma se fautuaga mo oe i lenei lava taimi, faamolemole faitau le Afioga Paia a le Atua, ma vaavaai iai i fuaiupu ta’itasi ma e faia ai lava e oe lou faamasinoga.

1 Korinito 9:27   A ou te faatoilaloina lo’u nei tino, ma a’u fai ai ma pologa, ina ne i i’u ina le faamaoni a’u , o a’u sa tala’i atu i isi tagata.

Roma 6:1-2     O lenei se a sa tatou upu? Tatou te nonofo pea ea i le agasala, ina ia faatele ai le alofa        tunoa? Aua ne i faapea. O i tatou ua oti i la le agasala, pe faapefea ona tatou ola pea iai?

Roma 6:12      O lenei, aua ne i malo le agasala i o tatou tino auga vale, i lo outou gaua’i iai i ona tu’inanau.

Eperu 10:26-27 Aua afai tatou te agasala ma le loto iai pe a uma ona talia o le malamalama o le upu   moni, ua le toe lava se taulaga mo agasala. Na o le faatali ma le mata’u tele i le faasala, ma le to’asa e mumu e susunu ai i e o tete’e atu.

O le fesili. Faamata ou te alu i seoli ae o lo o o’u ta’ita’iina agaga e to’atele i le Alii? E fai lava e oe lou faamasinoga po o faapeii mai lou olaga auauna i le Atua ma tagata ia na ou vaai ai i seoli.

OLAGA LE USITA’I

O le Aso Gafua aso 6 Mati 2006, na ou ala ane ai ina ua tatagi la’u uati pe tusa o le ta o le 5:30 i le taeao lea. Na amata ona ou tatalo ma ou iloa ai le malosi o le faauuga ia te a’u. Na ou lagonaina le vaivai o lo’u tino ma ua ou gatete ma faalogoina i lo’u tino pei e uila lo’u tino atoa.

I le aoauli o le aso lava lea, a’o o’u taoto ai lo’u moega, sa ou toe vaaia ai se malamalama uiga ese lona pupula ua faatumulia ai lo’u potu. Na ou vaaia ni mea nini’i lanu papa’e lapotopoto. Na toulu mai nei mea nini’i pei se timu ma peiseai e pauu mai i lo’u tino. Na ou toe vaaia se ao pa’epa’e o lo o alu ifo mai luga. Ua faatumulia ai le potu ma pei ua ufitia uma ai lo’u tino. E le i umi ae ou vaaia loa Iesu ua savali mai aga’i mai ia te a’u, a’o o’u iai i le ogatotonu o lea ao. Na ia nofo ifo i lalo i lona nofoa i tafatafa o lo’u moega. E matua’i o’u le malamalama pe faapefea ona oo mai ii lea nofoa manaia ma le matagofie. So o se taimi lava e afio mai ai Iesu o le a nofo ifo i lalo, o le taimi foi lena ua iai ma le nofoa. O se nofoa matagofie e faia i le auro, o lona tino mai e foliga lava i le tele o nofoa o lo o iai nei ma e iai ma lona faalagolago. O ona vae e faia i fetu lanu siliva, ae iai ma le fetu i le pito i tua o le faalagolago. O ona uili e lapotopoto. Na faafeiloa’i mai Iesu ia te a’u ma faaloaloa mai ona aao ma faapea mai ia te a’u ou te nofo i luga, ua puupuu lava le taimi.

Na ia faanofo atu a’u i luga ma saofa’i i luga o lo’u moega, ona faapea mai lea,

“Victoria o le a ta tatalo”.

Sa tatalo Iesu i se gagana ou te le malamalama ai, pau lava le upu sa ou iloaina o le AMENE. Ona ia faapea mai lea ia te a’u, po o a ia mea sa ou vaai iai. Sa ou tali atu iai, sa ou vaai i tagata o aga’i atu ia latou galuega ma le taimi sa latou taunuu ai i galuega. Na ou vaaaia ia lava mea nini’i o toulu i luga o tagata o lo o faapena ona vave ia latou galuega. Ina ua uma le vaega muamua, ae oo mai i le vaega e soso’o ai, o i latou ia na tuai mai ia latou galuega, i le taimi lea na ou vaaia mea nini’i nei ua le toulu ifo i luga o tagata na tuai atu. Sa ou vaai foi i vaega eseese o tagata i le taimi e taunuu ai i lotu eseese i le  Aso Sa. O le taimi lava e taunuu atu ai tagata o lo o vave atu i le lotu, o le taimi foi lena e toulu mai ai pei se timu mea nini’i ia i o latou luga. E faaauau ai lava ona toulu mai nei mea nini’i luga o tagata o lo o gasolo atu, seia oo ina ou vaai atu ua le toe toulu ifo. O tagata la sa tuai ane, e leai ma se toulu ifo iai o mea nini’i nei.

Na faapea mai lea o Iesu ia te a’u, pe na ou malamalama i faaaliga na ia faailoa mai ia te a’u. Ae ou tali atu iai e leai. Na ia faamatalaina mai lona uiga e faapea, “O le uiga o nei faaaliga na e vaai iai, o nofoaga uma lava e tatau ona e iai i le taimi ua faatulagaina, ma e iloa e tatau ona e iai i lea taimi, e iai foi ma agelu o lo o latou tufatufaina ni faamanuiaga mo lea taimi. Afai e te taunuu i le taimi ua atofaina mo lea faamoemoe, e te mauaina faamanuiaga na, afai e te tuai ma e faifaiaga, o le a e misia foi faamanuiaga o lea aso, ona pau lea o le taimi e o mai ai agelu ma tufa mai faamanuiaga ia. Victoria, ua ou lapataia oe, ona o le tele o taimi e te tuai soo i le galuega, ma ua fai ma au masani lou tuai soo i le lotu. E tatau ona e iloa i taimi ia e te tuai soo ai, e leai ma se mafuaaga e tatau ai ona e tuai, o le tele lava o lou faifaiaga ma e tuai soo, o le tele foi na o faamanuiaga ua e misia i lea aso ma lea aso, ma e le mafai ona toe foi mai ia te oe. Victoria e tatau ona e tuua lea vaivaiga o lou tuai soo, ma aua ne i e toe faia, se i vagana ua iai se mafuaaga tatau e te tuai ai”.

Ina ua fetalai mai le Alii i ia upu, ua ota fia mou ese lava ona o lagona faateia ma le maasiasi ina ua fetalai tuu sa’o mai o Ia i vaivaiga o lo o faapena ona ou ola ai. Sa ou taumafai ou te alo i se faaupuga e fai ia Iesu, ma ou faapea atu ia te Ia, o nisi taimi ou te moe umi ai. Sa silasila sa’o mai o Ia ia te a’u ma faapea mai. Ou te pepelo, ona o le tele o taimi ou te ala ai, ou te ala o’u toe taoto i lalo o’u toe moe, ona ou te manatu se i toe moeiini tasi i nai minute o totoe, ae avea ma mafuaaga o le moe umi ai loa.

Ina ua uma ona lapata’i mai Iesu ia te a’u, na ia faapea mai loa, “Tu i luga ua tatau ona ta o, ua puupuu lava le taimi, ae o lo o iai mea e tatau ona ta o e fai.”

O le taimi lea na aveina ai a’u e Iesu i se nofoaga ou te le i oo muamua iai i lo’u olaga atoa. O se taimi muamua foi lea ua ma savavali ai i se auala talu ona ia aveina a’u. Na ma taunuu atu i se togalaau e tumu i fugalaau matala eseese ma le matagofie, e oo i laau tetele ua matua matagofie ai lenei togalaau. E leai ma se nofoaga i le lalolagi lenei e faatusaina iai le matagofie o lenei vaaiga ua ou vaai iai. Na ma nonofo lea i lalo ma Iesu i luga o se nofoa e faia i le auro, ae teuteuina i tama’i fetu lanu siliva i totonu lava o le togalaau lenei.

Ona tusi lea o lona aao i se nofoaga o lo o i o ma luma atu, ma faapea mai, “Victoria, vaai, ua e iloa atu le aai lena? Na ou vaaia se aai uiga ese le manaia ma le matagofie lona pupula mai. E iai se faitoto’a lanu auro ua matua’i matagofie lona susulu mai. Sa ou vaaia ai foi i lea faitoto’a se tama matua o lo o nofo mai ai ma lana ava uumi lanu pa’epa’e, ma lona ulu sinasina. Sa ou vaaia muamua lenei tama, ae ina ua ou fesili ia Iesu po o ai lenei tama, na ia faapea mai, “O Aperaamo le tama o le au faatuatua.”

Sa ou vaaia le tele o magaala i lea aai, e fola i auro. E iai fale tetele ma e uiga ese lo latou tino mai e foliga e teuteuina uma i auro. E matua’i le mafai lava e a’u upu ona faamatalaina le matagofie felanulanua’i o lea aai. Na faliu mai le Alii ia te a’u ma faapea mai, “O le a sou iloa i lena aai ua e vaai atu iai?”.

Sa ou faapea atu i le Alii, e matua’i manaia ma matagofie ma ua ou fia oo atu lava iai. Na faapea mai le Alii, “E mafai ona ou aveina oe iai, pe afai e te usita’i pea ma tausi e tusa o mea ua e faalogo ai, ma e vaai iai. O lou fale foi e i totonu o lena aai pe afai e tumau lou usita’i i la’u UPU.

E tatau ona e ola usiusita’i, aua a aunoa ma lou usita’i i poloaiga ua uma ona tuuina atu i le lalolagi, ou te ta’u atu ia te oe, o lou fale e fai ma ofaga o iniseti pei ona e vaai iai seoli, ma faatauga solo oe e agaga leaga ma temoni i lea nofoaga. O le mea lea aua e te fefe, o lo o o’u faatasi ma oe. E na o lou usita’i lava i la’u UPU ona e maua lea o le nofoaga lea ua e vaai atu nei iai, o le lagi. O i latou uma e le usita’i mai ia te a’u, e tusa o mea ua ou fai atu ai, e fai seoli ma o latou nofoaga, o latou fale e tumu i iniseti ma faasaua iai agaga leaga ma temoni.

O lo tatou Alii o Iesu Keriso, e moni ma faamaoni o Ia, o lo o soifua nei e oo i le faavavau. O lona alofa ia i tatou e le ma faamatalatalaina. O lona finagalo alofa foi lea ia o tatou maua le ola e faavavau ua ia saunia mo i tatou o e matata’u ma anaana i lana UPU. O lo o mutimutivale lona alofa ona o i latou ua le usita’i ma latou maua le nofoaga sa Ia le mana’o e taunuu iai pei ona iai tagata na ma vaai iai i seoli. Na maliu o Ia ina ia o tatou maua le ola e faavavau. E taua tele lo tatou taliaina o lana UPU tatou te taunuu atu ai i le manuia ua ia saunia mo i tatou pe afai tatou te usita’i ma faalogo i le Agaga Paia.

Afai o oe o se Kerisiano ua fanaufouina pe leai foi, ia toe silasila toto’a pe iai ni vaivaiga laiti pei ona ou faamatalaina o lo o e soifua ai, ua tatau ona o tatou tuua. Ma ia o tatou manatua pea, e leai se agasala laititi po o se agasala tele i luma o le Atua, o le agasala lava o le agasala, ma e tasi lona taunuuga o – seoli. Faamolemole ia tatou manatua, “UA PUUPUU LAVA LE TAIMI”.